ਮਾਤ ਭਾਸ਼ਾ ਨੂੰ ਸਤਿਕਾਰ ਦੇਣ ਦਾ ਇਕ ਅੰਦਾਜ਼ ਇਹ ਵੀ

ਹੁਣ ਪੰਜਾਬ ਵਿੱਚ ਵੀ ਵਧਣ ਲੱਗ ਪਿਆ ਹੈ ਮਾਤਭਾਸ਼ਾ ਨਾਲ ਪਿਆਰ 

ਲੁਧਿਆਣਾ: 21 ਫਰਵਰੀ 2023: (ਕਾਰਤਿਕਾ ਸਿੰਘ//ਸਾਹਿਤ ਸਕਰੀਨ):: 

ਅੱਜ ਮਾਤਭਾਸ਼ਾ ਦਿਵਸ ਦੇ ਮੌਕੇ 'ਤੇ ਬਹੁਤ ਸਾਰੀਆਂ ਥਾਂਵਾਂ 'ਤੇ ਬਹੁਤ ਸਾਰੇ ਪ੍ਰੋਗਰਾਮ ਹੋਏ। ਇਸ ਖਾਸ ਦਿਵਸ ਦੇ ਮੌਕੇ ਮੌਕੇ 'ਤੇ ਉੱਘੇ ਲੇਖਕ ਅਤੇ ਮੌਜੂਦਾ ਦੌਰ ਬਾਰੇ ਸਰਜੀਕਲ ਵਿਸ਼ਲੇਸ਼ਣ ਕਰਨ ਵਾਲੇ ਬੇਬਾਕ ਬੁਧੀਜੀਵੀ ਮਿੱਤਰ ਸੈਨ ਮੀਤ ਹੁਰਾਂ ਨੇ ਲੁਧਿਆਣਾ ਵਿੱਚ ਪ੍ਰਦਰਸ਼ਿਤ ਇੱਕ ਕਲਾਕ੍ਰਿਤੀ ਦੀ ਤਸਵੀਰ ਵੀ ਪੋਸਟ ਕੀਤੀ ਹੈ। ਇਹ ਦੱਸਦੀ ਹੈ ਕਿ ਜੇ ਕੁਝ ਕਰਨਾ ਚਾਹੁਣ ਤਾਂ ਉੱਚ ਸਰਕਾਰੀ ਅਧਿਕਾਰੀ ਵੀ ਆਪੋ ਆਪਣੇ ਤੌਰ 'ਤੇ ਮਾਤ ਭਾਸ਼ਾ ਲਈ ਪ੍ਰੇਰਣਾ ਦੇਣ ਵਾਲਾ ਕੁਝ ਨ ਕੁਝ ਤਾਂ ਕਰ ਹੀ ਸਕਦੇ ਹਨ। ਤੁਸੀਂ ਸਬੰਧਤ ਕਲਾਕ੍ਰਿਤੀ ਦਾ ਵੇਰਵਾ ਦੇਖ ਸਕਦੇ ਹੋ ਇਥੇ ਦਿੱਤੇ ਜਾ ਰਹੇ ਲਿੰਕ ਨੂੰ ਕਲਿੱਕ ਕਰਕੇ

ਮਾਤ ਭਾਸ਼ਾ ਨੂੰ ਸਤਿਕਾਰ ਦੇਣ ਦਾ ਇਕ ਅੰਦਾਜ਼ ਇਹ ਵੀ ਅਸਲ ਵਿੱਚ ਇਹ ਪੋਸਟ ਦੱਸਦੀ ਹੈ ਕਿ ਮਾਮਲਾ ਮਾਂ ਬੋਲੀ ਦਾ ਹੋਵੇ//ਮਾਤ ਭਾਸ਼ਾ ਦਿਵਸ ਦਾ ਹੋਵੇ ਤਾਂ ਸੀਨੇ ਦੀ ਖਿੱਚ ਬਹੁਤ ਸਾਰੇ ਰਾਹਾਂ ਦਾ ਪਤਾ ਦੇਣ ਲੱਗਦੀ ਹੈ। 

ਹਰ ਪਾਸੇ ਇਸ ਅੰਦਾਜ਼ ਦੀ ਚਰਚਾ ਰਹੀ। ਮਾਤ ਭਾਸ਼ਾ ਨੂੰ ਸਤਿਕਾਰ ਦੇਣ ਦਾ ਇਕ ਅੰਦਾਜ਼ ਇਹ ਵੀ ਦੇਖਿਆ ਗਿਆ ਜਿਹੜਾ ਲੁਧਿਆਣਾ ਵਾਲਿਆਂ ਦੀ ਪ੍ਰਾਪਤੀ ਕਹੀ ਜਾ ਸਕਦੀ ਹੈ। ਮਾਤ ਭਾਸ਼ਾ ਨੂੰ ਸਤਿਕਾਰ ਦੇਣ ਦਾ ਇਕ ਅੰਦਾਜ਼ ਇਸ ਤਸਵੀਰ ਵਾਲਾ ਵੀ ਹੋ ਸਕਦਾ ਹੈ।

ਹੋਰਨਾਂ  ਨੂੰ ਪ੍ਰੇਰਣਾ ਦੇਣ ਵਾਲੀ ਇਹ ਤਸਵੀਰ ਦੱਸਦੀ ਹੈ ਕਿ ਦੱਖਣੀ ਭਾਰਤ ਦੇ ਸੂਬਿਆਂ ਵਾਂਗ ਹੁਣਪੰਜਾਬ ਵਿੱਚ ਵੀ ਪੰਜਾਬੀ ਪ੍ਰਤੀ ਮੋਹ, ਪਿਆਰ ਅਤੇ ਸਤਿਕਾਰ ਵਿਕਸਿਤ ਹੋ ਰਿਹਾ ਹੈ। 

ਇਸ ਕਲਾਕ੍ਰਿਤੀ ਦੀ ਤਸਵੀਰ ਨੂੰ ਲੋਕਾਂ ਤੱਕ ਪਹੁੰਚਾਇਆ ਪੰਜਾਬੀ ਦੀ ਸ਼ਾਨ ਬਹਾਲ ਕਾਰਨ ਲਈ ਸਰਗਰਮ ਹੋਏ ਲੇਖਕ ਮਿੱਤਰ ਸੈਨ ਮੀਤ ਹੁਰਾਂ ਨੇ। ਉਹਨਾਂ ਦਸਿਆ ਕਿ ਨਗਰ ਨਿਗਮ ਲੁਧਿਆਣਾ ਵਿੱਚ ਖੇਤਰ ਡੀ ਦੇ ਉੱਚ ਅਧਿਕਾਰੀ ਸ੍ਰ ਜਸਦੇਵ ਸਿੰਘ ਸੇਖੋਂ ਵੱਲੋਂ ਮਾਂ ਬੋਲੀ ਪੰਜਾਬੀ ਪ੍ਰਤੀ ਆਪਣਾ ਸਤਿਕਾਰ, ਆਪਣੇ ਦਫ਼ਤਰ ਦੇ ਪ੍ਰਵੇਸ਼ ਦੁਆਰ ਤੇ ਇਹ ਖੂਬਸੂਰਤ ਕਲਾ ਕ੍ਰਿਤ ਲਗਾ ਕੇ ਕੀਤਾ ਹੈ। ਇਸ ਕਲਾ ਕ੍ਰਿਤ ਤੇ ਖਰਚ ਕਰਨ ਵਾਲੀ ਸੰਸਥਾ ਨੇ ਭਾਵੇਂ ਆਪਣਾ ਅੰਗਰੇਜ਼ੀ ਮੋਹ ਨਹੀਂ ਤਿਆਗਿਆ ਫੇਰ ਵੀ ਨਿਗਮ ਦੇ ਅਧਿਕਾਰੀਆਂ ਦਾ ਇਹ ਉਪਰਾਲਾ ਬਹੁਤ ਹੀ ਸ਼ਲਾਘਾਯੋਗ ਹੈ।

ਕੀ ਆਉਂਦੇ ਦਿਨਾਂ ਵਿੱਚ ਹੋਰ ਉੱਚ ਅਧਿਕਾਰੀ ਵੀ ਇਸ ਕਲਾਕ੍ਰਿਤੀ ਵਾਲੇ ਅੰਦਾਜ਼ ਤੋਂ ਪ੍ਰੇਰਨਾ ਲੈਣਗੇ? ਕਿੰਨਾ ਹੀ ਚੰਗਾ ਹੋਵੇ ਜੇਕਰ ਹਰ ਜ਼ਿਲੇ ਦੇ ਹਰ ਦਫਤਰ ਵਿੱਚ ਪੰਜਾਬੀ ਲਈ ਅਜਿਹੀ ਹੀ ਭਾਵਨਾ ਵਾਲਾ ਮਾਣ ਸਤਿਕਾਰ ਹੋਵੇ। 

ਸਮਾਜਿਕ ਚੇਤਨਾ ਅਤੇ ਜਨ ਸਰੋਕਾਰਾਂ ਨਾਲ ਜੁੜੇ  ਹੋਏ ਬਲਾਗ ਮੀਡੀਆ ਨੂੰ ਜਾਰੀ ਰੱਖਣ ਵਿੱਚ ਸਹਿਯੋਗੀ ਬਣੋ। ਜੋ ਵੀ ਰਕਮ ਤੁਸੀਂ ਹਰ ਰੋਜ਼, ਹਰ ਹਫਤੇ, ਹਰ ਮਹੀਨੇ ਜਾਂ ਕਦੇ ਕਦਾਈਂ ਇਸ ਸ਼ੁਭ ਕੰਮ ਲਈ ਕੱਢ ਸਕਦੇ ਹੋ ਉਹ ਜ਼ਰੂਰ ਕੱਢੋ। ਹੇਠਲੇ ਬਟਨ 'ਤੇ ਕਲਿੱਕ ਕਰ ਕੇ ਤੁਸੀਂ ਸਹਿਜੇ ਹੀ ਅਜਿਹਾ ਕਰ ਸਕਦੇ ਹੋ।