ਪੰਜਾਬੀ ਸਾਹਿਤ ਅਕਾਦਮੀ ਦੀ ਚੋਣ ਅਤੇ ਡਾ. ਗੁਲਜ਼ਾਰ ਪੰਧੇਰ

ਡਾਕਟਰ ਪੰਧੇਰ ਦਾ ਜਿੱਤਣਾ ਕਿਓਂ ਜ਼ਰੂਰੀ ਹੈ 

ਜਿਵੇਂ ਸੂਰਜ ਬੜੀ ਖਾਮੋਸ਼ੀ ਨਾਲ ਦੁਨੀਆ ਨੂੰ ਹਰ ਰੋਜ਼ ਰੁਸ਼ਨਾਉਂਦਾ ਹੈ ਅਤੇ ਸ਼ਾਮ ਨੂੰ ਧਰਤੀ ਦੇ ਦੂਜੇ ਪਾਸੇ ਜਾ ਕੇ ਬਾਕੀ ਰਹਿੰਦੀ ਦੁਨੀਆ ਨੂੰ ਚਾਨਣ ਵੰਡਦਾ ਹੈ ਪਰ ਕਦੇ ਰੌਲਾ ਨਹੀਂ ਪਾਉਂਦਾ। ਤਾਰੇ ਹਰ ਰੋਜ਼ ਨਿਕਲਦੇ ਹਨ ਪਰ ਕਦੇ ਸ਼ੋਰ ਨਹੀਂ ਕਰਦੇ। ਚੰਦਰਮਾ ਹਰ ਰੋਜ਼ ਸ਼ਾਇਰਾਂ ਦੀ ਪ੍ਰੇਰਨਾ ਵੀ ਬਣਦਾ ਹੈ ਪਰ ਕਦੇ ਵੀ ਸ਼ੋਰਸ਼ਰਬਾ ਨਹੀਂ ਕਰਦਾ  ਉੱਸੇ ਤਰ੍ਹਾਂ ਸਾਡਾ ਦਹਾਕਿਆਂ ਪੁਰਾਣ ਮਿੱਤਰ ਡਾ. ਗੁਲਜ਼ਾਰ ਪੰਧੇਰ ਵੀ ਨਿਰੰਤਰ ਕੰਮ ਤਾਂ ਕਰਦਾ ਆ ਰਿਹਾ ਹੈ ਪਰ ਕਦੇ ਇਸ ਬਾਰੇ ਬੋਲਦਾ ਨਹੀਂ। ਜਦੋਂ ਗੋਲੀਆਂ ਚੱਲਦਿਆਂ ਸਨ, ਬਬਨ ਚੱਲਦੇ ਸਨ ਅਤੇ ਪੰਜਾਬ ਵਿਚ ਕਾਲੇ ਦਿਨਾਂ ਦਾ ਜ਼ੋਰ ਸੀ ਉਸ ਜ਼ਮਾਨੇ ਵਿਚ ਵੀ ਡਾ. ਗੁਲਜ਼ਾਰ ਪੰਧੇਰ ਆਪਣੇ ਮਿੱਤਰਾਂ ਦੇ ਨਾਲ ਸੀ, ਆਪਣੇ ਲੋਕਾਂ ਦੇ ਨਾਲ ਸੀ ਅਤੇ ਉਹਨਾਂ ਵਿਚਾਰਾਂ ਦੇ ਨਾਲ ਸੀ ਜਿਹਨਾਂ ਤੇ ਉਸਦੀ ਆਸਥਾ ਸੀ। ਕਾਲੀ ਦਾਹੜੀ ਤੋਂ ਬਾਅਦ ਸਫੇਦ ਹੋ ਗਈ ਪਰ ਡਾ. ਪੰਧੇਰ ਦਾ ਸੁਭਾਅ ਅੱਜ ਵੀ ਉਹੀ ਹੈ। ਕੰਮ ਅਤੇ ਸਿਰਫ ਕੰਮ। ਨਾ ਸਾਜ਼ਿਸ਼ੀਆਂ ਨਾਲ ਕੋਈ ਵੈਰ ਨਾ ਹੀ ਦੁਸ਼ਮਣ ਨਾਲ ਕੋਈ ਵਿਰੋਧ। ਸਭਨਾਂ ਨੂੰ ਆਪਣਾ ਹੀ ਸਮਝਣਾ ਤੇ ਕਲਮ ਦੀ ਸਾਧਨਾ ਵਿਚ ਮਗਨ ਰਹਿਣਾ। ਪ੍ਰਬੰਧਾਂ ਵਿੱਚ ਕਦੇ ਸਖਤੀ ਦੀ ਲੋੜ ਵੀ ਪਏ ਤਾਂ ਉਸ ਨੂੰ ਵੀ  ਆਪਣੇ ਮੋਹੱਬਤੀ ਅੰਦਾਜ਼ ਵਾਲੇ ਜਾਦੂ ਨਾਲ ਰੰਗ ਲੈਣਾ। ਅੱਜ ਸਾਨੂੰ ਸਭਨਾਂ ਨੂੰ ਲੋੜ ਹੈ ਅਜਿਹੇ ਸੱਜਣਾਂ ਦੀ ਜਿਹੜੇ ਗੁੱਟਬੰਦੀਆਂ ਅਤੇ ਧੜੇ ਬਾਜ਼ੀਆਂ ਤੋਂ ਉੱਪਰ ਉੱਠ ਕੇ ਚੱਲਣ ਵਾਲੇ ਵੀ ਹੋਣ ਅਤੇ ਜੇ ਲੋੜ ਪਵੇ ਤਾਂ ਸਟੈਂਡ ਲੈਣ ਵਾਲੇ ਵੀ ਹੋਣ। ਪੰਜਾਬੀ ਭਵਨ ਦੇ ਵਿਰੋਧੀਆਂ ਦੀਆਂ ਸਾਜ਼ਿਸ਼ਾਂ ਜਾਰੀ ਹਨ। ਪੰਜਾਬੀ ਭਵਨ ਨੂੰ ਫਿਰਕੂ ਰੰਗ ਦੇਣ ਲਈ ਕੁਝ ਅਨਸਰ ਸਰਗਰਮ ਹਨ। ਅੱਜ ਲੋੜ ਹੈ ਇਸਦੀ ਰਾਖੀ ਲਈ ਮਜ਼ਬੂਤ ਸੈਕੂਲਰ ਟੀਮ ਅੱਗੇ ਆਵੇ। ਡਾਕਟਰ ਲਖਵਿੰਦਰ ਜੌਹਲ ਦੀ ਸਰਬਸੰਮਤੀ ਹੋਈ ਚੋਣ ਦਾ ਸੁਆਗਤ ਕਰਨ ਦੇ ਨਾਲ ਹੀ 30 ਜਨਵਰੀ ਨੂੰ ਹੋਣ ਵਾਲੀਆਂ ਚੋਣਾਂ ਵਿੱਚ ਡਾਕਟਰ ਗੁਲਜ਼ਾਰ ਪੰਧੇਰ ਅਤੇ ਹੋਰ ਅਗਾਂਹਵਧੂ ਲੇਖਕਾਂ ਦੇ ਹੱਥ ਵਾਗਡੋਰ ਫੜਾਈ ਜਾਵੇ। ਪ੍ਰਗਤੀਸ਼ੀਲ ਮੁਹਿੰਮ ਨੂੰ ਤੇਜ਼ ਕਰਨ ਅਤੇ ਸੰਭਾਲਣ ਦੀ ਲੋੜ ਜਿੰਨੀ ਅੱਜਕਲ ਹੈ ਓਨੀ ਸ਼ਾਇਦ ਪਹਿਲਾਂ ਕਦੇ ਵੀ ਨਹੀਂ ਸੀ। ਇਸ ਮੌਕੇ ਡਾ. ਪੰਧੇਰ ਹੁਰਾਂ ਵੱਲੋਂ ਜਾਰੀ ਅਪੀਲ ਤੁਹਾਡੇ ਸਭਨਾਂ ਦੀ ਨਜ਼ਰ ਹੈ। ਇਸ ਵਿਚ ਸਾਡੀ ਅਪੀਲ ਵੀ ਸ਼ਾਮਿਲ ਹੈ।-ਸੰਪਾਦਕ  

ਵਿਗਿਆਨ ਭਵਨ ਦਿੱਲੀ ਵਿੱਚ  ਡਾ. ਗੁਲਜ਼ਾਰ ਪੰਧੇਰ 

ਪਿਆਰੇ ਦੋਸਤੋ  

ਪਿਛਲੇ ਚਾਰ ਸਾਲ ਦਾ ਸਮਾਂ ਕਰੋਨਾ ਕਰਕੇ ਵੀ ਅਤੇ ਚੱਲੇ ਜਨ- ਸੰਘਰਸ਼ ਕਰਕੇ ਵੀ ਵੱਖਰਾ ਸੀ।ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਇਕ ਅਜਿਹੀ ਸੰਸਥਾ ਹੈ ਜੋ ਸਾਰੇ ਹਿੰਦੋਸਤਾਨ ਵਿੱਚ ਭਾਸ਼ਾ ਅਤੇ ਚਿੰਤਨ ਦੇ ਖੇਤਰ ਵਿੱਚ ਇਕੱਲਾ ਲੇਖਕਾਂ ਦਾ  ਵਿਲੱਖਣ ਮੋਹਵੰਤਾ ਖੁਦਮੁਖਤਿਆਰ ਘਰ ਹੈ।ਇਸਦੀ ਜਮਹੂਰੀ ਪਛਾਣ ਹੈ। ਅਜਿਹੀਆਂ ਸੰਸਥਾਵਾਂ ਦੀ ਜਮਹੂਰੀ ਪ੍ਰਕਿਰਿਆ ਦੇਸ਼ ਲਈ ਅਜੋਕੇ ਸਮਿਆਂ ਵਿੱਚ ਅਤਿਅੰਤ ਜਰੂਰੀ ਹੈ। ਪਿਛਲੇ ਸਮੇੰ ਦੋ ਸਾਲ ਚੋਣ ਨਹੀੰ ਹੋਈ...ਹੁਣ 30 ਜਨਵਰੀ 2022 ਨੂੰ ਚੋਣ ਹੋਣ ਦਾ ਪਰੋਗਰਾਮ ਬਣਿਆ ਹੈ।

ਜਨਵਰੀ ਮਹੀਨੇ ਦੋਸਤਾਂ ਨੂੰ ਸੰਬੋਧਿਤ ਹੋ ਰਿਹਾ ਹਾਂ,ਸਭ ਤੋੰ ਪਹਿਲਾਂ ਕਾਮਨਾ ਕਰਦਾ ਹਾਂ ਕਿ ਪਿਛਲੇ ਸਮੇਂ ਵਿੱਚ ਜਿਹੜੀਆਂ ਜਨ- ਸੰਘਰਸ਼ ਨੇ ਸੰਘਰਸ਼ੀ ਪੈੜਾਂ ਪਾਈਆਂ ਹਨ ਉਹ ਵਧਣ ਫੁੱਲਣ , ਸਿਰੜ ਨਾਲ ਬੀਜੇ ਧਰਤੀ ਮੁਖੀ ਬੀਜਾਂ ਦੀ ਭਰਪੂਰ ਫਸਲ ਹੋਵੇ!ਸਾਲ ਮੁਬਾਰਕ ਹੋਵੇ!

ਚੋਣਾਂ ਵਿੱਚ ਮੈਂ ਦੋਸਤਾਂ ਦੀ ਸਲਾਹ ਨਾਲ ਜਨਰਲ ਸਕੱਤਰ ਦੇ ਅਹੁਦੇ ਲਈ ਮੈਦਾਨ ਵਿੱਚ ਆਇਆ ਹਾਂ। ਮੇਰਾ ਮੰਤਵ ਨਿਰੋਲ ਭਾਸ਼ਾ ਅਤੇ ਸਾਹਿਤ ਦੀ ਸੰਸਥਾਈ ਪੱਧਰ ਤੇ ਸੇਵਾ ਹੈ। ਮੈਂ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਤੋਂ ਸੇਵਾ ਮੁਕਤ ਹਾਂ। ਉਥੇ ਵੀ ਮੈਂ ਯੂਨੀਅਨ ਦੇ ਜਨਰਲ ਸਕੱਤਰ ਸਮੇਤ ਵੱਖ ਵੱਖ ਅਹੁਦਿਆਂ ਤੇ ਰਿਹਾ ਹਾਂ। ਪੀ ਏ ਯੂ ਦੇ ਦੋਸਤਾਂ ਨੇ ਲੱਗ ਪੱਗ 12 ਸਾਲ ਮੈਨੂੰ  ਅਗਵਾਈ ਲਈ ਬਾਰ ਬਾਰ ਚੁਣ ਕੇ  ਸੇਵਾ ਦਾ ਮੌਕਾ ਦਿੱਤਾ ਹੈ। ਇਸ ਲਈ ਮੈਨੂੰ ਸੰਸਥਾਵਾਂ ਦੇ ਪ੍ਰਬੰਧ ਦਾ ਲੰਮਾ ਤਜਰਬਾ ਵੀ ਹੋ ਗਿਆ ਹੈ। ਮੈਂ ਅਕਾਡਮੀ ਵਿੱਚ ਵੀ ਲਗਾਤਾਰ 12 ਸਾਲ ਤੋਂ-- ਪਹਿਲਾਂ ਪ੍ਰਬੰਧਕੀ ਬੋਰਡ ਵਿੱਚ ਰਿਹਾ ਹਾਂ ਫੇਰ ਸਕੱਤਰ ਅਤੇ ਮੀਤ ਪ੍ਰਧਾਨ ਰਹਿ ਚੁੱਕਾ ਹਾਂ। ਮੇਰੀ ਰਿਹਾਇਸ਼ ਵੀ ਲੁਧਿਆਣਾ ਵਿਖੇ ਹੈ। ਜਨਰਲ ਸਕੱਤਰ ਦੇ ਉਮੀਦਵਾਰ ਵੱਜੋਂ  ਮੇਰਾ ਰਿਕਾਰਡ ਗਵਾਹੀ ਭਰਦਾ ਹੈ। ਮੇਰੀਆਂ ਪੇਪਰਾਂ, ਕਵਿਤਾਵਾਂ,ਸੰਪਾਦਕੀਆਂ, ਮੁੱਖ-ਬੰਧ ਆਦਿ ਤੋਂ ਇਲਾਵਾ ਪੁਸਤਕ ਰੂਪ ਵਿਚ ਇਹ ਲਿਖਤਾਂ ਹਨ:

-- ਪੰਧੇਰ ਗੋਤ ਇਕ         ਲੋਕਯਾਨਿਕ ਸੰਗ੍ਰਹਿ ।

--ਲੋਕਧਾਰਾਈ ਦਿ੍ਸ਼ਟੀ ਤੇ ਹੀਰ ਦਮੋਦਰ ।

  --ਪਾਕਿਸਤਾਨੀ ਉੱਘੇ ਨਾਵਲਕਾਰ ਅਬਦਾਲ ਬੇਲਾ ਦੇ ਉਰਦੂ ਨਾਵਲ 'ਦਰਵਾਜਾ ਖੁੱਲਤਾ ਹੈ' ਦਾ ਹਿੰਦੀ ਤੋਂ ਪੰਜਾਬੀ ਅਨੁਵਾਦ 'ਸਰਹੰਦ ਕੰਢੇ' ਨਾਮ ਹੇਠ ਕੀਤਾ ਹੈ।

-- ਪੰਜਾਬੀ ਤ੍ਰੈਮਾਸਿਕ 'ਨਜ਼ਰੀਆ ਦਾ ਸੰਪਾਦਕ ਹਾਂ।

  --ਹਰ ਮਹੀਨੇ ਘੱਟੋ ਘੱਟ ਇਕ ਪੁਸਤਕ ਪੜ੍ਹ ਕੇ ਟਿੱਪਣੀ ਕਰਨਾ  ਮੇਰਾ ਸੁਭਾਅ ਹੈ।

ਪਿਛਲੇ ਸਮੇਂ ਚੱਲੇ ਜਨ ਸੰਘਰਸ਼ ਵਿਚ ਲਗਾਤਾਰ ਕੇਦਰੀੰ ਪੰਜਾਬੀ ਲੇਖਕ ਸਭਾ,ਪ੍ਰਗਤੀਸ਼ੀਲ ਲੇਖਕ ਸੰਘ ਅਤੇ ਕਿਸਾਨ ਸਭਾ ਆਦਿ ਦੇ ਅਹੁਦੇਦਾਰ ਵਜੋਂ ਜਥਿਆਂ ਵਿੱਚ ਵਿਪਰੀਤ ਹਾਲਤਾਂ ਅਤੇ ਮੌਸਮਾਂ ਵਿੱਚ ਨਿਰਵਿਘਨ ਸਮੂਲੀਅਤ ਕੀਤੀ ਹੈ।ਲੋਕਾਂ  ਸੰਗ ਅਤੇ ਲੋਕਾਂ ਦੇ ਸਾਹਿਤ ਨਾਲ ਨੇੜਿਓ ਜੁੜਨ ਹਿੱਤ ਟਰਾਲੀਆਂ ਵਿੱਚ ਸਾਥੀਆਂ ਸਮੇਤ ਰਾਤਾਂ ਗੁਜਾਰਨ ਨੂੰ ਪਹਿਲ ਦਿੱਤੀ ਹੈ। ਮੈਂ  ਇਸ ਵਾਰ ਆਉਣ ਵਾਲੀ ਟੀਮ ਵਿੱਚ ਬਿਨਾ ਮੁਕਬਲਾ ਜੇਤੂ ਡਾ. ਲਖਵਿੰਦਰ ਸਿੰਘ ਜੌਹਲ, ਮੀਤ ਪ੍ਰਧਾਨ ਸ਼੍ਰੀ ਸਿਆਮ ਸੁੰਦਰ ਦੀਪਤੀ ਸਮੇਤ ਜਨਰਲ ਸਕੱਤਰ ਦੇ ਉਮੀਦਵਾਰ ਵਜੋਂ ਚੋਣ ਮੈਦਾਨ ਵਿੱਚ ਹਾਂ। ਮੀਤ ਪ੍ਰਧਾਨ ਅਤੇ ਪ੍ਰਬੰਧਕੀ ਬੋਰਡ ਮੈਂਬਰ ਵੱਡੀ ਗਿਣਤੀ ਵਿਚ ਮੇਰੇ ਸਹਿਯੋਗੀ ਹਨ।

ਸੋ ਆਪਜੀ ਨੂੰ  ਸਨਿਮਰ ਬੇਨਤੀ ਹੈ ਮੈਨੂੰ ਆਪਣੇ ਮੱਤ ਦਾ ਦਾਨ ਕਰਕੇ ਹੋਰ ਦੋਸਤਾਂ ਨੂੰ ਵੀ ਹਮਾਇਤ ਲਈ ਕਹਿਣਾ ਆਪ ਜੀ ਦੀ ਬਹੁਤ ਹੀ ਮਿਹਰਬਾਨੀ ਹੋਵੇਗੀ।

ਡਾ. ਗੁਲਜ਼ਾਰ ਸਿੰਘ ਪੰਧੇਰ

ਮੋਬਾਈਲ ਨੰਬਰ 7009966188

ਨੇੜ ਭਵਿੱਖ ਵਿੱਚ ਪ੍ਰਗਤਿਸ਼ੀਲ ਲਹਿਰ ਨੂੰ ਤੇਜ਼ ਕਰਨ ਦੀ ਲੋੜ ਸ਼ਿੱਦਤ ਨਾਲ ਮਹਿਸੂਸ ਹੋਣ ਵਾਲੀ ਹੈ। ਫਿਰਕੂ ਸ਼ਕਤੀਆਂ ਆਪਣੇ ਨਾਪਾਕ ਇਰਾਦੇ ਲਾ ਕੇ ਸਰਗਰਮ ਹਨ। ਇਹਨਾਂ ਦੇ ਟਾਕਰੇ ਲਈ ਡਾ. ਗੁਲਜ਼ਾਰ ਪੰਧੇਰ ਵਰਗੇ ਸਾਨੂੰ ਲੋਕ ਪੱਖੀ ਲੇਖਕਾਂ ਦੀ ਲੋੜ ਕਦਮ ਕਦਮ ਤੇ ਪੈਣੀ ਹੈ। ਪ੍ਰਗਤਿਸ਼ੀਲ ਲਹਿਰ ਨੂੰ ਕਦੇ ਦਿੱਲੀ, ਕਦੇ ਜੈਪੁਰ ਤੇ ਕਦੇ ਕਿਤੇ ਹੋਰ ਲਿਜਾ ਕੇ ਸਰਗਰਮ ਰੱਖਣਾ ਹਰ ਕਿਸੇ ਦੇ ਵੱਸ ਦਾ ਵੀ ਨਹੀਂ। ਡਾ. ਗੁਲਜ਼ਾਰ ਪੰਧੇਰ ਦਾ ਤਜਰਬਾ ਸਮੁਚੀ ਲਹਿਰ ਲਈ ਸਹਾਇਕ ਹੋਵੇਗਾ। -ਸੰਪਾਦਕ 

ਪੰਜਾਬੀ ਸਾਹਿਤ ਅਕਾਦਮੀ ਦੀ ਚੋਣ ਅਤੇ ਡਾ. ਗੁਲਜ਼ਾਰ ਪੰਧੇਰ 

ਪੰਜਾਬੀ ਸਾਹਿਤ ਅਕਾਦਮੀ ਨਾਲ ਹੋਰ ਸਬੰਧਤ ਖਬਰਾਂ ਦੇਖਣ ਲਈ ਇਥੇ ਕਲਿੱਕ ਕਰੋ ਜੀ 

ਡਾ. ਲਖਵਿੰਦਰ ਜੌਹਲ ਬਣੇ ਪੰਜਾਬੀ ਸਾਹਿਤ ਐਕਡਮੀ ਦੇ ਬਿਨਾ ਮੁਕਾਬਲਾ ਪ੍ਰਧਾਨ