Mar 31, 2019, 3:29 PM
ਦੋ ਘੰਟਿਆਂ ਵਿਚ ਜੋ ਦੇਖਿਆ, ਪੇਸ਼ ਹੈ ਉਹ ਬਿਰਤਾਂਤ
ਕੱਲ ਜਦੋਂ ਹਾਸਰਸ ਕਵੀ ਦਰਬਾਰ ਵਿਚ ਹਿੱਸਾ ਲੈਣ ਗਿਆ ਤਾਂ ਉੱਥੇ ਮਹਾਂਰੱਥੀਆਂ ਦਾ ਕਵੀ ਦਰਬਾਰ ਚੱਲ ਰਿਹਾ ਸੀ। ਸੁੱਖੀ ਸਾਂਦੀ ਉਹਦੇ ਖਤਮ ਹੋਣ ਤੋਂ ਬਾਅਦ ਇਕ ਗਾਇਕ ਲੱਗਿਆ ਤੇ ਫੇਰ ਸਾਡੀ ਵਾਰੀ ਆ ਗਈ। ਇਹਨਾਂ ਦੋ ਘੰਟਿਆਂ ਵਿਚ ਜੋ ਦੇਖਿਆ, ਪੇਸ਼ ਹੈ ਉਹ ਬਿਰਤਾਂਤ:
-ਕਵੀ ਦੀ ਇਜ਼ਤ-
ਪੰਜ ਸੌ ਖਾਲੀ ਕੁਰਸੀਆਂ ਮੂਹਰੇ
ਕਵੀ ਕਵਿਤਾ ਸੁਣਾ ਗਿਆ
ਵੱਡੇ ਕਵੀ ਦੇ ਆਖੇ ਲੱਗਕੇ
ਮਾਂਬੋਲੀ ਦੇ ਜਸ਼ਨ ਮਨਾ ਗਿਆ
ਇਕ ਦੂਜੇ ਦੀ ਵਾਹਵਾ ਕਰਕੇ
ਭੇਟਾ ਜੇਬ ਚ ਪਾ ਗਿਆ।
ਸਟੇਜ ਪਿੱਛੇ ਪਰਟੇ ਉਹਲੇ
ਮੋਟਾ ਜਿਹਾ ਇਕ ਲਾ ਗਿਆ
ਜਦ ਆਈ ਮੇਰੀ ਵਾਰੀ
ਕੁਰਸੀਆਂ ਤੇ ਬੰਦਾ ਇਕ
ਨਾਲ ਲੈਕੇ ਦੋ ਹੋਰ ਆ ਗਿਆ
ਦੂਣੀ ਮੇਰ ਖੁਸ਼ੀ ਹੋਗੀ
ਮੈਂ ਵਾਧੂ ਇਕ ਸੁਣਾ ਗਿਆ
ਬਾਕੀਆਂ ਨਾਲੋ ਮੇਰੀ ਬੱਚ ਗਈ
ਇਜ਼ਤ ਦਿਲ ਨੂੰ ਲਾ ਗਿਆ
ਚਾਹ ਪੀਂਦੇ ਨੂੰ ਜਦ
ਉਹ ਬੰਦੇ ਮਿਲ ਗਏ
ਮੇਰਾ ਮਨ ਮੁਸਕਾ ਗਿਆ।
ਛੇਤੀ ਚਾਹ ਮੁੱਕਾ ਲੈ ਭਾਈ
ਹੁਕਮ ਹੈ ਸਾਨੂੰ ਆ ਗਿਆ
ਏਸ ਹਾਲ ਨੂੰ ਤਾਲਾ ਲਾਉਣਾ
ਟੈਮ ਛੁੱਟੀ ਦਾ ਆ ਗਿਆ।
ਮਨ ਦਾ ਪੰਛੀ ਜ਼ਖਮੀ ਹੋਇਆ
ਸ਼ਬਦਾਂ ਚ ਕੁਰਲਾਅ ਗਿਆ
ਬਈ ਦੇਰ ਤਕ ਰੁਆ ਗਿਆ
ਬਈ ਦੇਰ ਤਕ ਰੁਆ ਗਿਅ।
-ਜਨਮੇਜਾ ਸਿੰਘ ਜੌਹਲ
No comments:
Post a Comment