Monday: 19th February 2024 at 19:03
ਹਰ ਲੋਕਪੱਖੀ ਅਦਾਰੇ ਦੀ ਪਹਿਲੀ ਤਰਜੀਹ ਹੋਵੇ ਮਨੁੱਖਤਾ ਨੂੰ ਬਚਾਉਣਾ
ਡਾ. ਸੁਖਦੇਵ ਸਿੰਘ ਸਿਰਸਾ ਅਤੇ ਚੋਣ ਕਮੇਟੀ ਦੀ ਅਗਵਾਈ ਵਿਚ ਡਾ. ਸਰਬਜੀਤ ਸਿੰਘ, ਡਾ. ਪਾਲ ਕੌਰ, ਡਾ. ਗੁਲਜਾਰ ਸਿੰਘ ਪੰਧੇਰ ਅਤੇ ਹੋਰਾਂ ਵੱਲੋਂ ਪੰ.ਸਾਹਿਤ ਅਕਾਦਮੀ ਦੀ ਚੋਣ ਲਈ ਨਾਮਜ਼ਦਗੀਆਂ ਦਾਖਲ
 |
| ਡਾ. ਸਿਰਸਾ, ਡਾ. ਅਨੂਪ ਸਿੰਘ, ਪ੍ਰੋ. ਜੱਜ, ਡਾ. ਦੀਪ, ਹਰਮੀਤ ਵਿਦਿਆਰਥੀ, ਰਮੇਸ਼ ਯਾਦਵ ਦੀ ਅਗਵਾਈ ਵਿਚ ਪੰਜਾਬੀ ਸਾਹਿਤ ਅਕਾਦਮੀ ਲੁਧਿਆਣਾ ਦੀ ਚੋਣ ਲੜ ਰਹੇ ਡਾ. ਸਰਬਜੀਤ ਸਿੰਘ (ਪ੍ਰਧਾਨ), ਡਾ. ਗੁਲਜਾਰ ਸਿੰਘ ਪੰਧੇਰ ਆਦਿ ਉਮੀਦਵਾਰ ਅਤੇ ਹੋਰ ਹਾਜ਼ਰੀਨ |
ਪੰਜਾਬੀ ਸਾਹਿਤ ਅਕਾਦਮੀ ਦੀਆਂ ਚੋਣਾਂ ਲੜ ਰਹੇ ਸਰਗਰਮ ਧੜੇ ਡਾਕਟਰ ਸਰਬਜੀਤ ਸਿੰਘ ਵਾਲੀ ਟੀਮ ਨੇ ਇਹਨਾਂ ਚੋਣਾਂ ਵਿੱਚ ਜਿੱਥੇ ਪੂਰੀ ਮਨੁੱਖਤਾ ਨੂੰ ਦਰਪੇਸ਼ ਚੁਣੌਤੀਆਂ ਦੀ ਗੱਲ ਕੀਤੀ ਹੈ ਉੱਥੇ ਕਲਮਾਂ ਵਾਲਿਆਂ ਨੂੰ ਵੀ ਸੱਦਾ ਦਿੱਤਾ ਹੈ ਕਿ ਉਹ ਪਹਿਲਾਂ ਸੰਸਾਰ ਅਤੇ ਮਨੁੱਖਤਾ ਨੂੰ ਦਰਪੇਸ਼ ਖਤਰਿਆਂ ਦੇ ਖਿਲਾਫ ਸਾਹਮਣੇ ਆਉਂਕਿਓਂਕੀ ਜੇਕਰ ਸਮਾਜ ਬਚੇਗਾ ਤਾਂ ਹੀ ਹੀ ਅਦਬ ਵੀ ਬਚੇਗਾ।
ਇਸ ਸੱਦੇ ਨਾਲ ਕਲਮਕਾਰਾਂ ਦਰਮਿਆਨ ਸਿਧਾਂਤਕ ਲਕੀਰ ਹੋਰ ਗੂਹੜੀ ਹੋਣ ਦੀ ਸੰਭਾਵਨਾ ਹੈ। ਇਸ ਲਕੀਰ ਨੂੰ ਗੂਹੜਾ ਕਰਨਾ ਇਸ ਵੇਲੇ ਦੀ ਅਹਿਮ ਲੋੜ ਵੀ ਹੈ। ਇਸ ਟੀਮ ਵਿੱਚ ਲੋਕ ਸੰਘਰਸ਼ਾਂ ਅਤੇ ਲੋਕ ਹਿੱਤਾਂ ਨੂੰ ਅਪਣਾਏ ਕਲਮਕਾਰਾਂ ਦੀ ਬਹੁਤਾਤ ਵੀ ਹੈ। ਇਹਨਾਂ ਸਾਹਿਤਿਕ ਚੋਣਾਂ ਦੇ ਨਤੀਜੇ ਭਾਵੇਂ ਕੁਝ ਵੀ ਨਿਕਲਣ ਪਰ ਰੋਜ਼ਗਾਰ ਵਾਦ/ਨਿੱਜਵਾਦ/ ਅਤੇ ਸਿਧਾਂਤਵਾਦ ਦੇ ਮੁੱਦੇ ਇਸ ਵਾਰ ਫੇਰ ਉਭਰ ਕੇ ਸਾਹਮਣੇ ਆਉਣਗੇ। ਅਹੁਦਿਆਂ ਦੀ ਲਾਲਸਾ ਅਤੇ ਸਿਧਾਂਤਾਂ ਨਾਲ ਪ੍ਰੇਮ ਵੀ ਇੱਕ ਵਾਰ ਫੇਰ ਉਭਰ ਕੇ ਸਾਹਮਣੇ ਆਏਗਾ।
ਡਾ. ਸੁਖਦੇਵ ਸਿੰਘ ਸਿਰਸਾ ਅਤੇ ਚੋਣ ਕਮੇਟੀ ਡਾ. ਅਨੂਪ ਸਿੰਘ, ਪ੍ਰੋ. ਸੁਰਜੀਤ ਜੱਜ, ਡਾ. ਕੁਲਦੀਪ ਸਿੰਘ ਦੀਪ, ਹਰਮੀਤ ਵਿਦਿਆਰਥੀ ਤੇ ਰਮੇਸ਼ ਯਾਦਵ ਦੀ ਅਗਵਾਈ ਵਿਚ ਪੰਜਾਬੀ ਸਾਹਿਤ ਅਕਾਦਮੀ ਲੁਧਿਆਣਾ ਦੀ ਸਾਲ 2024-26 ਲਈ 3 ਮਾਰਚ ਨੂੰ ਹੋਣ ਵਾਲੀ ਚੋਣ ਲੜਨ ਲਈ ਡਾ. ਸਰਬਜੀਤ ਸਿੰਘ (ਪ੍ਰਧਾਨ), ਡਾ. ਪਾਲ ਕੌਰ (ਸੀਨੀਅਰ ਮੀਤ ਪ੍ਰਧਾਨ), ਡਾ. ਗੁਲਜਾਰ ਸਿੰਘ ਪੰਧੇਰ (ਜਨਰਲ ਸਕੱਤਰ), ਪੰਜ ਮੀਤ ਪ੍ਰਧਾਨਾਂ ਲਈ ਜਸਪਾਲ ਮਾਨਖੇੜਾ, ਹਰਜਿੰਦਰ ਸਿੰਘ ਸੂਰੇਵਾਲੀਆ ਅਤੇ ਭੁਪਿੰਦਰ ਸਿੰਘ ਸੰਧੂ, ਡਾ. ਹਰਵਿੰਦਰ ਸਿੰਘ (ਸਿਰਸਾ) ਅਤੇ ਡਾ. ਅਰਵਿੰਦਰ ਕੌਰ ਕਾਕੜਾ, ਜਸਵੀਰ ਝੱਜ, ਅਤੇ ਪ੍ਰਬੰਧਕੀ ਬੋਰਡ ਦੇ ਪੰਦਰਾਂ ਮੈਂਬਰ ਲਈ ਡਾ. ਹਰੀ ਸਿੰਘ ਜਾਚਕ, ਮੱਖਣ ਮਾਨ, ਗੁਰਸੇਵਕ ਸਿੰਘ ਢਿੱਲੋਂ, ਸ਼ਬਦੀਸ਼, ਸੰਜੀਵਨ ਸਿੰਘ, ਡਾ. ਸੰਤੋਖ ਸੁੱਖੀ, ਨਵਤੇਜ ਗੜ੍ਹਦੀਵਾਲਾ, ਰਣਜੀਤ ਗੌਰਵ, ਵਰਗਿਸ ਸਲਾਮਤ, ਬਲਵਿੰਦਰ ਸਿੰਘ ਚਹਿਲ, ਵਾਹਿਦ ਉਰਫ਼ ਸਤਨਾਮ ਸਿੰਘ, ਡਾ. ਰੋਜ਼ੀ ਸਿੰਘ, ਇਸਤ੍ਰੀ ਮੈਂਬਰਾਂ ਲਈ ਨਰਿੰਦਰਪਾਲ ਕੌਰ, ਡਾ. ਜੀਵਨ ਜੋਤੀ, ਪੰਜਾਬ ਤੇ ਚੰਡੀਗੜ੍ਹ ਤੋਂ ਬਾਹਰੋਂ ਡਾ. ਹਰਜਿੰਦਰ ਸਿੰਘ ਜੰਮੂ ਅਤੇ ਬਾਕੀ ਭਾਰਤ ਵਿਚੋਂ ਪ੍ਰੇਮ ਸਾਹਿਲ ਨੇ ਪੂਰੇ ਪੈਨਲ ਵੱਲੋਂ ਸਾਂਝੀਂ ਇੱਕਤਰਤਾ ਵਿਚ ਕਾਗਜ਼ ਦਾਖਲ ਕੀਤੇ ਗਏ।
ਡਾ. ਸਿਰਸਾ, ਡਾ. ਅਨੂਪ ਸਿੰਘ, ਪ੍ਰੋ. ਸੁਰਜੀਤ ਜੱਜ, ਡਾ. ਸਰਬਜੀਤ ਸਿੰਘ, ਡਾ. ਪੰਧੇਰ, ਮਾਨਖੇੜਾ ਤੇ ਹਰਮੀਤ ਵਿਦਿਆਰਥੀ ਆਦਿ ਨੇ ਕਿਹਾ ਕਿ ਚੋਣ ਵਿਅਕਤੀ ਵਿਰੋਧ ਦੇ ਨਾਂ ਤੇ ਨਹੀਂ ਸਗੋਂ ਭਵਿੱਖ ਵਿਚ ਪੰਜਾਬੀ ਸਾਹਿਤ ਅਕਾਡਮੀ ਦੀ ਬਦਲਵੀਂ ਭੂਮਿਕਾ ਅਤੇ ਨਵੇਂ ਦੌਰ ਦੇ ਏਜੰਡਿਆਂ, ਤਰਜ਼ੀਹਾਂ ਤੇ ਚੁਣੌਤੀਆਂ ਲਈ ਲੜੀ ਜਾ ਰਹੀ ਹੈ।
ਇਸ ਗੱਲ ਨੂੰ ਸ਼ਿੱਦਤ ਨਾਲ ਮਹਿਸੂਸ ਕੀਤਾ ਗਿਆ ਕਿ ਜਿਸ ਕਦਰ ਪੰਜਾਬੀ ਸਮਾਜ, ਪੰਜਾਬੀ ਭਾਸ਼ਾ ਅਤੇ ਪੰਜਾਬੀ ਸਾਹਿਤ ਨੂੰ ਚੁਣੌਤੀਆਂ ਹਨ ਅਤੇ ਇਸ ਤੋਂ ਵੀ ਵੱਧ ਸਮੁੱਚੀ ਮਨੁੱਖਤਾ ਲਈ ਵੱਡੇ ਖ਼ਤਰੇ ਹਨ, ਕਾਰਪੋਰੇਟੀ ਅਤੇ ਸਮਾਰਾਜੀ ਏਜੰਡੇ ਤੇ ਤਹਿਤ ਜਿਸ ਤਰ੍ਹਾਂ ਮਨੁੱਖ ਤੋਂ ਵੀ ਅੱਗੇ ਹਵਾ, ਪਾਣੀ, ਪਰਬਤ, ਜੰਗਲ ਅਤੇ ਸਪੇਸ (ਧਰਤੀ ਤੋਂ ਬਿਨਾ ਬਾਕੀ ਗ੍ਰਹਿਆਂ) ਤੇ ਕਬਜ਼ੇ ਦੀ ਹੋੜ ਚੱਲ ਰਹੀ ਹੈ, ਉਸ ਦੌਰ ਵਿਚ ਪੰਜਾਬੀ ਅਦਬ ਅਤੇ ਅਦੀਬ ਆਪਣੇ ਕਿਰਦਾਰ ਦੀ ਬੁਲੰਦੀ ਕਿਵੇਂ ਬਣਾ ਕੇ ਰੱਖ ਸਕਣ ਅਤੇ ਉਪਰੋਕਤ ਚੁਣੌਤੀਆਂ ਦਾ ਮੁਕਾਬਲਾ ਕਰਨ ਲਈ ਅਵਾਮ ਦੀ ਆਵਾਜ਼ ਕਿਸ ਤਰ੍ਹਾਂ ਬਣ ਸਕਣ।
ਇਹ ਪੰਜਾਬੀ ਸਾਹਿਤ ਅਕਾਡਮੀ ਸਮੇਤ ਹਰ ਲੋਕਪੱਖੀ ਅਦਾਰੇ ਦੀ ਪਹਿਲੀ ਤਰਜ਼ੀਹ ਹੋਣੀ ਚਾਹੀਦੀ ਹੈ। ‘ਜੇ ਸਮਾਜ ਬਚੇਗਾ ਤਾਂ ਹੀ ਅਦਬ ਬਚੇਗਾ’। ਇਸ ਲਈ ਅਦਬਾਂ ਅਤੇ ਅਦੀਬਾਂ ਨੂੰ ਹੋਛੇ ਅਤੇ ਵਕਤੀ ਏਜੰਡਿਆਂ ਤੋਂ ਮੁਕਤ ਰੱਖ ਕੇ ਵਡੇਰੇ ਹਿੱਤਾਂ ਲਈ ਆਪਣੇ ਆਪ ਨੂੰ ਤਿਆਰ ਕਰਨ ਦੀ ਲੋੜ ਹੈ।
ਇਸ ਸਮੇਂ ਉੱਘੇ ਸਾਹਿਤਕਾਰ ਕੁਲਵਿੰਦਰ ਕੌਰ ਕਿਰਨ, ਮਨਦੀਪ ਕੌਰ ਭੰਮਰਾ, ਦਰਸ਼ਨ ਸਿੰਘ ਢੋਲਣ, ਇੰਜੀ. ਇੰਦਰਜੀਤ ਸਿੰਘ ਨੂਰ, ਸੁਰਜੀਤ ਸਿੰਘ ਅਲਬੇਲਾ, ਭਗਵਾਨ ਢਿੱਲੋਂ, ਡਾ. ਹਰਜੀਤ ਸਿੰਘ, ਸੁਰਜੀਤ ਸਿਰੜੀ, ਡਾ. ਗੁਰਪ੍ਰੀਤ ਸਿੰਘ, ਭਗਵੰਤ ਰਸੂਲਪੁਰੀ, ਸੁਖਜੀਵਨ ਪਟਿਆਲਾ, ਰਵੀ ਰਵਿੰਦਰ, ਮੇਜਰ ਸਿੰਘ ਸਿਆੜ, ਸੁੱਖ ਰਾਮ, ਨਰਿੰਦਰ ਸਿੰਘ ਆਦਿ ਸ਼ਾਮਿਲ ਹੋਏ।
ਆਉਂਦੇ ਦਿਨਾਂ ਵਿਚ ਇਹ ਕਾਫ਼ਲਾ ਤਬਦੀਲੀ ਦੇ ਇਸ ਏਜੰਡੇ ਨੂੰ ਲੈ ਕੇ ਪੰਜਾਬੀ ਅਦਬ ਅਤੇ ਅਦੀਬਾਂ ਦੀਆਂ ਬਰੂਹਾਂ ਤੇ ਦਸਤਕ ਦੇਵੇਗਾ। ਹਾਜ਼ਰੀਨ ਨੇ ਅਪੀਲ ਕੀਤੀ ਕਿ ਸਮਾਜ ਵਿਚ ਅਦਬ ਦੀ ਵਡੇਰੀ ਭੂਮਿਕਾ ਲਈ ਇਸ ਕਾਫ਼ਲੇ ਦਾ ਸਾਥ ਦਿੱਤਾ ਜਾਵੇ।
ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ।
No comments:
Post a Comment