5th June 2021 at 7:50 PM
ਲੁਧਿਆਣਾ ਦੇ ਐਡਵੋਕੇਟ ਵੱਲੋਂ ਨਿਰਦੇਸ਼ਤ ਹੈ ਇਹ ਫਿਲਮ
ਲੁਧਿਆਣਾ: 05 ਜੂਨ 2021:(ਕਾਰਤਿਕਾ ਸਿੰਘ//ਸਾਹਿਤ ਸਕਰੀਨ)::
ਡਿਪਟੀ ਕਮਿਸ਼ਨਰ ਲੁਧਿਆਣਾ ਸ੍ਰੀ ਵਰਿੰਦਰ ਕੁਮਾਰ ਸ਼ਰਮਾ ਨੇ ਲੁਧਿਆਣਾ ਵਿਖੇ ਪਦਮਸ੍ਰੀ ਡਾ. ਸੁਰਜੀਤ ਪਾਤਰ ਦੇ ਨਾਲ ਐਡਵੋਕੇਟ ਹਰਪ੍ਰੀਤ ਸੰਧੂ ਦੁਆਰਾ ਨਿਰਦੇਸ਼ਤ "ਕੁਦਰਤ ਦਾ ਸਤਿਕਾਰ ਕਰੋ" ਡਾਕੂਮੈਂਟਰੀ ਫਿਲਮ ਰਿਲੀਜ਼ ਕੀਤੀ। ਸ੍ਰੀ ਵਰਿੰਦਰ ਸ਼ਰਮਾ ਨੇ ਡਾਕੂਮੈਂਟਰੀ ਫਿਲਮ ਦੀ ਝਲਕ ਵੇਖਣ ਤੋਂ ਬਾਅਦ ਕਿਹਾ ਕਿ ਐਡਵੋਕੇਟ ਹਰਪ੍ਰੀਤ ਸੰਧੂ ਨੇ ਆਪਣੀ ਡਾਕੂਮੈਂਟਰੀ ਰਾਹੀਂ ਕੁਦਰਤ ਬਾਰੇ ਇਕ ਬਹੁਤ ਸਾਰਥਕ ਸੰਦੇਸ਼ ਦਿੱਤਾ ਹੈ ਅਤੇ ਹਰ ਇਕ ਨੂੰ ਲਾਜ਼ਮੀ ਤੌਰ 'ਤੇ ਡਾਕੂਮੈਂਟਰੀ ਵਿਚ ਪ੍ਰਕਾਸ਼ਤ ਕੀਤੇ ਜਾਣ ਵਾਲੇ ਲੁਧਿਆਣਾ ਦੇ ਸ਼ਾਂਤ ਸਥਾਨਾਂ ਦੀ ਝਲਕ ਹੋਣੀ ਚਾਹੀਦੀ ਹੈ।
ਉਨ੍ਹਾਂ ਛੋਟੀ ਡਾਕੂਮੈਂਟਰੀ ਫਿਲਮ 'ਕੁਦਰਤ ਦਾ ਸਤਿਕਾਰ ਕਰੋ' ਦੀ ਸੁੰਦਰ ਸਕ੍ਰਿਪਟ ਬਣਾਉਣ ਲਈ ਐਡਵੋਕੇਟ ਹਰਪ੍ਰੀਤ ਸੰਧੂ ਦੇ ਸਮਰਪਿਤ ਯਤਨਾਂ ਦੀ ਸ਼ਲਾਘਾ ਕੀਤੀ, ਜਿਹੜੀ ਕੁਦਰਤ ਦੇ ਬਦਲਵੇਂ ਦ੍ਰਿਸ਼ਟੀਕੋਣ ਨੂੰ ਦਰਸਾਉਂਦੀ ਹੈ ਅਤੇ ਮਨੁੱਖੀ ਜੀਵਨ ਵਿਚ ਕੁਦਰਤ ਦੀ ਮਹੱਤਤਾ ਦੀ ਕਦਰ ਕਰਦੀ ਹੈ। ਹਰਪ੍ਰੀਤ ਸੰਧੂ ਦੁਆਰਾ ਬਣਾਈ ਗਈ ਕੁਦਰਤ ਬਾਰੇ ਇਹ ਫਿਲਮ ਲੁਧਿਆਣਾ ਦੇ ਆਸ ਪਾਸ ਲੁੱਕੇ ਹੋਏ ਸੁੰਦਰ ਨਜ਼ਾਰੇ ਅਤੇ ਸਤਲੁਜ ਦਰਿਆ ਦੇ ਕਿਨਾਰਿਆਂ ਤੋਂ ਸੂਰਜ ਦਾ ਅਸਤ ਹੋਣਾ ਅਤੇ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਦੇ ਸੁੰਦਰ ਬਗੀਚਿਆਂ ਨੂੰ ਪ੍ਰਦਰਸ਼ਿਤ ਕਰਦੀ ਹੈ ਜੋ ਕਿ ਲੁਧਿਆਣਾ ਦੇ ਲੋਕ ਬਹੁਤ ਘੱਟ ਵੇਖਦੇ ਹਨ, ਇਸ ਲਈ ਐਡਵੋਕੇਟ ਹਰਪ੍ਰੀਤ ਸੰਧੂ ਸ਼ਲਾਘਾ ਦੇ ਹੱਕਦਾਰ ਹਨ। ਜ਼ਿਲ੍ਹਾ ਲੁਧਿਆਣਾ ਦੀ ਯਾਦਗਾਰੀ ਸੁੰਦਰਤਾ 'ਤੇ ਫਿਲਮ ਨੂੰ ਬਣਾਉਣ ਲਈ ਉਨ੍ਹਾਂ ਦੀ ਸੁਹਿਰਦ ਸ਼ਰਧਾ ਅਤੇ ਦ੍ਰਿਸ਼ਟੀ ਲਈ ਤਹਿ ਦਿਲੋਂ ਧੰਨਵਾਦ ਕੀਤਾ।
ਉੱਘੇ ਕਵੀ ਪਦਮ ਸ਼੍ਰੀ ਡਾ. ਸੁਰਜੀਤ ਪਾਤਰ ਨੇ ਹਰਪ੍ਰੀਤ ਸੰਧੂ ਦੁਆਰਾ ਨਿਰਦੇਸ਼ਤ ਇਹ ਡਾਕੂਮੈਂਟਰੀ 'ਕੁਦਰਤ ਦਾ ਸਤਿਕਾਰ ਕਰੋ' ਦੀ ਸ਼ਲਾਘਾ ਕੀਤੀ ਜਿਸ ਨੇ ਸਰਬ ਸ਼ਕਤੀਮਾਨ ਕੁਦਰਤ ਵਿੱਚ ਮੌਜੂਦ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਦਰਸ਼ਨ ਅਤੇ ਸੁਭਾਅ ਦੀ ਝਲਕ ਨੂੰ ਸੁੰਦਰ ਢੰਗ ਨਾਲ ਮਿਲਾਇਆ।
ਪੀ.ਪੀ.ਸੀ.ਬੀ. ਦੇ ਚੇਅਰਮੈਨ ਡਾ. ਐਸ.ਐਸ. ਮਰਵਾਹਾ ਨੇ ਹਰਪ੍ਰੀਤ ਸੰਧੂ ਦੁਆਰਾ ਕੀਤੇ ਚੰਗੇ ਕੰਮਾਂ ਦੀ ਵੀ ਸ਼ਲਾਘਾ ਕੀਤੀ, ਜਿਨ੍ਹਾਂ ਨੇ ਆਪਣੇ ਕੈਮਰੇ ਰਾਹੀਂ ਇਸ ਦੂਜੇ ਲਾੱਕਡਾਉਨ ਦੌਰਾਨ ਕੁਦਰਤ ਦੇ ਖੂਬਸੂਰਤ ਪ੍ਰਸੰਗ ਨੂੰ ਕੈਦ ਕੀਤਾ ਅਤੇ ਕਿਹਾ ਕਿ ਇਹ ਇਕ ਸਮੇਂ ਸਿਰ ਪੇਸ਼ ਕੀਤੀ ਡਾਕਊਮੈਂਟਰੀ ਹੈ ਜੋ ਸਮੁੱਚੀ ਮਨੁੱਖਤਾ ਲਈ ਸਮਝਣਾ ਬਹੁਤ ਦਿਲਚਸਪੀ ਵਾਲੀ ਹੋਵੇਗੀ, ਪ੍ਰਮਾਤਮਾ ਦਾ ਮਨੁੱਖਤਾ ਨੂੰ ਉੱਚਾ ਅਤੇ ਸਪਸ਼ਟ ਸੰਦੇਸ਼ ਹੈ ਕਿ, ਂਕੁਦਰਤ ਸਦਾ ਜੀਵਿਤ ਰਹੇਗੀ ਪਰ ਮਨੁੱਖਜਾਤੀ ਨਹੀਂ ਹੋਵੇਗੀ'।
ਹਰਪ੍ਰੀਤ ਸੰਧੂ ਨੇ ਦੱਸਿਆ ਕਿ ਉਨ੍ਹਾਂ ਵਾਤਾਵਰਣ ਤਬਦੀਲੀ ਦਾ ਅਧਿਐਨ ਕਰਨ ਦੇ ਮਕਸਦ ਨਾਲ ਲਾਕਡਾਊਨ ਦੇ ਦੂਸਰੇ ਪੜਾਅ ਵਿੱਚ ਪੀ.ਏ.ਯੂ. ਦੇ ਆਲੇ ਦੁਆਲੇ ਦੀ ਤਸਵੀਰਾਂ ਖਿੱਚਣੀਆਂ ਸੁਰੂ ਕੀਤੀਆਂ, ਖਾਸਕਰ ਸਵੇਰ ਵੇਲੇ ਜਦੋਂ ਬਾਗਾਂ, ਬਗੀਚਿਆਂ ਵਿੱਚੋਂ ਜਦੋਂ ਸੂਰਜ ਚੜ੍ਹਦਾ ਹੈ ਤਾਂ ਜੋ ਲੋਕਾਂ ਤੱਕ ਇਹ ਸੁਨੇਹਾ ਪਹੁੰਚਾਇਆ ਜਾ ਸਕੇ ਕਿ 'ਕੁਦਰਤਾ ਦਾ ਸਤਿਕਾਰ' ਕਰਨਾ ਚਾਹੀਦਾ ਕਿਉਂਕਿ ਸਾਡੇ ਵਿਚੋਂ ਬਹੁਤੇ ਮਨੁੱਖੀ ਜੀਵਨ ਵਿਚ ਕੁਦਰਤ ਦੀਆਂ ਅਸੀਸਾਂ ਦੀ ਕਦੇ ਕਦਰ ਨਹੀਂ ਕਰਦੇ। ਸੰਧੂ ਨੇ ਇਸ ਡਾਕਊਮੈਂਟਰੀ ਫਿਲਮ ਨੂੰ ਂਵਿਸ਼ਵ ਵਾਤਾਵਰਣ ਦਿਵਸਂ ਨੂੰ ਸਮਰਪਿਤ ਕੀਤਾ ਹੈ ਉੱਘੇ ਖੇਤੀ ਮਾਹਰ ਸ੍ਰੀ ਅਵਤਾਰ ਢੀਂਡਸਾ ਅਤੇ ਸ਼ਹਿਰ ਦੇ ਪ੍ਰਮੁੱਖ ਡਾਕਟਰ ਵਿਵੇਕ ਸਾਗਰ ਵੀ ਡਾਕਊਮੈਂਟਰੀ ਫਿਲਮ ਦੀ ਰਿਲੀਜ਼ ਦੌਰਾਨ ਮੌਜੂਦ ਸਨ।
No comments:
Post a Comment