ਸਾਹਿਤ ਅਕਾਦਮੀ ਚੋਣਾਂ: ਸੌ ਫੁੱਲ ਖਿੜਨ ਦਿਓ-ਸੌ ਵਿਚਾਰ ਭਿੜਨ ਦਿਓ

ਲੋਕਾਂ ਦੀ ਬਾਰੀਕ ਅੱਖ 15 ਅਪਰੈਲ ਨੂੰ ਨਿਤਾਰਾ ਕਰੇਗੀ-ਗੁਰਭਜਨ ਗਿੱਲ  

ਸਵੇਰ ਤੋਂ ਹੀ ਅਕਾਦਮੀ ਚੋਣਾਂ ਦੇ ਫੋਨ ਆ ਜਾ ਰਹੇ ਨੇ।
ਚੋਣ ਨੂੰ ਲੜਨਾ ਨਹੀਂ, ਕਰਨਾ ਹੈ।
ਆਗੂ ਥੋਪਣਾ ਨਹੀਂ ਪਛਾਨਣਾ ਹੈ।

ਇਸ ਪਲ ਪਾਸ਼ ਯਾਦ ਆ ਰਿਹੈ

ਇਸ ਵਾਰ ਪਾਪ ਦੀ ਜੰਝ
ਬੜੀ ਦੂਰੋਂ ਆਈ ਹੈ।
ਮਾਸਕੋ ਜਾਂ ਵਾਸ਼ਿੰਗਟਨ ਦੀ
ਮੋਹਰ ਨਹੀਂ ਤੱਕਣੀ
ਅਸੀਂ ਤਾਂ ਬੱਸ
ਅੱਡੀਆਂ ਹੋਈਆਂ ਤਲੀਆਂ ਤੇ
ਥੁੱਕ ਦੇਣਾ ਹੈ।
ਤਲਖ਼ੀਆਂ ਨੇ ਸਾਨੂੰ
ਬਹੁਤ ਬੇਲਿਹਾਜ਼ ਕਰ ਦਿੱਤਾ ਹੈ।

ਮੈਂ ਰਵਿੰਦਰ ਭੱਠਲ ਦਾ ਸਮਰਥਨ ਕਰ ਰਿਹਾਂ, ਇਹ ਮੇਰੀ ਸੋਚ ਹੈ।
ਕਾਮੇ ਸੱਜਣ ਦੋਹਾਂ ਟੀਮਾਂ ਚ ਹਨ।
ਨਿਕੰਮੇ ਵੀ ਦੋਹੀਂ ਪਾਸੀਂ ਹਨ।
ਲੋਕਾਂ ਦੀ ਬਾਰੀਕ ਅੱਖ 15 ਅਪਰੈਲ ਨੂੰ ਨਿਤਾਰਾ ਕਰੇਗੀ
ਪਰ ਮੈਨੂੰ ਇਹ ਕਹਿਣੋਂ ਨਾ ਵਰਜੋ ਕਿ ਸੱਚ ਕੀ ਹੈ?
ਧਰਮ ਪਿਆਰਾ ਹੈ
ਧੜਾ ਨਹੀਂ

ਸੌ ਫੁੱਲ ਖਿੜਨ ਦਿਓ।
ਸੌ ਵਿਚਾਰ ਭਿੜਨ ਦਿਓ।
ਪਰ ਵਿਚਾਰਾਂ ਦੀ ਥਾਂ
ਵਿਅਕਤੀ ਭਿੜ ਰਹੇ ਨੇ।
ਇਹ ਮਾਰੂ ਵਰਤਾਰਾ ਰੋਕੋ।

                             ----ਗੁਰਭਜਨ ਗਿੱਲ  

ਪਰੋਫੈਸਰ ਗੁਰਭਜਨ ਸਿੰਘ ਗਿੱਲ ਹੁਰਾਂ ਵੱਲੋਂ 11 ਅਪਰੈਲ  2018 ਨੂੰ ਸ਼ਾਮੀ 4:52 ਵਜੇ ਪੋਸਟ ਕੀਤੀ ਗਈ ਇੱਕ ਲਿਖਤ ਦੇ ਕੁਝ ਅੰਸ਼ 

PSA: ਕੀ ਬਿਨਾ ਸਿਆਸੀ ਪਹੁੰਚ ਦੇ ਲੜੀ ਜਾ ਸਕਦੀ ਹੈ ਇਹ ਸਾਹਿਤਿਕ ਜੰਗ?