ਸਿਆਸੀ ਅਤੇ ਸਮਾਜਿਕ ਲੋਕ ਵੀ ਵੱਡੀ ਗਿਣਤੀ ਵਿੱਚ ਪੁੱਜਣਗੇ
ਲੁਧਿਆਣਾ: 29 ਅਗਸਤ 2018: (ਸਾਹਿਤ ਸਕਰੀਨ ਬਿਊਰੋ)::
ਪੰਜਾਬੀ ਉਰਦੂ ਦੇ ਮਸਹੂਰ ਸ਼ਾਇਰ ਸ੍ਰੀ ਲਾਲ ਚੰਦ "ਦੁਖੀ" ਅਤੇ ਸ਼੍ਰੀ ਰਾਮ ਪ੍ਰਕਾਸ਼ ਮਾਸੂਮ ਜੀ ਦੀ ਯਾਦ ਵਿੱਚ 12ਵਾਂ ਸਾਲਾਨਾ ਮੁਸ਼ਾਇਰਾ ਇਸ ਵਾਰ ਵੀ ਬੜੇ ਉਤਸ਼ਾਹ ਨਾਲ ਕਰਾਇਆ ਜਾ ਰਿਹਾ ਹੈ। ਇਸ ਵਾਰ ਇਸਦਾ ਆਯੋਜਨ ਪੰਜਾਬੀ ਭਵਨ ਵਿਖੇ ਪਹਿਲੀ ਸਤੰਬਰ 2018 ਨੂੰ ਸ਼ਾਮੀ 5 ਵਜੇ ਕਰਾਇਆ ਜਾਏਗਾ। ਇਸਦੇ ਮੁੱਖ ਮਹਿਮਾਨ ਹੋਣਗੇ ਪੀਏਯੂ ਦੇ ਸਾਬਕਾ ਵਾਈਸ ਚਾਂਸਲਰ ਡਾਕਟਰ ਮਨਜੀਤ ਸਿੰਘ ਕੰਗ ਜਦਕਿ ਸ਼ਮਾ ਰੌਸ਼ਨ ਕਰਨਗੇ ਸਤੀਸ਼ ਚੰਦਰ ਧਵਨ ਕਾਲਜ ਦੇ ਪ੍ਰਿੰਸੀਪਲ ਡਾਕਟਰ ਧਰਮ ਸਿੰਘ ਸੰਧੂ, ਸੀਟੀ ਯੂਨੀਵਰਸਿਟੀ ਦੇ ਰਜਿਸਟਰਾਰ ਡਾਕਟਰ ਜਗਤਾਰ ਧੀਮਾਨ, ਪ੍ਰ੍ਸਿਧ ਲੇਖਕ ਪ੍ਰੋਫੈਸਰ ਗੁਰਭਜਨ ਗਿੱਲ, ਪੰਜਾਬੀ ਸਾਹਿਤ ਅਕਾਦਮੀ ਦੇ ਪ੍ਰਧਾਨ ਪ੍ਰੋਫੈਸਰ ਰਵਿੰਦਰ ਭੱਠਲ, ਪੰਜਾਬੀ ਵਿਸ਼ਵ ਵਿਚਾਰ ਮੰਚ ਦੇ ਪ੍ਰਧਾਨ ਡਾਕਟਰ ਗੁਲਜ਼ਾਰ ਪੰਧੇਰ ਅਤੇ ਜੋਤਿਸ਼ ਸ਼੍ਰੋਮਣੀ ਸੁਖਮਿੰਦਰ।
ਸਮਾਰੋਹ ਦਾ ਉਦਘਾਟਨ ਕਰਨ ਵਾਲੀਆਂ ਸ਼ਖਸੀਅਤਾਂ ਹੋਣਗੀਆਂ ਲੁਧਿਆਣਾ ਸਿਟੀਜਨ ਕੋਂਸਿਲ ਦੇ ਚੇਅਰਮੈਨ-ਦਰਸ਼ਨ ਅਰੋੜਾ, ਬੀਜੇਪੀ ਦੀ ਸੀਨੀਅਰ ਲੀਡਰ ਰਾਕੇਸ਼ ਕਪੂਰ, ਲਾਇਨ ਹਰੀਸ਼ ਦੁਆ, ਆਈ ਬੀ ਐਸ ਨੰਦਾ, ਲੁਧਿਆਣਾ ਸਿਟੀਜਨ ਕੋਂਸਿਲ ਦੇ ਵਾਈਸ ਚੇਅਰਮੈਨ ਅਸ਼ੋਕ ਧੀਰ, ਗਿਆਨਸਥਲ ਮੰਦਰ ਦੇ ਸਰਪਰਸਤ ਹਰਦਿਆਲ ਸਿੰਘ ਅਮਨ।
ਸ਼ਾਇਰੀ ਦੇ ਮਾਮਲੇ ਵਿੱਚ ਆਪਣੇ ਕਲਾਮ ਦਾ ਜਾਦੂ ਬਿਖੇਰਨਗੇ ਜਨਾਬ ਸਰਦਾਰ ਪੰਛੀ, ਸਾਗਰ ਸਿਆਲਕੋਟੀ, ਦਾਨਿਸ਼ ਭਾਰਤੀ, ਮੈਡਮ ਜਸਪ੍ਰੀਤ ਕੌਰ ਫਲਕ, ਮੈਡਮ ਨੀਲੂ ਬੱਗਾ, ਮੈਡਮ ਜਸਮੀਤ ਕੌਰ, ਤਰਲੋਚਨ ਲੋਚੀ, ਮੈਡਮ ਪੂਨਮ ਕੌਸਰ ਅਤੇ ਕਈ ਹੋਰ। ਅਵਿਨਾਸ਼ ਪ੍ਰਤਾਪ ਸਿੰਘ ਸਿਧੂ ਅਤੇ ਰਮਨ ਗੋਇਲ ਸਮੇਤ ਕਈ ਸ਼ਖਸੀਅਤਾਂ ਨੂੰ ਸਨਮਾਨਿਤ ਵੀ ਕੀਤਾ ਜਾਏਗਾ।
No comments:
Post a Comment