ਪ੍ਰਗਤੀਸ਼ੀਲ ਲੇਖਕ ਸੰਘ ਪੰਜਾਬ ਵਲੋਂ ਸ੍ਰੀ ਕੁਲਦੀਪ ਨਈਅਰ ਦੇ ਦੇਹਾਂਤ 'ਤੇ ਸ਼ੋਕ ਸਭਾ

Aug 25, 2018, 4:54 PM
ਨਈਅਰ ਜੀ ਪੰਜਾਬੀ ਸ਼ਖ਼ਸੀਅਤ ਸਨ-ਡਾ. ਸੁਖਦੇਵ ਸਿੰਘ ਸਿਰਸਾ

ਲੁਧਿਆਣਾ: 25 ਅਗਸਤ 2018: (ਸਾਹਿਤ ਸਕਰੀਨ ਬਿਊਰੋ):: 

ਵਿਵਾਦਾਂ ਦੇ ਬਾਵਜੂਦ ਕੁਲਦੀਪ ਨਈਅਰ ਉਮਰ ਦੇ ਆਖ਼ਿਰੀ ਸਮੇਂ ਤੱਕ ਸਰਗਰਮ ਪੱਤਰਕਾਰ ਰਹੇ। ਉਹਨਾਂ ਨੇ ਪੰਜਾਬ ਸਮਸਿਆ ਨੂੰ ਸੁਲਝਾਉਣ ਲਈ ਵੀ ਆਪਣੀ ਪੂਰੀ ਵਾਹ ਲਾਈ। ਉਹਨਾਂ ਦੇ ਵਿਚਾਰਾਂ ਕਰਕੇ ਉਹਨਾਂ ਦੀ ਆਲੋਚਨਾ ਵੀ ਹੁੰਦੀ ਰਹੀ ਅਤੇ ਪਰਸੰਸਾ ਵੀ। ਇਹ-ਸ ਭ ਕੁਝ ਦੇ ਬਾਵਜੂਦ ਉਹ ਆਪਣੀ ਧੁੰਨ ਵਿੱਚ ਮਗਨ ਰਹੇ। ਕਦੇ ਉਹਨਾਂ ਨੂੰ ਉਸ ਵੇਲੇ ਦੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੀ ਕਰੋਪੀ ਕਾਰਨ ਜੇਲ ਜਾਣਾ  ਪਿਆ ਅਤੇ ਕਦੇ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਨਾਲ ਸਬੰਧਤ ਹਲਕਿਆਂ ਵੱਲੋਂ ਕਾਫੀ ਕੁਝ ਸੁਣਨਾ ਪਿਆ। ਉਹਨਾਂ ਦੇ ਦੇਹਾਂਤ ਮਗਰੋਂ ਉਹਨਾਂ ਨੂੰ ਸ਼ਰਧਾਂਜਲੀ ਦੇਣ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ। 

ਪ੍ਰਗਤੀਸ਼ੀਲ ਲੇਖਕ ਸੰਘ ਪੰਜਾਬ ਵਲੋਂ ਉੱਘੇ ਲੇਖਕ ਅਤੇ ਪੱਤਰਕਾਰ ਸ੍ਰੀ ਕੁਲਦੀਪ ਨਈਅਰ ਦੇ ਦੇਹਾਂਤ 'ਤੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ। ਸੰਘ ਦੇ ਕੌਮੀ ਸਕੱਤਰੇਤ ਮੈਂਬਰ ਡਾ. ਸੁਖਦੇਵ ਸਿੰਘ ਸਿਰਸਾ ਨੇ ਕਿਹਾ ਕਿ ਨਈਅਰ ਜੀ ਉਹ ਪੰਜਾਬੀ ਸ਼ਖ਼ਸੀਅਤ ਸਨ ਜਿਹੜੇ ਆਪਣੀ ਲਿਆਕਤ ਸਦਕਾ ਆਪਣੀ ਸ਼ਖ਼ਸੀਅਤ ਨੂੰ ਵਿਲੱਖਣ ਕਿਸਮ ਦੀ ਖ਼ੁਦਦਾਰ ਅਤੇ ਖੁਦਮੁਖਤਿਆਰ ਬਣਾ ਸਕੇ। ਉਹਨਾਂ  ਦਾ ਅਜਿਹੇ ਸਮਿਆਂ ਵਿਚ ਜਦੋਂ ਹਿੰਦੁਸਤਾਨ ਭੀੜਤੰਤਰ ਅਤੇ ਅਸਹਿਣਸ਼ੀਲਤਾ ਵਰਗੀਆਂ ਲਾਹਨਤਾਂ ਨਾਲ ਮੱਥਾ ਲਾ ਰਿਹਾ ਹੈ, ਜਾਣਾ ਬੜਾ ਅਸਹਿ ਹੈ। 

ਪ੍ਰਗਤੀਸ਼ੀਲ ਲੇਖਕ ਸੰਘ ਪੰਜਾਬ ਦੇ ਪ੍ਰਧਾਨ ਡਾ. ਤੇਜਵੰਤ ਸਿੰਘ ਗਿੱਲ ਨੇ ਕਿਹਾ ਕਿ ਸ੍ਰੀ ਕੁਲਦੀਪ ਨਈਅਰ ਜੀ ਨੇ ਸਥਾਪਤੀ ਵਿਰੋਧੀ ਸਟੈਂਡ ਲਿਆ ਅਤੇ ਆਪਣੀ ਲਿਆਕਤ ਅਤੇ ਦਲੀਲ ਨਾਲ ਆਪਣੀ ਸਮਝ ਦਾ ਸਿੱਕਾ ਮਨਵਾਇਆ। ਸੀਨੀਅਰ ਮੀਤ ਪ੍ਰਧਾਨ ਡਾ. ਅਨੂਪ ਸਿੰਘ ਅਤੇ ਜਨਰਲ ਸਕੱਤਰ ਪ੍ਰੋ. ਸੁਰਜੀਤ ਜੱਜ ਨੇ ਮਹਿਸੂਸ ਕੀਤਾ ਕਿ ਉਹ ਅਜਿਹੀ ਪੰਜਾਬੀ ਸ਼ਖ਼ਸੀਅਤ ਸਨ ਜਿਹਨਾਂ ਨੇ ਕਦੇ ਵੀ ਹਿੰਦ-ਪਾਕ ਵੰਡ ਨੂੰ ਅੰਦਰ ਆਤਮਸਾਤ ਨਹੀਂ ਕੀਤਾ। ਜ਼ਿੰਦਗੀ ਭਰ ਹਿੰਦ-ਪਾਕ ਦੋਸਤੀ ਲਈ ਕਾਰਜਸ਼ੀਲ ਰਹੇ ਅਤੇ ਵੱਡੀ ਉਮਰ ਵਿਚ ਵੀ ਆਪਣੀਆਂ ਲਿਖਤਾਂ ਨਾਲ ਸਰਗਰਮ ਰਹੇ।

ਪ੍ਰਗਤੀਸ਼ੀਲ ਲੇਖਕ ਸੰਘ ਦੀ ਲੁਧਿਆਣਾ ਇਕਾਈ ਦੇ ਪ੍ਰਧਾਨ ਸੁਰਿੰਦਰ ਕੈਲੇ, ਸੀਨੀ. ਮੀਤ ਪ੍ਰਧਾਨ ਇੰਦਰਜੀਤਪਾਲ ਕੌਰ, ਜਨਰਲ ਸਕੱਤਰ ਡਾ. ਗੁਲਜ਼ਾਰ ਸਿੰਘ ਪੰਧੇਰ ਤੋਂ ਇਲਾਵਾ ਸਮੁੱਚੀ ਜ਼ਿਲਾ ਇਕਾਈ ਨੇ ਅਫ਼ਸੋਸ ਪ੍ਰਗਟ ਕੀਤਾ ਜਿਹਨਾਂ ਵਿਚ ਭਗਵਾਨ ਢਿੱਲੋਂ, ਪ੍ਰੋ. ਰਮਨ, ਜਸਵੀਰ ਝੱਜ, ਤਰਲੋਚਨ ਝਾਂਡੇ, ਦਲਵੀਰ ਲੁਧਿਆਣਵੀ, ਹਰਬੰਸ ਮਾਲਵਾ, ਕੁਲਵਿੰਦਰ ਕਿਰਨ, ਸੁਰਿੰਦਰ ਦੀਪ, ਪਰਮਜੀਤ ਕੌਰ ਮਹਿਕ, ਜਗਜੀਵਨ ਕੌਰ ਜਿੰਦ, ਸੁਖਚਰਨਜੀਤ ਕੌਰ ਗਿੱਲ, ਅਜੀਤ ਪਿਆਸਾ, ਜਨਮੇਜਾ ਸਿੰਘ ਜੌਹਲ, ਬਲਕੌਰ ਗਿੱਲ,  ਡੀ. ਐਮ. ਸਿੰਘ, ਹਰਬੰਸ ਅਖਾੜਾ, ਭੁਪਿੰਦਰ ਧਾਲੀਵਾਲ, ਰਾਜਦੀਪ ਤੂਰ, ਜਰਨੈਲ ਸਿੰਘ ਮਾਂਗਟ, ਦੀਪ ਦਿਲਬਰ, ਗੁਰਸੇਵਕ ਸਿੰਘ ਢਿੱਲੋਂ, ਉਜਾਗਰ ਲਲਤੋਂ, ਹਰੀ ਕ੍ਰਿਸ਼ਨ ਮਾਇਰ, ਗੁਰਦੀਪ ਸਿੰਘ, ਬਲਵੰਤ ਸਿੰਘ ਮੁਸਾਫ਼ਿਰ, ਬਲਵੰਤ ਸਿੰਘ ਮਾਂਗਟ, ਰਵੀਦੀਪ, ਰਵਿੰਦਰ ਦੀਵਨਾ, ਅਮਰਜੀਤ ਸ਼ੇਰਪੁਰੀ, ਸੁਰਜਨ ਸਿੰਘ ਇੰਜਨੀਅਰ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਲੇਖਕਾਂ ਨੇ ਅਫ਼ਸੋਸ ਪ੍ਰਗਟ ਕੀਤਾ। ਸਮੁੱਚੇ ਲੇਖਕਾਂ ਦੀ ਰਾਇ ਸੀ ਕਿ ਸ੍ਰੀ ਕੁਲਦੀਪ ਨਈਅਰ ਜੀ ਵਰਗੀਆਂ ਸ਼ਖ਼ਸੀਅਤਾਂ ਦੀ ਪ੍ਰਗਤੀਸ਼ੀਲ ਲੇਖਕ ਸੰਘ ਦੀ ਸੋਚ ਵਾਸਤੇ ਵੱਡੀ ਲੋੜ ਹੈ।