ਬਲਕੀਤ ਸਿੰਘ ਦੀ ਪੁਸਤਕ ‘ਦੇਖੇ ਰੰਗ ਤਮਾਸ਼ੇ’ ਰਾਮਪੁਰ ਸਭਾ ਵਲੋਂ ਲੋਕ ਅਰਪਣ

Tuesday 3rd January 2023 at 4:13 PM

ਦਹਾਕਿਆਂ ਤੋਂ ਜਾਰੀ ਹੈ ਰਾਮਪੁਰ ਵਿੱਚ ਕਲਮ ਦਾ ਜਾਦੂ 

ਲੁਧਿਆਣਾ: 3 ਜਨਵਰੀ 2023: (ਕਾਰਤਿਕਾ ਸਿੰਘ//ਸਾਹਿਤ ਸਕਰੀਨ ਡੈਸਕ)::

ਦੋਰਾਹਾ ਨੇੜੇ ਰਾਮਪੁਰ ਵਿੱਚ ਸ਼ਾਇਦ ਪੌਣ-ਪਾਣੀ ਹੀ ਅਜਿਹਾ ਹੈ ਕਿ ਉੱਥੇ ਸਾਹਿਤਿਕ ਸਰਗਰਮੀਆਂ ਲਗਾਤਾਰ ਜਾਰੀ ਰਹਿੰਦੀਆਂ ਹਨ। ਉਥੋਂ ਧਰ੍ਤੀ ਦੇ ਮਾਹੌਲ ਵਿੱਚ ਜਨਮ ਲੈਣ ਵਾਲੇ ਬਸ਼ਿੰਦੇ ਕੁਝ ਵੀ ਹੋਰ ਬਣਨ ਤੋਂ ਪਹਿਲਾਂ ਕਲਮਕਾਰ ਬੰਦੇ ਹਨ। ਜਿਹੜੇ ਲੋਕ ਉਹਨਾਂ ਦੀ ਸੰਗਤ ਵਿਚ ਆ ਕੇ ਰਹਿੰਦੇ ਹਨ ਉਹ ਵੀ ਸੰਵੇਦਨਸ਼ੀਲ ਅਤੇ ਨਿਡਰ ਸਾਹਿਤਕਾਰ ਬਣ ਕੇ ਸਾਹਮਣੇ ਆਉਂਦੇ ਹਨ। ਸੱਤਾ ਦੀਆਂ ਸਖਤੀਆਂ ਜਾਂ ਹਾਲਾਤ ਦੀਆਂ ਤੱਤੀਆਂ ਹਵਾਵਾਂ ਸਾਹਮਣੇ ਵੀ ਉਹ ਸਾਰੇ ਬੇਖੌਫ ਰਹਿੰਦੇ ਹਨ। ਜੇ ਕਿਹਾ ਜਾਏ ਕਿ ਰਾਮਪੁਰ ਪੰਜਾਬ ਵਿਚ ਆਉਣ ਅਤੇ ਰਹਿਣ ਵਾਲਿਆਂ ਲਈ ਸਾਹਿਤਿਕ ਤੀਰਥ ਅਸਥਾਨ ਹੈ ਤਾਂ ਸ਼ਾਇਦ ਅਤਿਕਥਨੀ ਨਹੀਂ ਹੋਣੀ। ਪੰਜਾਬ ਦੇ ਔਖੇ ਵੇਲਿਆਂ ਸਮੇਂ ਵੀ ਇਹ ਸਿਲਸਿਲਾ ਕਾਫੀ ਹੱਦ ਤੱਕ ਜਾਰੀ ਰਿਹਾ। ਹੁਣ ਫਿਰ ਇੱਕ ਪੁਸਤਕ ਰਿਲੀਜ਼ ਕੀਤੀ ਗਈ ਹੈ।

ਇਸ ਵਾਰ ਰਿਲੀਜ਼ ਕੀਤੀ ਗਈ ਪੁਸਤਕ ਵੀ ਆਪਣੇ ਆਪ ਵਿਚ ਵਿਸ਼ੇਸ਼ ਹੈ। ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਸਭਾ ਵੱਲੋਂ ਜਨਵਰੀ ਮਹੀਨੇ ਦੀ ਇਕੱਤ੍ਰਤਾ ਦੇ ਪਹਿਲੇ ਭਾਗ ਵਿਚ ਕਨੇਡਾ ਵਾਸੀ ਲੇਖਕ ਬਲਕੀਤ ਸਿੰਘ (ਬਰਵਾਲਾ) ਦੀ ਪੁਸਤਕ ‘ਦੇਖੇ ਰੰਗ ਤਮਾਸ਼ੇ’ (ਜੀਵਨੀ ਮੂਲਕ ਯਾਦਾਂ) ਰਾਮਪੁਰ ਸਭਾ ਵਲੋਂ ਲੋਕ ਅਰਪਣ ਕੀਤੀ ਗਈ। ਜਿਸ ਦੇ ਪ੍ਰਧਾਨਗੀ ਮੰਡਲ ਵਿਚ ਸਰਦਾਰ ਪੰਛੀ, ਤੇਲੂ ਰਾਮ ਕੁਹਾੜਾ, ਸੁਰਿੰਦਰ ਰਾਮਪੁਰੀ, ਜਸਵੀਰ ਝੱਜ ਤੇ ਗੁਰਪਿੰਦਰ ਸਿੰਘ ਬਰਵਾਲਾ ਸ਼ਾਮਲ ਹੋਏ। 

ਹਾਜ਼ਰੀਨ ਦਾ ਸੁਆਗਤ ਕਰਦਿਆਂ ਜਸਵੀਰ ਝੱਜ ਨੇ ਕਿਹਾ ਕਿ ਲੇਖਕ ਦੀਆਂ ਲਿਖਤਾਂ ਵਿਚ ਉਸ ਦੀ ਰਚਨਾ ਹੀ ਨਹੀਂ ਸਗੋਂ ਸਮੇਂ ਦਾ ਵਰਤਾਰਾ ਅਤੇ ਇਤਿਹਾਸ ਵੀ ਦਰਜ ਹੁੰਦਾ ਹੈ। ਤੇਲੂ ਰਾਮ ਕੁਹਾੜਾ ਨੇ ਲੇਖਕ ਤੇ ਪੁਸਤਕ ਬਾਰੇ ਵਿਸਥਾਰ ਵਿਚ ਜਾਣਕਾਰੀ ਦਿੰਦੇ ‘ਮਨ ਦੇ ਵਲਵਲੇ’ ਪਰਚੇ ਵਿਚ ਕਿਹਾ ਕਿ ‘ਦੇਖੇ ਰੰਗ ਤਮਾਸ਼ੇ’ 1947 ਤੋਂ ਪਹਿਲਾਂ ਪਾਕਿਸਤਾਨ, ਭਾਰਤ ਅਤੇ ਕਨੇਡਾ ਤੱਕ ਦੀ ਭਰਪੂਰ ਜਾਣਕਾਰੀ ਨਾਲ ਭਰਪੂਰ ਹੈ। 

ਇਸ ਪੁਸਤਕ ਬਾਰੇ ਹੀ ਸੁਰਿੰਦਰ ਰਾਮਪੁਰੀ ਨੇ ਕਿਹਾ ਕਿ ਮੇਰਾ ਤੇ ਬਲਕੀਤ ਦਾ ਸਾਥ ਲੰਬਾ ਸਮਾਂ ਰਿਹਾ ਹੈ, ਜਿਸ ਕਰਕੇ ਮੈਂ ਪੁਸਤਕ ਦੇ ਕਈ ਖੂਬਸੂਰਤ ਹਿੱਸਿਆਂ ਦਾ ਗਵਾਹ ਹਾਂ। ਸਰਦਾਰ ਪੰਛੀ ਨੇ ਵੀ ਆਪਣੇ ਵਿਚਾਰ ਪੇਸ਼ ਕੀਤੇ। ਲੇਖਕ ਦੀ ਬੇਟੀ ਗੁਰਪ੍ਰੀਤ ਕੌਰ ਨੇ ਇਸ ਖੂਬਸੂਰਤ ਯਾਦਗਾਰੀ ਸਮਾਗਮ ਲਈ ਰਾਮਪੁਰ ਸਭਾ ਦਾ ਧੰਨਵਾਦ ਕੀਤਾ। 

ਇਸ ਵਾਰ ਵੀ ਯਾਦਗਾਰੀ ਕਵੀ ਦਰਬਾਰ ਹੋਇਆ। ਸਮੇਂ ਦੀ ਗੱਲ ਕਰਦਿਆਂ ਕਵਿਤਾਵਾਂ ਇਸ ਵਾਰ ਸਾਂਝੀਆਂ ਹੋਈਆਂ। ਲੋਕਾਂ ਦੀਆਂ ਹਾਲਤਾਂ ਵਾਲੀ ਨਬਜ਼ ਦਾ ਅਹਿਸਾਸ ਕਰਿਉਂਦੀਆਂ ਕਵਿਤਾਵਾਂ ਇਸ ਵਾਰ ਵੀ ਯਾਦਗਾਰੀ ਸਨ। ਇਸ ਸਮੇਂ ਕੀਤੇ ਗਏ ਕਵੀ ਦਰਬਾਰ ਵਿਚ ਹਾਜ਼ਰ ਸ਼ਾਇਰਾਂ ਦੇ ਗੀਤ, ਗ਼ਜ਼ਲ ਤੇ ਕਵਿਤਾਵਾਂ ਦੇ ਅਹਿਸਾਸ ਨੇ ਚਾਰ ਡਿਗਰੀ ਠੰਡੇ ਠਾਰ ਮੌਸਮ ਨੂੰ ਵੀ ਨਿੱਘਾ ਕਰ ਦਿੱਤਾ। ਇਹ ਇਸ ਸ਼ਾਇਰੀ ਵਿਚਲੇ ਸ਼ਬਦਾਂ ਦਾ ਜਾਦੂ ਸੀ। 

ਇਸ ਸ਼ਾਇਰੀ ਦਾ ਦੂਸਰਾ ਦੌਰ ਵੀ ਕਮਾਲ ਦਾ ਰਿਹਾ। ਦੂਸਰੇ ਦੌਰ ਵਿਚ ਸਭਾ ਦੇ ਪ੍ਰਧਾਨ ਜਸਵੀਰ ਝੱਜ ਦੀ ਪ੍ਰਧਾਨਗੀ ਹੇਠ ਰਚਨਾਵਾਂ ਦਾ ਦੌਰ ਵਿਚ ਸੱਭ ਤੋਂ ਪਹਿਲਾਂ ਪਹਿਲੀ ਵਾਰ ਆਈ ਸ਼ਾਇਰਾ ਤਰਨਜੀਤ ਕੌਰ ਗਰੇਵਾਲ ਅਤੇ ਭਵਨਪ੍ਰੀਤ ਕੌਰ (ਦਸਵੀਂ ਦੀ ਵਿਦਿਆਰਥੀ) ਨੂੰ ਜੀ ਆਇਆਂ ਨੂੰ ਕਿਹਾ। ਮੁਖਤਿਆਰ ਸਿੰਘ ਨੇ ਕਹਾਣੀ ‘ਡੌਰੂ’, ਤਰਨਜੀਤ ਕੌਰ ਗਰੇਵਾਲ ਨੇ ਸਰਸਾ ਨਦੀ ‘ਤੇ ਸੀ ਪੈ ਗਿਆ ਵਿਛੋੜਾ’, ਕੰਵਲਜੀਤ ਨੀਲੋਂ ਨੇ ‘ਜਾਨਵਰ’, ਜੋਰਾਵਰ ਸਿੰਘ ਪੰਛੀ ਨੇ ਪੋਤੇ ਤੇਰੇ ਸ਼ਹੀਦ ਹੋਏ ਮਾਂ’, ਭਵਨਪ੍ਰੀਤ ਕੌਰ ਨੇ ‘ਗੁਰੂ ਗੋਬਿੰਦ ਸਿੰਘ ਨਦੇੜ ਵਿਖੇ, ਸਿਮਰਨਜੀਤ ਕੌਰ ਅਹਿਲਾਵਤ, ਨੀਤੂ ਰਾਮਪੁਰ, ਬਲਵੰਤ ਮਾਂਗਟ, ਅਜ਼ਾਦ ਵਿਸਮਾਦ, ਜਗਜੀਤ ਸਿੰਘ ਗੁਰਮ ਤੇ ਪ੍ਰਭਜੋਤ ਸਿੰਘ ਨੇ ਕਵਿਤਾ, ਅਨਿੱਲ ਫਤਿਹਗੜ੍ਹਜੱਟਾਂ ਨੇ ‘ਫੁੱਲ ਮਹਿਕਦੇ ਲੱਗਣ ਸੋਹਣੇ ਟਹਿਕਦੇ’, ਹਰਬੰਸ ਮਾਲਵਾ ਨੇ ਗੀਤ, ਜਸਵੀਰ ਝੱਜ ਨੇ ‘ਦਿਨ ਮਹੀਨੇ ਰੁੱਤਾਂ ਮੁੜ ਘਿੜ ਸਾਲ ਓਹੀ ਨੇ’, ਵਿਸ਼ਵਿੰਦਰ ਨੇ ‘ਝੜ ਰਹੇ ਨੇ ਪੱਤੇ ਜੇ ਪੱਤਝੜ ਵਿਚ’, ਗ਼ਜ਼ਲ ਸੁਣਾਈ। ਪੜ੍ਹੀਆਂ-ਸੁਣੀਆਂ ਗਈਆਂ ਰਚਨਾਵਾਂ ‘ਤੇ ਰਚਨਾਕਾਰਾਂ ਦੇ ਨਾਲ ਨਾਲ ਬਲਦੇਵ ਸਿੰਘ ਝੱਜ, ਜਪਨੀਤ ਕੌਰ, ਗੁਣਤਾਸ ਕੌਰ, ਯਸ਼ਪ੍ਰੀਤ ਕੌਰ, ਦਿਲਮਨ ਕੌਰ, ਹਰਲੀਨ ਕੌਰ, ਬਲਜੀਤ ਸਿੰਘ, ਕੁਲਵਿੰਦਰ ਸਿੰਘ, ਰਾਜਿੰਦਰ ਸਿੰਘ, ਗੁਰਮਿਸਰਨ ਸਿੰਘ, ਸੁਖਵੀਰ ਸਿੰਘ, ਡਾ. ਟਹਿਲ ਸਿੰਘ ਜੱਸਲ, ਮਨਪ੍ਰੀਤ ਕੌਰ ਤੇ ਜਸ਼ਨਪ੍ਰੀਤ ਸਿੰਘ ਨੇ ਸਾਰਥਿਕ ਅਤੇ ਉਸਾਰੂ ਟਿੱਪਣੀਆਂ ਕੀਤੀਆਂ। ਜਨਰਲ ਸਕੱਤਰ ਹਰਬੰਸ ਮਾਲਵਾ ਨੇ ਕਾਰਵਾਈ ਬਾਖੂਬੀ ਨਿਭਾਈ।

ਇਸ ਵਾਰ ਜਿਹੜੀ ਤਸਵੀਰ ਕੈਮਰੇ ਨਾਲ ਕਲਿੱਕ ਕੀਤੀ ਗਈ ਉਹ ਵੀ ਇਸ ਖਬਰ ਵਿਚ ਸਾਂਝੀ ਕੀਤੀ ਜਾ ਰਹੀ ਹੈ ਜਿਸ ਵਿੱਚ ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਸਭਾ ਵੱਲੋਂ ਜਨਵਰੀ ਮਹੀਨੇ ਦੀ ਇਕੱਤ੍ਰਤਾ ਸਮੇਂ ਬਲਕੀਤ ਸਿੰਘ (ਕਨੇਡਾ) ਦੀ ਪੁਸਤਕ ‘ਦੇਖੇ ਰੰਗ ਤਮਾਸ਼ੇ’ ਨੂੰ ਲੋਕ ਅਰਪਣ ਕਰਨ ਸਮੇਂ ਮੌਜੂਦ ਰਹੇ ਹਾਜ਼ਰੀਨ ਦੇਖੇ ਜਾ ਸਕਦੇ ਹਨ। ਨਵਾਂ ਦਾ ਵੇਰਵਾ ਤੁਸੀਂ ਖਬਰ ਵਿੱਚ ਪੜ੍ਹ ਹੀ ਲਿਆ ਹੈ।                  

ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ  ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ।

ਸ਼੍ਰੀ ਗੁਰਚਰਨ ਰਾਮਪੁਰੀ, ਦੂਸਰਾ ਪੁਰਸਰਕਾਰ, ਬਹੁਪ੍ਰਤਿਭੀ ਸ਼ਾਇਰ ‘ਬੀਬਾ ਬਲਵੰਤ’ ਨੂੰ

Thursday 27th October 2022 at 3:39 PM

ਰਾਮਪੁਰ ਵਿਖੇ ਸਨਮਾਨ ਸਮਾਗਮ ਅਤੇ ਸਾਂਝਾ ਸਮ੍ਰਿਤੀ ਕਵੀ ਦਰਬਾਰ 6 ਨੂੰ

ਦੋਰਾਹਾ: 27 ਅਕਤੂਬਰ 2022: (ਕਾਰਤਿਕਾ ਸਿੰਘ//ਸਾਹਿਤ ਸਕਰੀਨ):: 

ਬੀਬਾ ਬਲਵੰਤ

ਕਦਮ ਕਦਮ 'ਤੇ ਨਵਾਂ ਜਿਹਾ ਅਤੇ ਨਾਲ ਹੀ ਅਰਕਾਈਵ ਜਿਹਾ ਅਹਿਸਾਸ ਕਰਾਉਣ ਵਰਗੀ ਸ਼ਖ਼ਸੀਅਤ ਬੀਬਾ ਬਲਵੰਤ ਦੇ ਸਨਮਾਨ ਵਾਲੀ ਖਬਰ ਇੱਕ ਸ਼ੁਭ ਸ਼ਗਨ ਦੀ ਖਬਰ ਵਾਂਗ ਆਈ ਹੈ। ਇਸ ਸਮਾਗਮ ਵਿੱਚ ਹੀ ਹੋਣਾ ਹੈ 

ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਸਭਾ ਦੇ ਸਰਪ੍ਰਸਤ ਸੁਰਿੰਦਰ ਰਾਮਪੁਰੀ, ਪ੍ਰਧਾਨ ਜਸਵੀਰ ਝੱਜ, ਮੀਤ ਪ੍ਰਧਾਨ ਬਲਦੇਵ ਸਿੰਘ ਝੱਜ, ਜਨਰਲ ਸਕੱਤਰ ਹਰਬੰਸ ਮਾਲਵਾ, ਸਕੱਤਰ ਨੀਤੂ ਰਾਮਪੁਰ, ਗੁਰਦਿਆਲ ਦਲਾਲ ਦੇ ਅਨੁਸਾਰ 7 ਅਗਸਤ 1953 ਨੂੰ ਸਥਾਪਤ ਹੋਈ, ਪੰਜਾਬ ਦੀ ਸਭ ਤੋਂ ਪੁਰਾਣੀ ਪੇਂਡੂ, ਪੰਜਾਬੀ ਲਿਖਾਰੀ ਸਭਾ (ਰਜਿ.) ਰਾਮਪੁਰ ਵੱਲੋਂ ਸ਼੍ਰੀ ਗੁਰਚਰਨ ਰਾਮਪੁਰੀ ਦੂਸਰਾ ਸਨਮਾਨ ਸਮਾਗਮ 6 ਨਵੰਬਰ ਦਿਨ ਐਤਵਾਰ ਨੂੰ ਕਰਨਾ ਤਹਿ ਕੀਤਾ ਗਿਆ ਹੈ। ਇਸ ਮੌਕੇ ਸੁਖਮਿੰਦਰ ਰਾਮਪੁਰੀ ਯਾਦਗਾਰੀ ਕਵੀ ਦਰਬਾਰ ਵੀ ਹੋਵੇਗਾ। ਰਾਮਪੁਰ ਦੇ ਇਹ ਦੋਏਂ ਕਲਮਕਾਰ ਸ਼ਾਇਰੀ ਵਿਚ ਮਹਾਂਰਥੀ ਰਹੇ ਹਨ। ਇਸ ਲਈ ਇਹਨਾਂ ਦੀ ਯਾਦ ਵਿਚ ਇਸ ਸਾਂਝੇ ਕਵੀ ਦਰਬਾਰ ਵਿੱਚ ਵੀ ਯਾਦਗਾਰੀ ਕਾਵਿ ਰਚਨਾਵਾਂ ਪੜ੍ਹੀਆਂ ਜਾਣਗੀਆਂ। 

ਸਮਾਗਮ ਦੀ ਪ੍ਰਧਾਨਗੀ ਡਾ. ਲਖਵਿੰਦਰ ਜੌਹਲ ਪ੍ਰਧਾਨ ਪੰਜਾਬੀ ਸਾਹਿਤ ਅਕਾਦਮੀ ਲੁਧਿਆਣਾ ਕਰਨਗੇ। ਇਸ ਵਾਰ ਦੂਸਰਾ ਸ਼੍ਰੀ ਗੁਰਚਰਨ ਰਾਮਪੁਰੀ ਸਨਮਾਨ, ਨੌ ਪੁਸਤਕਾਂ ਦੇ ਬਿਹਤਰੀਨ ਸ਼ਾਇਰ ਤੋਂ ਬਿਨ ਚਿੱਤਰਕਾਰ, ਫੋਟੋਗ੍ਰਾਫਰ ਅਦਾਕਾਰ ਅਤੇ ਨਾਟਕ ਨਿਰਦੇਸ਼ਕ ‘ਬੀਬਾ ਬਲਵੰਤ’ ਨੂੰ ਦਿੱਤਾ ਜਾ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਦੇ ਮੋਢ੍ਹੀ ਮੈਂਬਰ ਅਤੇ ਕੌਮਾਂਤਰੀ ਪ੍ਰਸਿੱਧੀ ਪ੍ਰਾਪਤ ਸ਼ਾਇਰ ਸ਼੍ਰੀ ਗੁਰਚਰਨ ਰਾਮਪੁਰੀ ਦੀਆਂ ਕਨੇਡਾ ਵਸਦੀਆਂ ਧੀਆਂ ਦਵਿੰਦਰ ਕੌਰ ਭੰਗੂ, ਹਰਮੋਹਿੰਦਰ ਕੌਰ ਭੰਗੂ ਅਤੇ ਪੁੱਤਰ ਜਸਵੀਰ ਸਿੰਘ ਰਾਮਪੁਰੀ ਤੇ ਰਵਿੰਦਰ ਸਿੰਘ ਰਾਮਪੁਰੀ ਨੇ ਸਮੂਹ ਪਰਿਵਾਰ ਦੀ ਸਲਾਹ ਨਾਲ ਸਭਾ ਦੇ ਸਾਲਾਨਾ ਸਥਾਪਨਾ ਦਿਵਸ ‘ਤੇ ਆਪਣੇ ਪਿਤਾ ਸ਼੍ਰੀ ‘ਗੁਰਚਰਨ ਰਾਮਪੁਰੀ’ ਦੇ ਨਾਮ ਤੇ ਇੱਕ ਯਾਦਗਾਰੀ ਸਨਮਾਨ ਹਰ ਸਾਲ ਦੇਣ ਦਾ ਐਲਾਨ ਕੀਤਾ ਹੈ। ਜਿਸ ਵਿਚ ਇੱਕ ਸਨਮਾਨ ਚਿੰਨ, ਇੱਕ ਦੁਸ਼ਾਲਾ ਤੇ ਨਕਦ ਇੱਕੀ ਹਜ਼ਾਰ ਰੁਪਏ ਦੀ ਸਨਮਾਨ ਰਾਸ਼ੀ ਭੇਂਟ ਕੀਤੀ ਜਾਵੇਗੀ।

ਚਲਦੇ ਚਲਦੇ ਬੀਬਾ ਬਲਵੰਤ ਹੁਰਾਂ ਵੱਲੋਂ ਦਿੱਤੇ ਗੁਰਮੰਤਰ ਵਰਗੇ ਮੰਤਰ 'ਤੇ ਵੀ ਇੱਕ ਨਜ਼ਰ:

ਆਮ ਤੌਰ  ਤੇ ਲੋਕ  ਕਿਸੇ ਮਤਲਬ ਲਈ  ਰਿਸ਼ਤੇ ਗੰਢਦੇ ਹਨ। ਬਿਨਾ ਕਿਸੇ ਲੁਕਵੇਂ ਏਜੰਡੇ ਤੋਂ ਰਿਸ਼ਤੇ ਬਣਾ ਕੇ ਦੇਖ ਲਓ ਤੁਹਾਡੇ ਸਾਰੇ ਕੰਮ  ਆਪਣੇ ਆਪ  ਹੁੰਦੇ ਰਹਿਣਗੇ।

ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ  ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ। 

ਗੁਰਚਰਨ ਰਾਮਪੁਰੀ ਦੂਸਰਾ ਸਨਮਾਨ ਸਮਾਗਮ 6 ਨਵੰਬਰ ਨੂੰ

Thursday13th October 2022 at 8:32 AM

ਰਾਮਪੁਰ ਸਭਾ ਵੱਲੋਂ ਕੌਮਾਂਤਰੀ ਪ੍ਰਸਿੱਧੀ ਹਾਸਲ ਸ਼ਾਇਰ ਦੀ ਯਾਦ ਵਿੱਚ ਇੱਕ ਹੋਰ ਉਪਰਾਲਾ 

ਦੋਰਾਹਾ: 12 ਅਕਤੂਬਰ 2022: (ਸਾਹਿਤ ਸਕਰੀਨ ਬਿਊਰੋ):: 

7 ਅਗਸਤ 1953 ਨੂੰ  ਸਥਾਪਤ ਹੋਈ, ਪੰਜਾਬ ਦੀ ਸਭ ਤੋਂ ਪੁਰਾਣੀ ਪੰਜਾਬੀ ਲਿਖਾਰੀ ਸਭਾ (ਰਜਿ.) ਰਾਮਪੁਰ ਵੱਲੋਂ ਨਵੰਬਰ ਮਹੀਨੇ ਦੇ ਪਹਿਲੇ ਐਤਵਾਰ 6 ਨਵੰਬਰ ਨੂੰ  ਕੌਮਾਂਤਰੀ ਪ੍ਰਸਿੱਧੀ ਹਾਸਲ ਸ਼ਾਇਰ ਗੁਰਚਰਨ ਰਾਮਪੁਰੀ ਸਨਮਾਨ ਸਮਾਗਮ ਕਰਵਾਉਣ ਦਾ ਫੈਸਲਾ ਲਿਆ ਗਿਆ ਹੈ। ਸਭਾ ਦੇ ਸਰਪ੍ਰਸਤ ਸੁਰਿੰਦਰ ਰਾਮਪੁਰੀ, ਪ੍ਰਧਾਨ ਜਸਵੀਰ ਝੱਜ, ਮੀਤ ਪ੍ਰਧਾਨ ਬਲਦੇਵ ਸਿੰਘ ਝੱਜ, ਜਨਰਲ ਸਕੱਤਰ ਹਰਬੰਸ, ਸਕੱਤਰ ਨੀਤੂ ਰਾਮਪੁਰ, ਕਾਰਜਕਾਰੀ ਮੈਂਬਰ ਗੁਰਦਿਆਲ ਦਲਾਲ, ਬਲਵੰਤ ਮਾਂਗਟ, ਅਨਿੱਲ ਫਤਿਹਗੜ੍ਹ ਜੱਟਾਂ, ਵਿਸ਼ਵਿੰਦਰ ਵਸ਼ਿਸ਼ਟ ਦੇ ਅਨੁਸਾਰ ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਦੇ ਮੋਢ੍ਹੀ ਮੈਂਬਰ ਸ਼੍ਰੀ ਗੁਰਚਰਨ ਰਾਮਪੁਰੀ ਦੀਆਂ ਕਨੇਡਾ ਵਸਦੀਆਂ ਧੀਆਂ ਦਵਿੰਦਰ ਕੌਰ ਭੰਗੂ, ਹਰਮੋਹਿੰਦਰ ਕੌਰ ਭੰਗੂ ਅਤੇ ਪੁੱਤਰ ਜਸਵੀਰ ਸਿੰਘ ਰਾਮਪੁਰੀ ਤੇ ਰਵਿੰਦਰ ਸਿੰਘ ਰਾਮਪੁਰੀ ਸਮੂਹ ਪਰਿਵਾਰ ਵੱਲੋਂ ਆਪਣੇ ਪਿਤਾ ਸ਼੍ਰੀ 'ਗੁਰਚਰਨ ਰਾਮਪੁਰੀ' ਦੇ ਨਾਮ ਤੇ ਯਾਦਗਾਰੀ ਸਨਮਾਨ, ਲੋਕਪੱਖੀ ਪ੍ਰਤੀਵੱਧ ਸ਼ਾਇਰ ਨੂੰ  ਉਸ ਦੀ ਜੀਵਨ ਭਰ ਦੀ ਪ੍ਰਾਪਤੀ ਲਈ ਹਰ ਸਾਲ ਦਿੱਤਾ ਜਾਂਦਾ ਹੈ ਜਿਸ ਵਿਚ ਇੱਕ ਸਨਮਾਨ ਚਿੰਨ, ਇੱਕ ਦੁਸ਼ਾਲਾ ਤੇ ਨਕਦ ਇੱਕੀ ਹਜ਼ਾਰ ਰੁਪਏ ਦੀ ਸਨਮਾਨ ਰਾਸ਼ੀ ਭੇਂਟ ਕੀਤੀ ਜਾਂਦੀ ਹੈ।

 'ਗੁਰਚਰਨ ਰਾਮਪੁਰੀ' ਭਾਵੇਂ 1965 ਵਿਚ ਕਨੇਡਾ ਜਾ ਵਸੇ ਪਰ ਆਖਰੀ ਸਾਹ ਤੱਕ ਸਭਾ ਨਾਲ਼ ਬਾ-ਵਾਸਤਾ ਰਹੇ। ਆਪਣੇ ਪਿਤਾ ਮੋਹਣ ਸਿੰਘ ਦੀ ਯਾਦ ਵਿਚ ਸਭਾ ਦਾ ਲਾਇਬ੍ਰੇਰੀ ਲਈ ਹਾਲ ਬਣਵਾਇਆ। ਉਹ ਆਪਣੇ ਪਹਿਲੇ ਹੀ ਕਾਵਿ ਸੰਗ੍ਰਹਿ 'ਕਣਕਾਂ ਦੀ ਖ਼ੂਸ਼ਬੋ' ਨਾਲ਼ ਕੌਮਾਂਤਰੀ ਪ੍ਰਸਿੱਧੀ ਹਾਸਲ ਕਰ ਗਏ ਸਨ।  ਉਨ੍ਹਾਂ ਦੀਆਂ ਕੁੱਲ ਬਾਰਾਂ ਕਾਵਿ ਪੁਸਤਕਾਂ ਪੰਜਾਬੀ, ਹਿੰਦੀ, ਉਰਦੂ ਅਤੇ ਅੰਗਰੇਜ਼ੀ ਭਾਸ਼ਾ ਵਿਚ ਛਪੀਆਂ ਹਨ ਅਤੇ ਕਵਿਤਾਵਾਂ ਰੂਸੀ ਭਾਸ਼ਾ ਵਿਚ ਅਨੁਵਾਦ ਹੋਈਆਂ ਹਨ। ਉਨ੍ਹਾਂ ਦੀਆਂ ਬਹੁਤ ਸਾਰੀਆਂ ਗ਼ਜ਼ਲਾਂ ਨੂੰ  ਸਮੇਂ ਦੇ ਪ੍ਰਸਿੱਧ ਗਾਇਕਾਂ ਨੇ ਆਪਣੀ ਆਵਾਜ਼ ਦਿੱਤੀ। ਉਨ੍ਹਾਂ ਦੀ ਗ਼ਜ਼ਲ ਦਾ ਇੱਕ ਸ਼ੇਅਰ ਹਮੇਸ਼ ਯਾਦ ਕੀਤਾ ਜਾਂਦਾ ਰਹੇਗਾ, 

'ਮੋਰ ਨੱਚਦੇ ਵੀ ਰੋਈ ਜਾਂਦੇ ਨੇ, ਹੰਸ ਮਰਦੇ ਸਮੇਂ ਵੀ ਗਾਉਂਦਾ ਹੈ |' ਗੁਰਚਰਨ ਰਾਮਪੁਰੀ ਦੀ ਸ਼ਾਇਰੀ 

ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ  ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ। 

ਬਹੁ-ਵਿਧਾਵੀ ਲੇਖਕ, ਉੱਘੇ ਸ਼ਾਇਰ ਸੁਖਮਿੰਦਰ ਰਾਮਪੁਰੀ ਨਹੀਂ ਰਹੇ

6th November 2021 at 11:39 AM

     ਅੰਤਿਮ ਸੰਸਕਾਰ 'ਤੇ ਅੰਤਮ ਅਰਦਾਸ ਟੋਰੰਟੋ (ਕੈਨੇਡਾ) ਵਿਖੇ  7 ਨੂੰ    

ਭਾਰਤ ਵਿੱਚ ਲੇਖਕਾਂ ਵਲੋਂ ਸ਼ੋਕ ਸਭਾ ਰਾਮਪੁਰ ਵਿਖੇ ਵੀ 

ਦੋਰਾਹਾ: 6 ਅਕਤੂਬਰ 2021: (ਜਸਵੀਰ ਝੱਜ//ਸਾਹਿਤ ਸਕਰੀਨ)::

ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਦੇ ਵੱਡੇ ਥੰਮ ਵਜੋਂ ਜਾਣੇ ਜਾਂਦੇ, ਬਹੁ ਵਿਧਾਵੀ ਲੇਖਕ ਉੱਘੇ ਸ਼ਾਇਰ ਸੁਖਮਿੰਦਰ ਸਿੰਘ ਰਾਮਪੁਰੀ 15 ਜੁਲਾਈ 1937 ਤੋਂ ਆਪਣੀ ਜੀਵਨ ਯਾਤਰਾ ਦਰਮਿਆਨ ਪਿਛਲੇ 2014 ਤੋਂ ਬਲੱਡ ਕੈਂਸਰ ਦਾ ਮੁਕਾਬਲਾ ਦਲੇਰੀ ਨਾਲ ਕਰਦੇ ਹੋਏ ਆਖਿਰ, 3 ਨਵੰਬਰ 2021 ਦੀ ਚੜ੍ਹਦੀ ਸਵੇਰ ਨੂੰ  ਅਚਾਨਕ ਸਦੀਵੀ ਵਿਛੋੜਾ ਦੇ ਗਏ। ਜਨਾਬ ਸ਼੍ਰੀ ਸੁਖਮਿੰਦਰ ਰਾਮਪੁਰੀ ਦਾ ਗੀਤ ਲਿਖਣ ਤੇ ਗਾਉਣ ਵਿਚ ਕੋਈ ਸਾਨੀ ਨਹੀਂ ਸੀ। ਉਨ੍ਹਾਂ ਨੇ 15 ਅਗਸਤ ਤੇ 26 ਜਨਵਰੀ ਦੇ ਕੌਮੀ ਕਵੀ ਦਰਬਾਰਾਂ ਵਿਚ ਅਨੇਕ ਵਾਰ ਸ਼ਿਰਕਤ ਕੀਤੀ। ਉਨ੍ਹਾਂ ਨੇ ਗੀਤ ਤੋਂ ਬਿਨਾ ਕਵਿਤਾ, ਗ਼ਜ਼ਲ, ਲੇਖ, ਕਹਾਣੀਆਂ ਤੇ ਨਾਵਲ ਆਦਿ ਤੇ ਵੀ ਬਾਖੂਬੀ ਨਿੱਠ ਕੇ ਲਿਖਿਆ। ਉਨ੍ਹਾਂ ਯੁੱਗਾਂ ਯੁੱਗਾਂ ਦੀ ਪੀੜ', 'ਅਸੀਮਤ ਸਫ਼ਰ', 'ਮੈਂ ਨਿਰੀ ਪੱਤਝੜ ਨਹੀਂ', 'ਅੱਜ ਤੀਕ', 'ਇਹ ਸਫ਼ਰ ਜਾਰੀ ਰਹੇ', 'ਸਫ਼ਰ ਸਾਡੀ ਬੰਦਗੀ', 'ਤੁਹਾਨੂੰ ਕਿਵੇਂ ਲੱਗਦੀ ਹੈ', 'ਪੈਰੋਲ 'ਤੇ ਆਈ ਕਵਿਤਾ' (ਕਾਵਿ ਸੰਗ੍ਰਹਿ), 'ਮਿਹਰਬਾਨ ਹੱਥ' (ਵਾਰਤਿਕ), 'ਧੀਆਂ' (ਇੱਕ ਲੰਮਾ ਗੀਤ), 'ਗੁਲਾਬੀ ਛਾਂ ਵਾਲੀ ਕੁੜੀ' (ਨਾਵਲ) ਗਿਆਰਾਂ ਮੌਲਕ ਪੁਸਤਕਾਂ ਤੋਂ ਬਿਨ 'ਕੂੜ ਨਿਖੁੱਟੇ' (ਵੀਅਤਨਾਮ ਦੇ ਹੱਕ ਵਿਚ), 'ਕਿਰਨਾਂ ਦੇ ਰੰਗ', 'ਕਤਰਾ ਕਤਰਾ ਸੋਚ' (ਕਹਾਣੀ ਸੰਗ੍ਰਹਿ), 'ਨਿੱਕੇ ਨਿੱਕੇ ਫੁੱਲ ਨਿੱਕੀ ਵਾਸ਼ਨਾ' (ਕਾਵਿ ਸੰਗ੍ਰਹਿ) ਸੰਪਾਦਿਤ ਕੀਤੇ | ਆਖਰੀ ਸਮੇਂ ਜਾਂਦੇ ਜਾਂਦੇ ਵੀ ਇੱਕ ਨਾਵਲ ਦੇ 15 ਤੋਂ ਵੱਧ ਕਾਂਡ ਲਿਖ ਗਏ | ਇੱਕ ਕਹਾਣੀ ਸੰਗ੍ਰਹਿ ਛਪਾਈ ਅਧੀਨ ਹੈ।  ਦੋ ਪੁਸਤਕਾਂ ਦੇ ਗੀਤਾਂ ਤੇ ਕਵਿਤਾਵਾਂ ਦਾ ਖਰੜਾ ਪਿਆ ਹੈ। ਧੀ ਰਮਨਦੀਪ ਕੌਰ ਗਰੇਵਾਲ (ਕਨੇਡਾ), ਜਵਾਈ ਜਸਵੰਤ ਸਿੰਘ ਗਰੇਵਾਲ (ਕਨੇਡਾ), ਸਪੁੱਤਰ ਸੁਖਜੀਤ ਸਿੰਘ ਮਾਂਗਟ, ਨੂੰਹ ਕੁਲਦੀਪ ਕੌਰ ਮਾਂਗਟ, ਪੋਤਾ ਜਸਕਰਨ ਸਿੰਘ ਮਾਂਗਟ ਦੇ ਅਨੁਸਾਰ, ਸੁਖਮਿੰਦਰ ਰਾਮਪੁਰੀ ਜੀ ਦਾ ਅੰਤਿਮ ਸੰਸਕਾਰ 7 ਨਵੰਬਰ 2021ਐਤਵਾਰ ਨੂੰ  ਸ਼ਾਮ 3 ਤੋਂ 5 ਵਜੇ, 121 ਸਿਟੀਵਿਊ ਡਰਾਇਵ ਟਰੰਟੋ, ਓਨ ਐਮ-9-ਡਬਲਯੂ, 5-ਏ-8 (ਲੋਟਸ ਫਿਉਨਰ ਕ੍ਰੀਮੇਸ਼ਨ ਸੈਂਟਰ ਇਨਸ. ਵਿਖੇ ਕਰਨ ਉਪ੍ਰੰਤ ਅੰਤਿਮ ਅਰਦਾਸ, ਸ਼ਾਮ 5:30 ਤੋਂ 7:30 ਤੱਕ 9 ਕੈਰੀਅਰ ਡਰਾਇਵ ਇਟੋਬੀਕੋਕ, ਓਨ ਐਮ-9-ਵੀ 4-ਬੀ-2 ਸਿੱਖ ਸਪਿ੍ਚੂਅਲ ਸੈਂਟਰ ਟੋਰੰਟੋ ਵਿਖੇ ਹੋਵੇਗੀ। ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਵੱਲੋਂ 7 ਨਵੰਬਰ ਨੂੰ  ਪਹਿਲਾਂ ਤੋਂ ਉਲਿਕਿਆ ਸਮਾਗਮ ਰੱਦ ਕਰਕੇ, 'ਇੰਨ੍ਹਾਂ ਜ਼ਖ਼ਮਾਂ ਦੀ ਕੀ ਕਹਿਣਾ….. .. 'ਜਿੰਦੇ ਨੀ ਆਪਣੀ ਉਦਾਸੀ ਦਾ ਤੂੰ ਮੁੱਲ 'ਤਾਰਦੇ, ਜਿੰਨ੍ਹੀ ਤੇਰੇ ਹਿੱਸੇ ਆਈ ਦੁਨੀਆਂ ਸੰਵਾਰ ਦੇ'.. .. ਸੈਂਕੜੇ ਜੀਵਨ ਮੁੱਖੀ ਗੀਤਾਂ ਦੇ ਰਚਾਇਤਾ, ਸੁਖਮਿੰਦਰ ਰਾਮਪੁਰੀ ਜੀ ਦੀ ਯਾਦ ਪੰਜਾਬ ਦੇ ਲੇਖਕਾਂ ਵੱਲੋਂ ਵਿਚ ਇੱਕ ਸ਼ੋਕ ਸਮਾਗਮ, ਸਭਾ ਦੇ ਲਾਇਬ੍ਰੇਰੀ ਹਾਲ ਪਿੰਡ ਰਾਮਪੁਰ ਵਿਖੇ ਸਵੇਰੇ 10 ਵਜੇ ਕੀਤਾ ਜਾਵੇਗਾ। 

ਸਿਰੜੀ ਲੇਖਕਾਂ ਨੇ ਗਰਮੀ ਦੀ ਪ੍ਰਵਾਹ ਕੀਤੇ ਬਿਨ ਕੀਤੀ ਕਲਮੀ ਸਭਾ

Wednesday.7th July 2021 at 6:10 PM

ਸੱਚ ਦੀ ਆਵਾਜ਼ ਬੁਲੰਦ ਕਰਦਿਆਂ ਪੜ੍ਹੀਆਂ ਰਚਨਾਵਾਂ ਤੇ ਕੀਤੀਆਂ ਵਿਚਾਰਾਂ

ਦੋਰਾਹਾ (ਰਾਮਪੁਰ):7 ਜੁਲਾਈ 2021: (ਸਾਹਿਤ ਸਕਰੀਨ ਬਿਊਰੋ)::

ਜਬਰ ਜ਼ੁਲਮ ਭਾਵੇਂ ਸਰਕਾਰਾਂ ਦਾ ਰਿਹਾ ਹੋਵੇ  ਭਾਵੇਂ ਫਿਰਕੂ ਅਨਸਰਾਂ ਦਾ ਰਾਮਪੁਰ ਲਿਖਾਰੀ ਸਭਾ ਦੇ ਮੈਂਬਰ  ਲੇਖਕਾਂ ਅਤੇ ਸ਼ਾਇਰਾਂ ਨੇ ਕਦੇ ਵੀ ਸੱਚ ਵਾਲੀ ਸੁਰ   ਹਮੇਸ਼ਾਂ ਬੁਲੰਦ ਰੱਖੀ। ਇਸਦੀ ਚਮਕ ਦਮਕ ਕਦੇ ਵੀ ਮੱਧਮ ਨਹੀਂ ਪੈਣ ਦਿੱਤੀ।  ਲਿਖਾਰੀ ਸਭਾ ਰਾਮਪੁਰ ਦੀ ਮੀਟਿੰਗ  ਵਿੱਚ ਜਾਣਾ ਜਿਵੇਂ ਜ਼ਿਆਰਤ ਕਰਨ ਵਾਂਗ ਹੈ। ਜਿਵੇਂ ਕਿਸੇ ਤੀਰਥ ਸਥਾਨ ਤੇ ਜਾਣਾ। ਇਹ ਉਹ ਤੀਰਥ ਹੈ ਜਿਸਨੇ ਨਾ ਤਾਂ ਐਮਰਜੰਸੀ ਦੇ ਦੌਰ ਵਿੱਚ ਝੁਕਣਾ ਸਿੱਖਿਆ ਸੀ ਤੇ ਨਾ ਹੀ ਦੋਹਾਂ ਧਿਰਾਂ ਵਾਲਿਆਂ ਦੀਆਂ ਬੰਦੂਕਾਂ ਦੇਖ ਕੇ ਕਿਸੇ ਦੀ ਵੀ ਕੋਈ ਈਨ ਮੰਨੀ ਸੀ। ਇਸ ਸਭਾ ਦੇ ਮੈਂਬਰਾਂ ਸੁਰਿੰਦਰ ਰਾਮਪੁਰੀ, ਜਸਵੀਰ ਝੱਜ, ਹਰਬੰਸ ਮਾਲਵਾ,ਤਰਲੋਚਨ ਝਾਂਡੇ ਅਤੇ ਹੋਰਾਂ ਨੂੰ ਵੀ ਉਸ ਵੇਲੇ ਦੀਆਂ ਸੱਚੀਆਂ ਕਹਾਣੀਆਂ ਕੱਲ੍ਹ ਵਾਂਗ ਚੇਤੇ ਹਨ। ਹੁਣ ਦਾ ਸਮਾਂ ਫੇਰ ਨਾਜ਼ੁਕ ਹੈ ਅਤੇ ਰਾਮਪੁਰ ਵਾਲੇ ਇੱਕ ਵਾਰ ਫੇਰ ਸਰਗਰਮ ਹੋ ਗਏ ਹਨ। 

ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਦੀ ਜੁਲਾਈ ਮਹੀਨੇ ਵਾਲੀ ਇਕੱਤਰਤਾ ਲਾਇਬਰੇਰੀ ਹਾਲ ਵਿਖੇ ਸਭਾ ਦੇ ਪ੍ਰਧਾਨ ਜਸਵੀਰ ਝੱਜ ਦੀ ਪ੍ਰਧਾਨਗੀ ਹੇਠ ਹੋਈ। ਜਨਰਲ ਸਕੱਤਰ ਹਰਬੰਸ ਮਾਲਵਾ ਤੋਂ ਪ੍ਰਾਪਤ ਲਿਖਤੀ ਜਾਣਕਾਰੀ ਅਨੁਸਾਰ, ਇਕੱਤਰਤਾ ਵਿਚ ਹਾਜ਼ਰ ਲੇਖਕਾਂ-ਪਾਠਕਾਂ ਨੂੰ  ਵਿਸ਼ੇਸ਼ ਕਰਕੇ ਸਭਾ ਵਿਚ ਪਹਿਲੀ ਵਾਰ ਆਏ ਚਾਹਤਮਨ ਸਿੰਘ ਮਾਂਗਟ, ਅਸ਼ਵਨੀ ਜੋਸ਼ੀ ਅਤੇ ਗੁਰਦੀਪ ਮਹੌਣ (ਖੰਨਾ) ਦਾ ਸਵਾਗਤ ਕੀਤਾ ਗਿਆ। ਇਹ ਸਵਾਗਤ ਕਰਦਿਆਂ ਪ੍ਰਧਾਨ ਜਸਵੀਰ ਝੱਜ ਨੇ ਇਹਨਾਂ ਨੂੰ ਜੀ ਆਇਆਂ ਆਖਿਆ। ਸਵੇਰੇ 11 ਵਜੇ ਤੋਂ ਸ਼ਾਮ ਛੇ ਵਜੇ ਤੱਕ ਚੱਲੇ ਰਚਨਾਵਾਂ ਦੇ ਦੌਰ ਵਿਚ ਕਹਾਣੀਕਾਰ ਮਨਦੀਪ ਡਡਿਆਣਾ ਨੇ 'ਪੰਜਾਬ ਸਿਹੁੰ', ਤਰਨ ਬੱਲ (ਸ੍ਰੀ ਭੈਣੀ ਸਾਹਿਬ) ਨੇ 'ਤੇ ਉਹ ਜਾਗਦੀ ਰਹੀ' ਅਤੇ ਰਵਿੰਦਰ ਰੁਪਾਲ (ਖੰਨਾ) ਨੇ ਕਹਾਣੀ 'ਬਾਹਵਾਂ', ਗੁਰਦੀਪ ਮਹੌਣ ਮਿੰਨੀ ਕਹਾਣੀ 'ਪਿੰਜਰਾ' ਤੇ ਬਲਦੇਵ ਸਿੰਘ ਝੱਜ ਨੇ ਲੇਖ 'ਇੰਨ੍ਹਾਂ ਦਾ ਕੀ ਕਸੂਰ ਸੀ', ਬਲਵੰਤ ਸਿੰਘ ਮਾਂਗਟ ਨੇ ਆਪਣੇ ਲਿਖੇ ਜਾ ਰਹੇ ਨਾਵਲ 'ਦਰਸ਼ਣ ਦਾ ਰੱਬ' ਦੇ ਦੋ ਕਾਂਡ, ਜਰਨੈਲ ਰਾਮਪੁਰੀ ਨੇ ਦੋਹੇ, ਨਰਿੰਦਰ ਸ਼ਰਮਾ ਨੇ ਕਵਿਤਾ 'ਮਦਾਰੀ ਚੁਸਤ ਨਹੀਂ' ਸੁਣਾਈ। ਗੁਰਸੇਵਕ ਸਿੰਘ ਢਿੱਲੋਂ ਨੇ ਲੋਕਾਂ ਦੇ ਗੀਤ, ਦੀਪ ਦਿਲਬਰ (ਪਰਿਵਾਰਕ ਰਿਸ਼ਤੇ) ਅਤੇ ਹਰਬੰਸ ਮਾਲਵਾ ਨੇ ਗੀਤ ਪੜ੍ਹੇ।  ਪੜ੍ਹੀਆਂ-ਸੁਣੀਆਂ ਗਈਆਂ ਰਚਨਾਵਾਂ 'ਤੇ ਸੁਖਜੀਤ, ਮੁਖਤਿਆਰ ਸਿੰਘ (ਖੰਨਾ), ਗੁਰਦਿਆਲ ਦਲਾਲ, ਸੁਰਿੰਦਰ ਰਾਮਪੁਰੀ, ਸੰਦੀਪ ਸਮਰਾਲਾ, ਸਕੱਤਰ ਸ਼੍ਰੋਮਣੀ ਗੁਰੂਦੁਆਰਾ ਪ੍ਰਬੰਧਕ ਕਮੇਟੀ ਸਿਮਰਜੀਤ ਸਿੰਘ ਕੰਗ ਅਤੇ ਜਸਵੀਰ ਝੱਜ, ਗੁਰਭਗਤ ਸਿੰਘ, ਜਸਵੀਰ ਝੱਜ, ਸੁਖਵਿੰਦਰ ਸਿੰਘ, ਅਸ਼ਵਨੀ ਜੋਸ਼ੀ ਅਤੇ ਚਾਹਤਮਨ ਸਿੰਘ ਮਾਂਗਟ ਨੇ ਸਾਰਥਕ ਅਤੇ ਉਸਾਰੂ ਟਿੱਪਣੀਆਂ ਕੀਤੀਆਂ।  ਅੰਤ ਵਿਚ ਸਦੀਵੀ ਵਿਛੋੜਾ ਦੇ ਗਏ ਡਾ. ਜੋਧ ਸਿੰਘ, ਡਾ. ਹਰਨੇਕ ਸਿੰਘ ਕੋਮਲ, ਡਾ. ਦਰਸ਼ਨ ਸਿੰਘ ਤਾਤਲਾ ਅਤੇ ਸੰਪਾਦਕ ਸੂਲ ਸੁਰਾਹੀ ਬਲਵੀਰ ਸੈਣੀ ਜੀ ਦੀ ਸੁਪਤਨੀ ਅਤੇ ਕਾਲੇ ਖੇਤੀ ਕਨੂੰਨਾਂ ਵਿਰੁੱਧ ਸੰਘਰਸ਼ ਵਿਚ ਜਾਨਾਂ ਗੁਆਉਣ ਵਾਲੇ ਕਿਸਾਨ ਨੂੰ  ਦੋ ਮਿੰਟ ਦਾ ਮੋਨ ਧਾਰ ਕੇ ਸ਼ਰਧਾਂਜਲੀ ਭੇਂਟ ਕਰਕੇ ਸਭਾ ਉੱਠਾ ਦਿੱਤੀ ਗਈ। 

ਰਾਮਪੁਰ ਸਭਾ ਦੀ ਜੁਲਾਈ ਮਹੀਨੇ ਵਾਲੀ ਇਕੱਤ੍ਰਤਾ ਸਮੇਂ ਹਾਜ਼ਰ ਸਾਹਿਤਕਾਰ ਤੇ ਸਾਹਿਤ ਪ੍ਰੇਮੀ

ਦੋਰਾਹੇ ਕਾਲਜ ਦੇ ਦਿਨਾਂ ਦੀ ਯਾਦ ਤਾਜ਼ਾ ਕਰਾਈ ਡਾ. ਬਲਜਿੰਦਰ ਨਸਰਾਲੀ ਨੇ

7th June 2021 at 6:14 PM

ਰਾਮਪੁਰ ਸਭਾ ਨਾਲ ਜੁੜਨ ਕਰਕੇ ਸਾਹਿਤ ਤੇ ਸਭਾਵਾਂ ਦੀ ਸੋਝੀ ਪ੍ਰਾਪਤ ਹੋਈ

ਰਾਮਪੁਰ-ਰਾਮਪੁਰ ਸਭਾ ਦੀ ਜੂਨ ਮਹੀਨੇ ਦੀ ਇਕੱਤ੍ਰਤਾ ਸਮੇਂ ਡਾ. ਬਲਜਿੰਦਰ ਨਸਰਾਲੀ ਨੂੰ  ਯਾਦ ਨਿਸ਼ਾਨੀ ਭੇਂਟ ਕਰਕੇ ਸਨਮਾਨਤ ਕਰਨ ਸਮੇਂ ਹਾਜ਼ਰ ਸਾਹਿਤਕਾਰ ਤੇ ਸਾਹਿਤ ਪ੍ਰੇਮੀ    

ਦੋਰਾਹਾ: 7 ਜੂਨ 2021 (ਜਸਵੀਰ ਝੱਜ//ਸਾਹਿਤ ਸਕਰੀਨ)::  

ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ (ਰਜਿ.) ਵਲੋਂ 68ਵੇਂ ਸਥਾਪਨਾ ਵਰ੍ਹੇ ਦੇ ਸਮਾਗਮਾਂ ਦੀ ਲੜੀ ਤਹਿਤ ਜੂਨ ਮਹੀਨੇ ਦੀ ਵਿਸ਼ੇਸ਼ ਇਕੱਤ੍ਰਤਾ ਸਮੇਂ, ਸਭਾ ਦੇ ਪ੍ਰਧਾਨ ਜਸਵੀਰ ਝੱਜ ਦੀ ਪ੍ਰਧਾਨਗੀ ਹੇਠ, ਡਾ. ਬਲਜਿੰਦਰ ਨਸਰਾਲੀ, (ਐਸੋਸੀਏਟ ਪ੍ਰੋ. ਪੰਜਾਬੀ ਵਿਭਾਗ, ਦਿੱਲੀ ਯੂਨੀਵਰਸਿਟੀ, ਦਿੱਲੀ ਨਾਲ ਰੂ-ਬ-ਰੂ ਕੀਤਾ ਗਿਆ। ਡਾ. ਨਸਰਾਲੀ ਬਾਰੇ ਗੁਰਦੀਪ ਸਿੰਘ ਨਿਜ਼ਾਮਪੁਰ ਨੇ ਜਾਣਪਛਾਣ ਕਰਵਾਉਂਦਿਆਂ ਕਿਹਾ ਕਿ ਡਾ. ਨਸਰਾਲੀ ਦੇ ਦੋ ਕਹਾਣੀ ਸੰਗ੍ਰਹਿ 'ਡਾਕਖਾਨਾ ਖਾਸ' ਤੇ 'ਔਰਤ ਦੀ ਸ਼ਰਣ ਵਿਚ', ਤਿੰਨ ਨਾਵਲ 'ਹਾਰੇ ਦੀ ਅੱਗ', 'ਵੀਹਵੀਂ ਸਦੀ ਦੀ ਆਖਰੀ ਕਥਾ' ਤੇ 'ਅੰਬਰ ਪਰੀਆਂ' ਦੇ ਨਾਲ ਨਾਲ ਖੋਜ ਪੱਤਰ ਲਿਖੇ ਹਨ। ਡਾ. ਸੰਦੀਪ ਸ਼ਰਮਾ ਨੇ ਕਿਹਾ ਕਿ ਡਾ. ਨਸਰਾਲੀ ਵਿਚ ਸਲੇਬਸ ਦੇ ਨਾਲ ਨਾਲ ਸਮਾਜ ਵਿਚ ਵਿਚਰਨ ਬਾਰੇ ਰੌਚਕ ਗੱਲਾਂ ਵਿਦਿਆਰਥੀਆਂ ਨੂੰ  ਨੀਰਸਤਾ ਤੋਂ ਉਭਾਰਦੀਆਂ ਹਨ। ਡਾ. ਨਸਰਾਲੀ ਨੇ ਅਲੋਚਨਾ ਦੀਆਂ ਪੁਸਤਕਾਂ 'ਸਭਿਆਚਾਰਕ ਸ਼ਾਸ਼ਤਰੀ ਅਲੋਚਨਾ' ਅਤੇ 'ਪੰਜਾਬੀ ਸਿਨੇਮਾ ਤੇ ਸਮਕਾਲੀ ਸਾਹਿਤ' ਰਾਹੀਂ ਵੱਡਾ ਕਾਰਜ ਕੀਤਾ ਹੈ। ਡਾ. ਨਸਰਾਲੀ ਨੇ ਕਿਹਾ ਕਿ ਦੋਰਾਹੇ ਗੁਰੂ ਨਾਨਕ ਕਾਲਜ ਪੜ੍ਹਦਿਆਂ ਜਦੋਂ ਰਾਮਪੁਰ ਲਿਖਾਰੀ ਸਭਾ ਦੀ ਦੱਸ ਪਈ ਤਾਂ ਰਾਮਪੁਰ ਸਭਾ ਨਾਲ ਜੁੜ ਕੇ ਸਾਹਿਤ ਸਾਹਿਤ ਸਭਾਵਾਂ ਬਾਰੇ ਜਾਣਿਆ, ਜੋ ਮੇਰੇ ਸਾਹਿਤ ਖੇਤਰ ਵਿਚ ਅੱਗੇ ਵਧਣ ਦਾ ਜ਼ਰੀਆ ਬਣਿਆ। ਸਕੂਲ ਵਕਤ ਸਮੇਂ ਇੱਕ ਕਾਮਰੇਡ ਵਿਚਾਰਧਾਰਾ ਦੇ ਨਿਹੰਗ ਸਿੰਘ ਨੇ ਕਿਤਾਬਾਂ ਪੜ੍ਹਨ ਦਾ ਜਾਗ ਲਾਇਆ | ਸਲੇਬਸ ਦੇ ਨਾਲ ਨਾਲ ਹੋਰ ਲੇਖਕਾਂ ਨੂੰ  ਪੜ੍ਹ ਕੇ ਜਿੱਥੇ ਪ੍ਰੋਫੈਸਰੀ ਦੀ ਨੌਕਰੀ ਵਿਚ ਸਹਾਇਤਾ ਮਿਲੀ ਓਥੇ ਲੇਖਕ ਬਣਨ ਵਿਚ ਪੜ੍ਹੀਆਂ ਕਿਤਾਬਾਂ ਦਾ ਖਾਸ ਯੋਗਦਾਨ ਹੈ। ਸਿਆਣਾ ਅਧਿਆਪਕ ਜਿੱਥੇ ਵਿਦਿਆਰਥੀ ਦੀ ਜ਼ਿੰਦਗੀ ਸੰਵਾਰ ਸਕਦਾ ਹੈ, ਓਥੇ ਬੇਇਮਾਨ ਅਧਿਆਪਕ ਵਿਦਿਆਰਥੀ ਦੀ ਜ਼ਿੰਦਗੀ ਤਬਾਹ ਵੀ ਕਰ ਦਿੰਦਾ ਹੈ। ਅੰਬਰ ਪਰੀਆਂ ਨਾਵਲ ਲਿਖਣ ਨੂੰ ਪੰਜ ਸਾਲ ਤੱਕ ਦਾ ਵਕਤ ਲੱਗ ਗਿਆ। ਮੇਰੇ ਘੂਮੱਕੜ ਹੋਣ ਦੇ ਸ਼ੌਕ ਦਾ ਵਿਦਿਆਰਥੀਆਂ ਨੂੰ  ਰੌਚਿਕਤਾ ਨਾਲ ਪੜ੍ਹਾਉਣ ਤੇ ਮੇਰੇ ਲਿਖਣ ਕਾਰਜ ਵਿਚ ਵਿਸ਼ਾਲਤਾ ਲਿਆਉਂਦਾ ਹੈ। ਇਸ ਸਮੇਂ ਡਾ. ਸੰਦੀਪ ਸ਼ਰਮਾ, ਨਰਿੰਦਰ ਸ਼ਰਮਾ, ਸੁਖਜੀਤ, ਗੁਰਮੀਤ ਆਰਿਫ, ਬਲਵੰਤ ਮਾਂਗਟ, ਅਨਿੱਲ ਫਤਿਹਗੜ੍ਹ ਜੱਟਾਂ, ਹਰਬੰਸ ਮਾਲਵਾ ਤੇ ਜਸਵੀਰ ਝੱਜ ਦੇ ਕੀਤੇ ਗਏ ਸਵਾਲਾਂ ਦੇ ਤਸੱਲੀਬਖਸ਼ ਜਵਾਬ ਬਹੁਤ ਸਾਰੀਆਂ ਕੌਮਾਂਤਰੀ ਪੁਸਤਕਾਂ ਦੇ ਹਵਾਲਿਆਂ ਨਾਲ ਦਿੱਤੇ। ਸੁਰਿੰਦਰ ਰਾਮਪੁਰੀ ਨੇ ਕਿਹਾ ਕਿ ਸਾਨੂੰ ਡਾ. ਨਸਰਾਲੀ ਤੇ ਮਾਣ ਹੈ। ਵੱਖ ਵੱਖ ਥਾਵਾਂ ਤੇ ਪੜ੍ਹਾਉਂਦੇ ਹੋਏ ਗਿਆਨ ਪ੍ਰਾਪਤੀ ਦੇ ਨਾਲ ਵਿਕਾਸ ਵੀ ਕੀਤਾ ਹੈ। ਡਾ. ਬਲਜਿੰਦਰ ਨਸਰਾਲੀ ਨੂੰ ਯਾਦ ਨਿਸ਼ਾਨੀ ਅਤੇ ਡੁਗਦੀਪ ਸਿੰਘ ਨਿਜ਼ਾਮਪੁਰ ਨੂੰ ਪੁਸਤਕਾਂ ਭੇਂਟ ਕਰਕੇ ਸਭਾ ਵੱਲੋਂ ਸਨਮਾਨ ਕੀਤਾ ਗਿਆ | ਦੂਸਰੇ ਭਾਗ ਵਿਚ ਸਭਾ ਦੇ ਪ੍ਰਧਾਨ ਜਸਵਾਰ ਝੱਜ ਨੇ ਸਭਾ ਵਿਚ ਪਹਿਲੀ ਵਾਰ ਆਉਣ ਤੇ ਪ੍ਰੋ. ਦਵਿੰਦਰ ਸਿੰਘ ਸਮਾਣਾ, ਮੰਗਲ ਸਿੰਘ ਖੱਟਰਾਂ, ਰਣਧੀਰ ਸਿੰਘ ਸਮਾਣਾ ਤੇ ਗੁਰਪ੍ਰੀਤ ਸਿੰਘ ਮਕਤਸਰ ਨੂੰ  ਜੀ ਆਇਆਂ ਕਹਿੰਦਿਆਂ ਸੁਆਗਤ ਕੀਤਾ। ਦਵਿੰਦਰ ਸਿੰਘ ਪਟਿਆਲਾ ਨੇ ਗੀਤ ਪਟਿਆਲਾ, ਮੰਗਲ ਸਿੰਘ ਨੇ ਮਕਤੀ, ਰਣਧੀਰ ਸਿੰਘ ਨੇ ਬੰਦਾ, ਬਲਵੰਤ ਮਾਂਗਟ ਨੇ ਉੱਲੂਆਂ ਦਾ ਬਦਲਾ, ਵਸ਼ਵਿੰਦਰ ਵਸ਼ਿਸ਼ਟ ਨੇ ਨੀਲਾ ਗ੍ਰਹਿ ਤੇ ਸੰਦੀਪ ਸ਼ਰਮਾਂ ਨੇ ਲਕੀਰ (ਕਵਿਤਾ), ਅਨਿੱਲ ਫਤਿਹਗੜ੍ਹ ਜੱਟਾਂ ਨੇ ਕੈਦੋਂ ਮਹਾਂਕਾਵਿ ਵਿਚੋਂ ਬੰਦ, ਹਰਬੰਸ ਮਾਲਵਾ ਨੇ ਗੀਤ ਪਨਾਹ ਸੁਣਾਏ। ਪੜ੍ਹੀਆਂ-ਸੁਣੀਆਂ ਗਈਆਂ ਰਚਨਾਵਾਂ 'ਤੇ ਜਤਿੰਦਰ ਮਲਹਾਂਸ, ਨਰਿੰਦਰ ਸ਼ਰਮਾ, ਸੰਦੀਪ ਸਮਰਾਲਾ, ਜਰਨੈਲ ਰਾਮਪੁਰੀ, ਲਾਭ ਸਿੰਘ ਬੇਗੋਵਾਲ, ਪੁਖਰਾਜ ਸਿੰਘ ਘੁਲਾਲ, ਸੁਖਜੀਤ, ਗੁਰਮੀਤ ਆਰਿਫ, ਪ੍ਰੋ. ਗੁਰਪ੍ਰੀਤ ਸਿੰਘ ਮਕਤਸਰ, ਮੀਤ ਪ੍ਰਧਾਨ ਬਲਦੇਵ ਸਿੰਘ ਝੱਜ ਨੇ  ਸਾਰਥਿਕ ਅਤੇ ਉਸਾਰੂ ਟਿੱਪਣੀਆਂ ਕੀਤੀਆਂ।  ਅੰਤ ਵਿਚ ਸਦੀਵੀ ਵਿਛੋੜਾ ਦੇ ਗਏ ਗੀਤਕਾਰ ਦਰਸ਼ਨ ਗਿੱਲ (ਖੰਨਾ), ਉੱਘੇ ਅਲੋਚਕ ਡਾ. ਹਰਚੰਦ ਸਿੰਘ ਬੇਦੀ, ਕੇਂਦਰੀ ਪੰਜਾਬੀ ਲਿਖਾਰੀ ਸਭਾ ਦੇ ਸਾਬਕਾ ਮੀਤ ਪ੍ਰਧਾਨ ਸੂਬਾ ਸੁਰਿੰਦਰ ਕੌਰ ਖ਼ਰਲ ਅਤੇ ਕਾਲੇ ਖੇਤੀ ਕਨੂੰਨਾਂ ਵਿਰੁੱਧ ਸੰਘਰਸ਼ ਵਿਚ ਜਾਨਾਂ ਗੁਆਉਣ ਵਾਲੇ ਕਿਸਾਨ ਨੂੰ  ਦੋ ਮਿੰਟ ਦਾ ਮੋਨ ਧਾਰ ਕੇ ਸ਼ਰਧਾਂਜਲੀ ਭੇਂਟ ਕਰਕੇ ਸਭਾ ਉੱਠਾ ਦਿੱਤੀ ਗਈ।--ਜਸਵੀਰ ਝੱਜ

ਰਾਮਪੁਰ ਸਭਾ ਵੱਲੋਂ ਇਕੱਤਰਤਾ ਪਹਿਲੀ ਦਸੰਬਰ ਨੂੰ

Nov 28, 2019, 3:34 PM

ਸੁਖਮਿੰਦਰ ਰਾਮਪੁਰੀ (ਕਨੇਡਾ) ਵਿਸ਼ੇਸ਼ ਤੌਰ ‘ਤੇ ਹੋਣਗੇ ਸ਼ਾਮਲ

ਦੋਰਾਹਾ//ਰਾਮਪੁਰ: 28 ਨਵੰਬਰ 2019:(ਰੈਕਟਰ ਕਥੂਰੀਆ//ਸਾਹਿਤ ਸਕਰੀਨ)::  

ਜਿਹਨਾਂ ਸਾਹਿਤਿਕ ਸੰਸਥਾਵਾਂ ਅਤੇ ਜੱਥੇਬੰਦੀਆਂ ਨੇ ਸਾਹਿਤਿਕ ਸਰਗਰਮੀਆਂ ਨੂੰ ਨਿਰੰਤਰ ਜਾਰੀ ਰੱਖਿਆ ਹੋਇਆ ਹੈ ਉਹਨਾਂ ਵਿੱਚ ਰਾਮਪੁਰ ਦੀ ਸਾਹਿਤਿਕ ਜੱਥੇਬੰਦੀ "ਲਿਖਾਰੀ ਸਭ ਰਾਮਪੁਰ" ਵੀ ਸ਼ਾਮਲ ਹੈ। ਕਈ ਦਹਾਕਿਆਂ ਤੋਂ ਇਸੇ ਤਰਾਂ ਸਰਗਰਮ ਰਹਿਣ ਵਾਲੀ ਇਹ ਲਿਖਾਰੀ ਸਭਾ ਪੰਜਾਬ ਦੇ ਕਾਲੇ ਸਮੇਂ ਦੌਰਾਨ ਉਦੋਂ ਵੀ ਸਰਗਰਮ ਰਹੀ ਜਦੋਂ ਸਿਰਫ ਏਕੇ-47 ਦੀਆਂ ਗੋਲੀਆਂ ਹੀ ਬੋਲਦੀਆਂ ਸਨ ਤੇ ਬਾਕੀ ਸਾਰੇ ਚੁੱਪ ਹੋ ਗਏ ਸਨ।ਇਸ ਸਾਹਿਤਿਕ ਸੰਸਥਾ ਦੇ ਮੈਂਬਰਾਂ ਨੇ ਉਦੋਂ ਵੀ ਸਿਰ ਚੁੱਕ ਕੇ ਬੋਲਣਾ ਜਾਰੀ ਰੱਖਿਆ। ਭਾਵੇਂ ਗੁਰਚਰਨ ਰਾਮਪੁਰੀ ਹੁਰਾਂ ਦੀ ਗੱਲ ਕਰੀਏ ਤੇ ਭਾਵੇਂ ਸੁਖਮਿੰਦਰ ਰਾਮਪੁਰੀ ਜਾਂ ਸੁਰਿੰਦਰ ਰਾਮਪੁਰੀ ਹੁਰਾਂ ਦਿਤੇ ਭਾਵੇਂ ਮੱਲ ਸਿੰਘ ਰਾਮਪੁਰੀ ਦੀ-ਇਹ ਸਾਰੇ ਉਦੋਂ ਵੀ ਸੱਚ ਬੋਲਣ ਦੇ ਮਾਮਲੇ ਵਿੱਚ ਡਟੇ ਰਹੇ। ਪੀਪਲਜ਼ ਮੀਡੀਆ ਲਿੰਕ ਵੱਲੋਂ ਇਸ ਸਬੰਧੀ ਤਿਆਰ ਕੀਤੀ ਰਿਪੋਰਟ ਵੀ ਜਲਦੀ ਹੀ ਸਭਨਾਂ ਦੇ ਸਾਹਮਣੇ ਲਿਆਂਦੀ ਜਾਵੇਗੀ। ਪੰਜਾਬ ਦਾ ਉਹ ਦੌਰ ਦੇਖਣ ਅਤੇ ਹੱਡੀਂ ਹੰਢਾਉਣ ਵਾਲੀ ਇਸ ਪੀੜ੍ਹੀ ਨੇ ਨਵੀਂ ਪੀੜ੍ਹੀ ਨੂੰ ਇਹਨਾਂ ਰਾਹਾਂ 'ਤੇ ਤੁਰਨਾ ਸਿਖਾਇਆ ਹੈ। ਪੀਪਲਜ਼ ਮੀਡੀਆ ਲਿੰਕ ਇਹਨਾਂ ਨਵੀਂ ਪੀੜ੍ਹੀ ਦੇ ਮੈਂਬਰਾਂਸ਼ਾਇਰਾਂ/ਲੇਖਕਾਂ ਬਾਰੇ ਵੀ ਆਪਣੀ ਰਿਪੋਰਟ ਵਿੱਚ ਵਿਸਥਾਰ ਨਾਲ ਦੱਸੇਗਾ। 

ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਵੱਲੋਂ ਦਸੰਬਰ ਮਹੀਨੇ ਦੀ ਇਕੱਤਰਤਾ ਇਸ ਵਾਰ ਪਹਿਲੀ ਦਸੰਬਰ, ਐਤਵਾਰ ਨੂੰ ਹੋਵੇਗੀ। ਇਸ ਦੇ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸਭਾ ਦੇ ਪ੍ਰਧਾਨ ਜਸਵੀਰ ਝੱਜ, ਮੀਤ ਪ੍ਰਧਾਨ ਲਾਭ ਸਿੰਘ ਬੇਗੋਵਾਲ਼ ਅਤੇ ਜਨਰਲ ਸਕੱਤਰ ਬਲਵੰਤ ਮਾਂਗਟ ਨੇ ਦੱਸਿਆ ਕਿ ਸਭਾ ਦੀ ਇੱਕਤ੍ਰਤਾ ਲਾਈਬ੍ਰੇਰੀ ਹਾਲ ਵਿਖੇ ਸਵੇਰੇ 10 ਵਜੇ ਅਰੰਭ ਹੋ ਜਾਏਗੀ। ਇਸ ਇੱਕਤਰਤਾ ਵਿਚ ਪ੍ਰਮੁੱਖ ਲੇਖਕ ਜਨਾਬ ਸੁਖਮਿੰਦਰ ਰਾਮਪੁਰੀ (ਕਨੇਡਾ) ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਣਗੇ। ਇਸ ਸਮੇਂ ਪੰਜਾਬ ਦੇ ਨਾਮਵਰ ਸਾਹਿਤਕਾਰਾਂ ਸਮੇਤ ਇਲਾਕੇ ਦੇ ਸਾਹਿਤਕਾਰ ਆਪਣੀਆਂ ਤਾਜ਼ਾ ਰਚਨਾਵਾਂ ਸਾਂਝੀਆਂ ਕਰਨਗੇ, ਜਿੰਨ੍ਹਾਂ ਉੱਪਰ ਰਚਨਾਕਾਰਾਂ ਸਮੇਤ ਹਾਜ਼ਰ ਸਾਹਿਤ ਪ੍ਰੇਮੀ ਪੜਚੋਲ਼ ਕਰਦੇ ਹੋਏ ਆਪਣੀ ਰਾਏ ਦੇਣਗੇ। ਕੁਲ ਮਿਲਾ ਕੇ ਇਸ ਵਾਰ ਦੀ ਮੀਟਿੰਗ ਵੀ ਯਾਦਗਾਰੀ ਰਹੇਗੀ।       ਅੰਤ ਵਿੱਚ ਸੁਖਮਿੰਦਰ ਰਾਮਪੁਰੀ ਹੁਰਾਂ ਦੀ ਸ਼ਾਇਰੀ ਦੀ ਝਲਕ ਦੇਂਦੀਆਂ ਉਹਨਾਂ ਦੀਆਂ  ਹੀ ਕੁਝ ਕਾਵਿ ਸਤਰਾਂ:

ਖਾਬਾਂ ਨੂੰ ਅਮਲ ਵਿੱਚ ਨੇ‎,‎ ਜੋ ਲੋਕ ਢਾਲਦੇ।
ਹੁੰਦੇ ਨੇ ਅਸਲ ਵਿੱਚ ਉਹ‎,‎ ਬੰਦੇ ਕਮਾਲ ਦੇ।
                      ਦਿਲ ਦਾ ਲਹੂ ਹਨ੍ਹੇਰ ਵਿੱਚ‎,‎ ਜਿਹੜੇ ਨੇ ਬਾਲਦੇ।
                      ਉਹ ਜਿੰਦਗੀ ਦਾ ਅਸਲ ਵਿੱਚ‎,‎ ਨੇ ਧਰਮ ਪਾਲਦੇ।

ਰਾਮਪੁਰ ਸਭਾ ਦੀ ਜੁਲਾਈ ਮਹੀਨੇ ਦੀ ਇਕੱਤ੍ਰਤਾ ਵਿੱਚ ਵਿਚਾਰੇ ਗਏ ਅਹਿਮ ਮੁੱਦੇ

Jul 8, 2019, 6:27 PM
ਕੇਂਦਰੀ ਪੰਜਾਬੀ ਲੇਖਕ ਸਭਾ (ਰਜਿ.) ਨੂੰ ਹੋਰ ਮਜ਼ਬੂਤ ਕਰਨ ਦੀਆਂ ਵੀ ਵਿਚਾਰਾ 

ਰਾਮਪੁਰ ਲਿਖਾਰੀ ਸਭਾ ਦੀ ਜੁਲਾਈ ਮਹੀਨੇ ਦੀ ਇਕੱਤ੍ਰਤਾ ਸਮੇਂ ਹਾਜ਼ਰ ਸਾਹਿਤਕਾਰ ਤੇ ਸਾਹਿਤ ਪ੍ਰੇਮੀ, ਪ੍ਰੋ. ਸ਼ਮਸ਼ਾਦ ਅਲੀ ਅਤੇ ਦੌਲਤ ਜਲੋਟਾ ਵੱਲੋਂ ਸਭਾ ਦੀ ਲਾਇਬ੍ਰੇਰੀ ਲਈ ਭੇਂਟ ਕੀਤੀਆਂ ਪੁਸਤਕਾਂ ਦੇ ਨਾਲ

ਰਾਮਪੁਰ//ਬੁਆਣੀ: 8 ਜੁਲਾਈ 2019: (ਸਾਹਿਤ ਸਕਰੀਨ ਬਿਊਰੋ):: 

ਜਦੋਂ ਆਮ ਲੋਕਾਂ ਦੇ ਨਾਲ ਨਾਲ ਬੁੱਧੀਜੀਵੀ ਵੀ ਵਕਤ ਦੇ ਦਬਾਵਾਂ ਅੱਗੇ ਝੁਕ ਰਹੇ ਸਨ। ਕਦੇ ਸਰਕਾਰਾਂ ਦੇ ਦਬਾਅ ਅੱਗੇ ਤੇ ਕਦੇ ਫਿਰਕੂ ਚੜ੍ਹਤ ਦੇ ਦਬਾਅ ਅੱਗੇ। ਉਦੋਂ ਵੀ ਰਾਮਪੁਰ ਦੇ ਲੇਖਕਾਂ ਨੇ ਆਪਣੀ ਅਡੋਲਤਾ ਨਹੀਂ ਛੱਡੀ। ਹੁਣ ਇੱਕ ਵਾਰ ਫੇਰ ਇਮਤਿਹਾਨ ਵਰਗਾ ਦੌਰ ਚੱਲ ਰਿਹਾ ਹੈ। ਉਦੋਂ ਵੀ ਰਾਮਪੁਰ ਦੇ ਲੇਖਕ ਦ੍ਰਿੜਤਾ ਨਾਲ ਅਡੋਲ ਖੜੇ ਹਨ। ਇਸ ਗੱਲ ਦਾ ਅਹਿਸਾਸ ਹੋਇਆ ਇਥੋਂ ਦੇ ਲੇਖਕਾਂ ਦੀ ਮੀਟਿੰਗ ਦੌਰਾਨ। 

ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਵੱਲੋਂ ਜੁਲਾਈ ਮਹੀਨੇ ਦੀ ਇਕੱਤਰਤਾ ਸਭਾ ਦੇ ਪ੍ਰਧਾਨ ਜਸਵੀਰ ਝੱਜ ਦੀ ਪ੍ਰਧਾਨਗੀ ਹੇਠ ਸਭਾ ਦੀ ਲਾਇਬ੍ਰੇਰੀ ਪਿੰਡ ਰਾਮਪੁਰ ਵਿਖੇ ਕੀਤੀ ਗਈ। ਜਿਸ ਵਿਚ ਕੇਂਦਰੀ ਪੰਜਾਬੀ ਲੇਖਕ ਸਭਾ (ਰਜਿ.) ਦੀਆਂ ਸਤੰਬਰ ਮਹੀਨੇ ਹੋਣ ਵਾਲ਼ੀ ਚੋਣ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਕੇਂਦਰੀ ਸਭਾ ਦੇ ਮੀਤ ਪ੍ਰਧਾਨ ਜਸਵੀਰ ਝੱਜ ਨੇ ਦੱਸਿਆ ਕਿ ਨਵੇਂ ਮੈਂਬਰ ਬਣਨ ਲਈ ਪੁਸਤਕ ਜਾਂ 15 ਤੋਂ ਵੱਧ ਛਪੀਆਂ ਰਚਨਾਵਾਂ, ਜਾਂ ਪੁਸਤਕ ਤੇ ਰਚਨਾਵਾਂ ਦੇ ਖਰੜੇ ਦੀ ਕਾਪੀ ਦੇ ਨਾਲ਼ ਤਿੰਨ ਸਾਲ ਲਈ ਦੋ ਰੁਪਏ ਮੈਂਬਰਸ਼ਿੱਪ ਤੇ ਡੇਢ ਸੌ ਰੁਪਏ ਮੈਂਬਰ ਸੂਚੀ (ਜ਼ਰੂਰੀ ਨਹੀਂ) ਜਮ੍ਹਾਂ ਕਰਵਾਕੇ ਅਗਲੇ ਤਿੰਨ ਸਾਲ ਲਈ ਜਾਂ ਇੱਕ ਹਜ਼ਾਰ ਰੁਪਏ ਇੱਕ ਵਾਰ ਦੇ ਕੇ ਜੀਵਨ ਭਰ ਲਈ ਮੈਂਬਰ ਬਣ ਸਕਦਾ ਹੈ। ਰਾਸ਼ੀ ਜਮ੍ਹਾਂ ਕਰਵਾਉਣ ਲਈ ਕੇਂਦਰੀ ਸਭਾ ਨੇ 21 ਜੁਲਾਈ ਅੰਤਮ ਮਿਤੀ ਐਲਾਨੀ ਹੈ। ਸਭਾ ਦੀ ਇਕੱਤ੍ਰਤਾ ਵਿਚ ਪਹਿਲੀ ਵਾਰ ਸੋਮਨਾਥ ਸਿੰਘ ਨੂੰ ਸਭਾ ਦੇ ਪ੍ਰਧਾਨ ਜਸਵੀਰ ਝੱਜ ਤੇ ਹਾਜ਼ਰੀਨ ਨੇ ਜੀ ਆਇਆਂ ਕਿਹਾ। ਰਚਨਾਵਾਂ ਦੇ ਦੌਰ ਵਿਚ ਸ਼ਾਇਰਾ ਨੀਤੂ ਰਾਮਪੁਰ ਨੇ ‘ ਕਵਿਤਾ ਕਦੇ ਮਰਦੀ ਨਹੀਂ’, ਨਰਿੰਦਰ ਸ਼ਰਮਾਂ ਨੇ ‘ਹਿਸਾਬ ਤਾਂ ਦੇਣਾ ਹੀ ਪਵੇਗਾ’, ਅਮਨਦੀਪ ਆਜ਼ਾਦ ਨੇ ‘ਰਿਸ਼ਤੇ’, ਹਰਪ੍ਰੀਤ ਸਿਹੌੜਾ ਨੇ ‘ਖੁਲ੍ਹੀ ਕਵਿਤਾ’, ਅਮਰਿੰਦਰ ਸੋਹਲ ਨੇ ‘ਹੁੰਨਰ’ ਕਵਿਤਾ ਪੜ੍ਹੀ। ਡਾ. ਗੁਲਜ਼ਾਰ ਭੈੜਾ ਨੇ ‘ਬਾਪੂ ਪੜ੍ਹਨੇ ਪਾ ‘ਤਾ ਪੁੱਤਾਂ ਧੀਆਂ ਨੇ’ ਗਜ਼ਲ ਸੁਣਾਈ। ਦੀਪ ਦਿਲਬਰ ਨੇ ‘ਬੰਨ ਬੰਨ ਆਉਣ ਕਤਾਰ ਲੋਕ’, ਸੰਪੂਰਨ ਸਿੰਘ ਸਨਮ ਨੇ ‘ਇਸ਼ਕ ਝੂਕਤਾ ਨਹੀਂ (ਹਿੰਦੀ), ਰਜਿੰਦਰ ਨਾਥ ਨੇ ‘ਗੁਰੂ ਘਰ ਸੀਸ ਨਿਵਾਉਣ ਵਾਲ਼ਿਓ’,  ਬਲਵੰਤ ਮਾਂਗਟ ਨੇ ‘ਜਿਉਣ ਲਈ ਤਾਂ ਜਿਉਣਾ ਪੈਣੈ’, ਸੋਮਨਾਥ ਸਿੰਘ ਨੇ ‘ਦੁੱਖ ਦੁਨੀਆਂ ਦੇ ਚੁਣ ਮੈਂ ਲਵਾਂ’, ਸੁਲੱਖਣ ਸਿੰਘ ਅਟਵਾਲ ਨੇ ‘ਤੱਤੀ ਤਵੀ ਤੇ ਬੈਠਾ ਕੇ ਸਤਿਗੁਰੂ ਨੂੰ’ ਗੀਤ ਤਰੰਨਮ ਸੁਣਾਇਆ। ਕੰਵਲਜੀਤ ਨੀਲੋਂ ਨੇ ਬਾਲ ਕਹਾਣੀ ‘ਤੰਦ’, ਤਰਨ ਬੱਲ ਨੇ ‘ਖ਼ਾਮੋਸ਼ ਹੌਕੇ ਦੀ ਪੀੜ’, ਕਬੀਰ ਜਲੋਟਾ ਨੇ ‘ਮਿਸੋ’ ਤੇ ਕਹਾਣੀਕਾਰ ਅਜਮੇਰ ਸਿੱਧੂ ਪੱਛਮੀ ਤੇ ਭਾਰਤੀ ਸਮਾਜ ਦੇ ਫਿਕਰਮੰਦੀ ਦੀ ਕਹਾਣੀ ਪੜ੍ਹੀ। ਗੁਰਸੇਵਕ ਸਿੰਘ ਢਿਲ੍ਹੋਂ ਨੇ ‘ਕੁੱਲ ਦਾ ਨਾਸ’ ਮਿੰਨ੍ਹੀ ਕਹਾਣੀ ਸੁਣਾਈ। ਜਰਨੈਲ ਸਿੰਘ ਮਾਂਗਟ ਰਾਮਪੁਰੀ ਨੇ ‘ਰੱਬ ਦੇ ਘਰ ਵਿਚ ਬੈਠ ਕੇ ਲੈਣ ਪੁਜਾਰੀ ਦਾਨ’ ਦੋਹੇ ਪੜ੍ਹੇ। ਪੜ੍ਹੀਆਂ-ਸੁਣੀਆਂ ਗਈਆਂ ਰਚਨਾਵਾਂ ‘ਤੇ ਨਿੱਠ ਕੇ ਹੋਈ ਸਾਰਥਿਕ ਅਤੇ ਉਸਾਰੂ ਬਹਿਸ ਵਿਚ ਰਚਨਾਕਾਰਾਂ ਦੇ ਨਾਲ਼ ਸੁਖਜੀਤ, ਸੁਰਿੰਦਰ ਰਾਮਪੁਰੀ, ਸੰਦੀਪ ਸਮਰਾਲ਼ਾ, ਜਸਵੀਰ ਝੱਜ, ਬਲਦੇਵ ਸਿੰਘ ਝੱਜ, ਡਾ. ਟਹਿਲ ਸਿੰਘ ਜੱਸਲ਼ ਆਦਿ ਨੇ ਸਾਰਥਿਕ ਟਿਪੱਣੀਆਂ ਕੀਤੀਆਂ।ਇੱਕਤ੍ਰਤਾ ਦੀ ਸੰਚਾਲਨਾ ਸਭਾ ਦੇ ਜਨਰਲ ਸਕੱਤਰ ਬਲਵੰਤ ਮਾਂਗਟ ਨੇ ਭਾਵਪੂਰਤ ਅੰਦਾਜ਼ ਵਿਚ ਬਾਖੂਬੀ ਨਿਭਾਈ। ਦੌਲਤ ਜਲੋਟਾ ਨੇ ਆਪਣੇ ਕਾਵਿ ਸੰਗਿ੍ਰਹ ‘ਚੱਲ ਰਸਤਾ ਦੂਜਾ ਫੜ੍ਹ ਲਈਏ’ ਅਤੇ ਪ੍ਰੋ. ਸ਼ਮਸ਼ਾਦ ਅਲੀ ਨੇ ‘ਦਰਸ ਅਲੀ, ਰਾਗ ਬੰਦਿਸ਼ਾਵਲੀ, (ਅਲਾਪ ਤਾਨ ਸਮੇਤ) ਭਾਗ ਪਹਿਲਾ ਦੀਆਂ ਦੋ, ਦੋ ਪੁਸਤਕਾਂ ਸਭਾ ਦਾ ਲਾਇਬ੍ਰੇਰੀ ਲਈ ਭੇਂਟ ਕੀਤੀਆਂ। ਅੰਤ ਵਿਚ ਉਰਦੂ ਉੱਘੇ ਲੇਖਕ, ਪ੍ਰਗਤੀਸ਼ੀਲ ਲੇਖਕ ਸੰਘ ਦੀ ਕੌਮੀ ਕਾਰਜਕਾਨੀ ਅਤੇ ਸੀ.ਪੀ.ਆਈ. ਕੌਮੀ ਸਕੱਤਰੇਤ ਦੇ ਮੈਂਬਰ ਸ਼ਮੀਮ ਫ਼ੈਜ਼ੀ ਅਤੇ ਪ੍ਰੀਤ ਸੰਦਲ ਦੇ ਭਣੋਈਏ ਦੇ ਬੇ-ਵਕਤ ਸਦੀਵੀ ਵਿਛੋੜੇ ‘ਤੇ ਸ਼ੋਕ ਮਤਾ ਪਾ ਕੇ ਸਬੰਧਤ ਪ੍ਰੀਵਾਰਾਂ ਨਾਲ਼ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕਰਕੇ ਸਭਾ ਉੱਠਾ ਦਿੱਤੀ ਗਈ।
ਇਸ ਲਿਖਾਰੀ ਸਭਾ ਨਾਲ ਜੁੜਨ ਲਈ ਤੁਸੀਂ ਸੰਪਰਕ ਕਰ ਸਕਦੇ ਹੋ ਸਰਗਰਮ ਲੇਖਕ ਜਸਵੀਰ ਝੱਜ ਹੁਰਾਂ ਨਾਲ। ਉਹਨਾਂ ਦਾ ਮੋਬਾਈਲ ਨੰਬਰ ਹੈ: +91 855459765