ਗਜ਼ਲਗੋ ਸਰਦਾਰ ਪੰਛੀ ਵੀ ਪੁੱਜੇ ਪੰਜਾਬੀ ਸਾਹਿਤ ਸਭਾ ਭੈਣੀ ਸਾਹਿਬ ਦੀ ਮੀਟਿੰਗ ਵਿੱਚ

ਪੰਜਾਬੀ ਸਾਹਿਤ ਸਭਾ ਭੈਣੀ ਸਾਹਿਬ ਦੀ ਮਹੀਨਾਵਾਰ ਮੀਟਿੰਗ ਵਿੱਚ ਕਈ ਸ਼ਾਇਰਾਂ ਨੇ ਸੁਣਾਇਆ ਕਲਾਮ 

ਭੈਣੀ ਸਾਹਿਬ: 24 ਸਤੰਬਰ 2023: (ਗੁਰਸੇਵਕ ਸਿੰਘ  ਢਿੱਲੋਂ//ਇਨਪੁਟ-ਕਾਰਤਿਕਾ ਸਿੰਘ//ਸਾਹਿਤ ਸਕਰੀਨ ਡੈਸਕ)::

ਸ੍ਰੀ ਭੈਣੀ ਸਾਹਿਬ ਦੀ ਧਰਤੀ ਅਧਿਆਤਮਕ ਵਾਤਾਵਰਣ ਵਾਲੀ ਵੀ ਹੈ ਅਤੇ ਕੁਦਰਤ ਦੇ ਵੀ ਬਹੁਤ ਨੇੜੇ ਹੈ। ਇਥੇ ਉੱਠਦੀਆਂ ਤਰੰਗਾਂ ਦਿਲ ਦਿਮਾਗ ਦੀ ਨਿਰਥਰਕ ਜਿਹੀ ਭੱਜਦੌੜ ਨੂੰ ਇੱਕ ਵਾਰ ਬੜੀ ਹੀ ਸਹਿਜਤਾ ਨਾਲ ਰੋਕ ਦੇਂਦੀਆਂ ਹਨ। ਇਥੇ ਪਹੁੰਚ ਕੇ ਸੁਰਤਿ ਵੀ  ਜੁੜਦੀ ਹੈ ਅਤੇ ਮਨ ਵੀ ਸ਼ਾਂਤ ਹੁੰਦਾ ਹੈ। ਇਥੇ ਕਦੇ ਕਦੇ ਮਿਲਦਾ ਵੱਡੇ ਲੱਡੂ ਦਾ ਪ੍ਰਸ਼ਾਦ ਏਨਾ ਸੁਆਦ ਹੁੰਦਾ ਹੈ ਕਿ ਉਸਨੂੰ ਸ਼ਬਦਾਂ ਵਿਚ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਬੜੀ ਕੋਸ਼ਿਸ਼ ਵੀ ਕੀਤੀ ਪਰ ਅਜਿਹਾ ਲੱਡੂ ਬਾਹਰੋਂ ਕਿਤਿਓਂ ਨਹੀਂ ਮਿਲਦਾ। ਇਸ ਸ਼ਾਂਤ ਅਤੇ ਮਿਠਾਸ ਭਰੇ ਵਾਤਾਵਰਨ ਵਿਚ ਪਹੁੰਚ ਕੇ ਸਾਹਿਤ ਸਿਰਜਣਾ ਆਪ ਮੁਹਾਰੇ ਬਹੁੜਦੀ ਹੈ। ਸ਼ਾਇਦ ਇਸਦਾ ਕਾਰਨ ਇਹੀ ਕਿ ਆਧੁਨਿਕ ਵਿਕਾਸ ਦੇ ਬਾਵਜੂਦ ਇਸ ਅਸਥਾਨ ਦੇ ਅੰਦਰ ਕੁਦਰਤੀ ਨਜ਼ਾਰਿਆਂ ਨੂੰ ਕਦੇ ਵੀ ਨਸ਼ਟ ਨਹੀਂ ਹੋਣ ਦਿੱਤਾ ਗਿਆ।  ਇਥੇ ਪਹੁੰਚ ਕੇ ਜਦੋਂ ਅੰਦਰ ਬਣਾਏ ਗਏ ਮਿਨੀਏਚਰ ਪਾਰਕ ਦੇ ਮਿਊਜ਼ੀਅਮ ਵੱਲ ਨਜ਼ਰ ਮੈਰੀ ਤਾਂ ਨਾਮਧਾਰੀ ਕੁਰਬਾਨੀਆਂ ਦਾ ਉਹ ਇਤਿਹਾਸ ਇੱਕ ਵਾਰ ਫੇਰ ਅੱਖਾਂ ਸਾਹਮਣੇ ਸਾਕਾਰ ਹੋਇਆ ਲੱਗਦਾ ਹੈ ਜਿਵੇਂ ਗੁਜ਼ਰ ਚੁੱਕਿਆ ਸਮਾਂ ਫਿਰ ਪਰਤ ਆਇਆ ਹੋਵੇ। 

ਇਸ ਵਾਰ ਪੰਜਾਬੀ ਸਾਹਿਤ ਸਭਾ ਭੈਣੀ ਸਾਹਿਬ ਦੀ ਮਹੀਨਾਵਾਰ ਮੀਟਿੰਗ ਨਿਊ ਹਾਲ ਲਾਟੋਂ ਰੋਡ ਵਿਖੇ ਹੋਈ। ਸ਼ੁਰੂਆਤੀ ਦੌਰ ਵਿੱਚ ਹੇਠ ਪਹੁੰਚ ਕੇ ਜਿੱਥੇ ਸੂਰਤ ਆüਨੇ ਆਪ ਜੁੜਦੀ ਹੈ ਉੱਥੇ ਗਜ਼ਲਗੋ ਹਰਜਿੰਦਰ ਬੱਲ, ਉਭਰਦੇ ਗਾਇਕ ਅਰਮਾਨ ਸਿੱਧੂ, ਦੀ ਮੌਤ ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਤੇ ਸਭਾ ਵੱਲੋਂ ਸ਼ੋਕ ਮਤਾ ਪਾਇਆ ਗਿਫਿਰ ਪਰਤ ਆਇਆ ਹੋਏ। ਆ। ਗੀਤਕਾਰ ਬਾਪੂ ਦੇਵ ਥਰੀਕੇ ਵਾਲੇ ਨੂੰ ਉਹਨਾਂ ਦੇ 85 ਵੇਂ ਜਨਮ ਦਿਨ ਤੇ ਯਾਦ ਕੀਤਾ ਗਿਆ। 

ਰਚਨਾਵਾਂ ਦੇ ਦੌਰ ਵਿੱਚ ਅਨਿਲ ਫਤਿਹਗੜ੍ਹ ਜੱਟਾਂ ਨੇ, ਸੋਚ ਲਿਓ (ਗ਼ਜ਼ਲ) ਜਸਵੀਰ ਝੱਜ ਨੇ, ਹਰਿਆ ਬੂਟ ( ਗੀਤ )  ਗਜ਼ਲਗੋ ਸਰਦਾਰ ਪੰਛੀ ਨੇ, ਭਾਈ ਘਨ੍ਹਈਆ (ਗਜ਼ਲ) ਜੋਰਾਵਰ ਪੰਛੀ ਨੇ, ਨਦੀ ਮਿਲਕੇ ਸਮੰਦਰ ਹੋ ਗਈ (ਗਜ਼ਲ) ਕਰਨੈਲ ਸਿਵੀਆ ਨੇ, ਰੱਬ ਦਾ ਸ਼ੁਕਰ (ਗੀਤ) ਸ਼੍ਰੀ ਸੋਮਨਾਥ ਸਿੰਘ ਨੇ, ਮਾਂ ਬੋਲੀ (ਗੀਤ) ਬਲਵੰਤ ਸਿੰਘ ਵਿਰਕ ਨੇ, ਮਾਂ (ਗੀਤ) ਦਲਵੀਰ ਸਿੰਘ ਕਲੇਰ ਨੇ, ਮੈਂ ਸੰਨ ਸੰਤਾਲੀ ਹਾਂ, (ਗੀਤ) ਮਨਜੀਤ ਘਣਗਸ ਨੇ ਵਹਿਮ ਭਰਮ (ਗੀਤ) ਹਰਬੰਸ ਸਿੰਘ ਰਾਏ ਨੇ-ਅਵਾਰਾ ਕੁੱਤੇ ਨਾਮਕ (ਗੀਤ) ਗੁਰਸੇਵਕ ਸਿੰਘ ਢਿੱਲੋ ਨੇ ਦੇਵ ਥਰੀਕੇ ਵਾਲਾ (ਗੀਤ) ਨੇਤਰ ਸਿੰਘ ਮੁੱਤੋ ਨੇ-ਸੈਤਾਨ ਮਨ (ਕਵਿਤਾ) ਜਗਵੀਰ ਸਿੰਘ ਵਿੱਕੀ ਨੇ, ਪਸੰਦ (ਗੀਤ), ਜਗਦੇਵ ਮਕਸੂਦੜਾ ਨੇ-ਕਾਸ਼ (ਗਜ਼ਲ) ਸ਼ਿੰਦਰ ਕੌਰ ਦਿੱਲੀ ਨੇ, ਢੱਠਾ ਖੂਹ (ਕਵਿਤਾ), ਪੰਮੀ ਹਬੀਬ ਨੇ-ਦਾਲ ਕਰਾਰੀ ( ਮਿੰਨ੍ਹੀ ਕਹਾਣੀ ) ਹਜ਼ਾਰਾ ਸਿੰਘ ਗਿੱਲ ਨੇ ਗੜ੍ਹੀ ਚਮਕੌਰ ( ਕਵਿਤਾ ) ਜਗਜੀਤ ਸਿੰਘ ਕਮਾਂਡੋ ਨੇ, ਅਹਿਸਾਸ ( ਕਵਿਤਾ ) ਦਲਜੀਤ ਸਿੰਘ ਬਿੱਲੇ ਨੇ, ਮਾਂ ( ਗੀਤ ) ਤਰਨ ਬੱਲ ਨੇ (ਕਹਾਣੀ) ਆਦਿਕ ਰਚਨਾਵਾਂ ਪੇਸ਼ ਕੀਤੀਆਂ। 

ਇਸ ਮੀਟਿੰਗ ਦੌਰਾਨ ਪੜ੍ਹੀਆਂ ਸੁਣੀਆਂ ਰਚਨਾਵਾਂ ਤੇ ਗਜ਼ਲਗੋ ਸਰਦਾਰ ਪੰਛੀ, ਸ਼੍ਰੀ ਜਸਵੀਰ ਝੱਜ, ਗੀਤਕਾਰ ਕਰਨੈਲ ਸਿਵੀਆ, ਰਾਮਪੁਰ ਲਿਖਾਰੀ ਸਭਾ ਦੇ ਪ੍ਰਧਾਨ ਅਨਿਲ ਫਤਿਹਗੜ੍ਹ ਜੱਟਾਂ, ਗੁਰਸੇਵਕ ਸਿੰਘ ਢਿੱਲੋਂ, ਹਰਬੰਸ ਸਿੰਘ ਰਾਏ ਆਦਿਕ ਨੇ ਉਸਾਰੂ ਵਿਚਾਰ ਚਰਚਾ ਕੀਤੀ। ਕਹਾਣੀਕਾਰ ਤਰਨ ਬੱਲ ਤੇ ਜਗਵੀਰ ਸਿੰਘ ਵਿੱਕੀ ਨੇ ਸਭਾ ਦੀ ਕਾਰਵਾਈ ਨੂੰ ਬਹੁਤ ਖੂਬਸੂਰਤ ਤਰੀਕੇ ਨਾਲ ਚਲਾਇਆ। ਗੁਰਸੇਵਕ ਸਿੰਘ ਢਿੱਲੋਂ ਨੇ ਆਏ ਹੋਏ ਸਾਹਿਤਕਾਰਾਂ ਦਾ ਧੰਨਵਾਦ ਵੀ ਕੀਤਾ।

ਸਾਹਿਤ ਸਭਾ ਸ਼੍ਰੀ ਭੈਣੀ ਸਾਹਿਬ ਦੀ ਮਹੀਨਾਵਾਰ ਮੀਟਿੰਗ

Sunday:28th February 2021 at 08:20 PM WhatsApp 

ਵਿੱਛੜ ਗਿਆਂ ਨੂੰ ਸ਼ਰਧਾਂਜਲੀ ਦੇ ਨਾਲ ਨਾਲ ਸ਼ੇਅਰੋ ਸ਼ਾਇਰੀ ਵੀ ਹੋਈ 

ਸ੍ਰੀ ਭੈਣੀ ਸਾਹਿਬ; 28 ਫਰਵਰੀ 2021: (ਤਰਨ ਬੱਲ//ਸਾਹਿਤ ਸਕਰੀਨ)::

ਪੰਜਾਬੀ ਸਾਹਿਤ ਸਭਾ ਸ੍ਰੀ ਭੈਣੀ ਸਾਹਿਬ ਦੀ ਮਹੀਨਾਵਾਰ ਮੀਟਿੰਗ ਮਿਤੀ  28-2-2021 ਦਿਨ ਐਤਵਾਰ  ਨੂੰ ਸਭਾ ਦੀ ਲਾਇਬਰੇਰੀ ਵਿੱਚ ਪ੍ਰਧਾਨ ਗੁਰਸੇਵਕ ਸਿੰਘ ਢਿੱਲੋਂ ਦੀ ਹਾਜ਼ਰੀ ਵਿੱਚ ਹੋਈ।   ਪਿਛਲੇ ਦਿਨੀਂ ਇਸ ਫਾਨੀ  ਦੁਨੀਆਂ ਨੂੰ ਅਲਵਿਦਾ ਕਹਿ ਗਏ ਮਸ਼ਹੂਰ ਗਾਇਕ ਸਰਦੂਲ ਸਿਕੰਦਰ  ਦੀ ਮੌਤ ਤੇ ਗਹਿਰਾ ਦੁੱਖ ਪ੍ਰਗਟਾਇਆ ਗਿਆ ਅਤੇ ਦੋ ਮਿੰਟ ਦਾ ਮੌਨ ਰੱਖਿਆ ਗਿਆ। ਇਸ ਤੋਂ ਬਾਅਦ ਰਚਨਾਵਾਂ ਦੇ ਦੌਰ ਵਿੱਚ ਸਭ ਤੋਂ ਪਹਿਲਾਂ ਭੁਪਿੰਦਰ ਸਿੰਘ ਡਿਓਟ ਨੇ (ਲੇਖ) ਲੋਕ ਗੀਤਾਂ ਵਿੱਚ ਮੁਕਲਾਵਾ, ਸੁਖਬੀਰ ਸਿੰਘ ਮੋਹਾਲੀ ਨੇ (ਗੀਤ) ਤੂੰ ਕੁਫ਼ਰ ਤੋਲਦੀ ਦਿੱਲੀ ਏ, ਜਗਦੇਵ ਸਿੰਘ ਬਾਘਾ ਨੇ (ਗੀਤ) ਪੇਪਰਾਂ ਦੀ ਕਰ ਲਓ ਤਿਆਰੀ ਬੱਚਿਓ, ਜਗਵੀਰ ਸਿੰਘ ਵਿੱਕੀ ਨੇ (ਗੀਤ) ਸਾਡਾ ਇਕੱਠ ਵੇਖ ਕੇ, ਨੇਤਰ ਸਿੰਘ ਮੁੱਤੋਂ ਨੇ (ਮਿੰਨੀ ਕਹਾਣੀ) ਫੋਨ, ਹਰਬੰਸ ਸਿੰਘ ਮਾਲਵਾ ਨੇ (ਗੀਤ) ਚਾਚੇ ਦੀ ਕਮਾਨ, ਮੱਲ ਸਿੰਘ ਮੱਲ ਨੇ  (ਸ਼ਿਅਰ) ਗੱਲ ਕਰਨ ਦਾ ਢੰਗ ਅਤੇ ਤਰਨ ਬਲ ਨੇ ਕਵਿਤਾ ਪੇਸ਼ ਕੀਤੀ। ਪੜ੍ਹੀਆਂ ਗਈਆਂ ਰਚਨਾਵਾਂ ਤੇ ਉਸਾਰੂ ਵਿਚਾਰ ਚਰਚਾ ਕੀਤੀ ਗਈ।  ਦਲਜੀਤ ਸਿੰਘ ਰੰਧਾਵਾ, ਜਗਰੂਪ ਸਿੰਘ ਗਿੱਲ, ਗੰਗਾ ਸਿੰਘ ਢਿੱਲੋਂ ਆਦਿ ਨੇ ਮੀਟਿੰਗ ਵਿੱਚ ਸ਼ਿਰਕਤ ਕੀਤੀ। ਤਰਨ ਬੱਲ ਨੇ ਸਟੇਜ ਸਕੱਤਰ ਦੀ ਭੂਮਿਕਾ ਨਿਭਾਈ।

ਪੰਜਾਬੀ ਸਾਹਿਤ ਸਭਾ ਸ਼੍ਰੀ ਭੈਣੀ ਸਾਹਿਬ ਦੀ ਸਾਹਿਤਿਕ ਮੀਟਿੰਗ ਯਾਦਗਾਰੀ ਰਹੀ

ਇਸ ਵਾਰ ਕਵਿੱਤਰੀਆਂ ਨੇ ਵੀ ਸਰਗਰਮ ਭਾਗ ਲਿਆ

ਲੁਧਿਆਣਾ: 25 ਮਈ 2019:  (ਸਾਹਿਤ ਸਕਰੀਨ ਬਿਊਰੋ)::

ਗੱਲ ਭਾਵੇਂ ਮੌਸਮਾਂ ਦੇ  ਬਦਲਣ ਦੀ ਹੋਵੇ ਤੇ ਭਾਵੇਂ ਸਿਆਸੀ ਹਾਲਾਤਾਂ ਦੀ ਬਿਨਾ ਰੁਕੇ ਆਪਣੀ ਮਸਤ ਚਾਲੇ ਤੁਰੇ ਜਾਣਾ ਆਸਾਨ ਨਹੀਂ ਹੁੰਦਾ। ਇਹਨਾਂ ਸਾਰੇ ਨਾਜ਼ੁਕ ਹਾਲਾਤਾਂ ਦਾ ਕਰਦਿਆਂ ਪੰਜਾਬੀ ਸਾਹਿਤ ਸਭਾ ਸ੍ਰੀ ਭੈਣੀ ਸਾਹਿਬ ਨਿਰੰਤਰ ਹਰ ਮਹੀਨੇ ਆਪਣੀ ਬੈਠਕ ਪੂਰੀ ਸ਼ਾਨ-ਓ-ਸ਼ੌਕਤ ਨਾਲ ਕਰਦੀ ਹੈ। ਅੱਜ ਦੀ ਸਾਹਿਤਕ ਇਕੱਤਰਤਾ ਵੀ ਯਾਦਗਾਰੀ ਰਹੀ। ਮੀਟਿੰਗ ਦੇ ਆਰੰਭ ਵਿੱਚ ਦੇਸ਼ ਅਤੇ ਸੂਬੇ ਦੇ ਮੌਜੂਦਾ ਹਾਲਾਤਾਂ ਦੀ ਚਰਚਾ ਹੋਈ ਅਤੇ ਇਸਤੋਂ ਬਾਅਦ ਕਵੀਸ਼ਰੀ ਦਾ ਰੰਗ ਛਾਇਆ। ਕਵੀਸ਼ਰੀ ਦਾ ਰੰਗ ਬੰਨਿਆ ਬੁੱਢੇਵਾਲ ਤੋਂ ਆਏ ਕਵੀਸ਼ਰ ਅਮਰੀਕ ਸਿੰਘ ਮਦਨਪੁਰੀ ਅਤੇ ਸੁਰਜੀਤ ਸਿੰਘ ਮਦਨਪੁਰੀ ਦੇ ਜੱਥੇ ਨੇ। ਕਵੀਸ਼ਰੀ ਦਾ ਇਹ ਸਾਹਿਤਿਕ ਰੰਗ ਅੱਜਕਲ ਅਲੋਪ ਹੁੰਦਾ ਜਾ ਰਿਹਾ ਹੈ ਇਸ ਲਈ ਹਾਜ਼ਰ ਸਾਹਿਤਿਕ ਸ਼ਖਸੀਅਤਾਂ ਨੇ ਇਸ ਰੰਗ ਅਤੇ ਇਸ ਵਿਰਾਸਤ ਨੂੰ ਬਚਾਉਣ ਲਈ ਕੀਤੇ ਜਾਂਦੇ ਉਪਰਾਲਿਆਂ ਦੀ ਵੀ ਬਹੁਤ ਸ਼ਲਾਘਾ ਕੀਤੀ। ਕੁਝ ਸਮਾਂ ਲੰਘ ਜਾਣ ਉਪਰੰਤ ਕਵੀਸ਼ਰੀ ਦੇ ਅਜਿਹੇ ਆਯੋਜਨਾਂ ਦਾ ਬਹੁਤ ਮੁੱਲ ਪਵੇਗਾ ਅਤੇ ਇਸਦੀਆਂ ਵੀਡੀਓ ਰਿਕਾਰਡਿੰਗਾਂ ਲੱਭਿਆ ਕਰਨਗੇ। ਸ੍ਰੀ ਭੈਣੀ ਸਾਹਿਬ ਵਿਖੇ ਸਾਹਿਤ ਅਤੇ ਸੱਭਿਆਚਾਰ ਦੇ ਸੰਭਾਲ ਦੇ ਨਾਲ ਨਾਲ ਇਹ ਬਹੁਤ ਹੀ ਖਾਸ ਕੰਮ ਹੋ ਰਿਹਾ ਹੈ।  

ਇਸ ਦੇ ਨਾਲ ਹੀ ਅੱਜ ਕੱਲ੍ਹ ਦੀ ਵਿਦਿਅਕ ਸਥਿਤੀ ਬਾਰੇ ਵੀ ਚਰਚਾ ਹੋਈ। ਮਹਿੰਗੀ ਹੋ ਰਹੀ ਸਿੱਖਿਆ ਦੇ ਦੌਰ ਵਿੱਚ ਵੀ ਕਾਬਲੀਅਤ ਨੂੰ ਬਚਾਉਣਾ ਅਤੇ ਵਧਾਉਣਾ ਬਡ਼ਾ ਮੁਸ਼ਕਿਲ ਕੰਮ ਹੈ। ਇਸ ਚਰਚਾ ਚਰਚਾ ਦੌਰਾਨ ਜਗਦੀਸ਼ ਸਿੰਘ ਅਤੇ ਰਾਜਿੰਦਰ ਕੌਰ ਪੰਨੂੰ ਦੇ ਬੇਟੇ ਜਸਪਾਲ ਸਿੰਘ ਨੂੰ ਦੱਸਵੀਂ ਦੀ ਪ੍ਰੀਖਿਆ ਚੋਣ 93% ਨੰਬਰ ਲੈਣ ਤੇ ਵਧਾਈ ਦਿੱਤੀ ਗਈ। ਉਸਦੇ ਪਰਿਵਾਰ ਨੇ ਉਸਦੀ ਇਸ ਵਿਦਿਅਕ ਸਫਲਤਾ ਦੇ ਰਾਜ ਵੀ ਸਾਂਝੇ ਕੀਤੇ ਅਤੇ ਦੱਸਿਆ ਕਿ ਚੰਗੇ ਨੰਬਰਾਂ ਲਈ ਬੱਚਿਆਂ ਨੂੰ ਹਰ ਤਰਾਂ ਦੇ ਮਾਨਸਿਕ ਦਬਾਅ ਤੋਂ ਬਚਾ ਕੇ ਰੱਖਣਾ ਬਹੁਤ ਜ਼ਰੂਰੀ ਹੈ। 

ਇਸ ਉਪਰੰਤ ਸ਼ੁਰੂ ਹੋਇਆ ਸਾਹਿਤਿਕ ਰੰਗ। ਅੱਜ ਦੀ ਇਸ ਬੈਠਕ ਵਿੱਚ ਕਵਿੱਤਰੀਆਂ ਦੀ ਗਿਣਤੀ ਵੀ ਬਹੁਤ ਜ਼ਿਆਦਾ ਸੀ। ਬੈਠਕ ਵਿੱਚ ਹਾਜ਼ਰ ਸ਼ਾਇਰਾਂ ਵਿੱਚੋਂ ਬਲਬੀਰ ਸਿੰਘ ਬੱਬੀ, ਲੋਕ ਗਾਇਕ ਜਗਤਾਰ ਸਿੰਘ ਰਾਈਆਂ  ਵਾਲਾ, ਹਰਬੰਸ ਸਿੰਘ ਰਾਏ, ਬਲਰਾਜ ਬਾਜਵਾ, ਜਗਦੇਵ ਸਿੰਘ ਬਾਘਾ, ਰਾਜਿੰਦਰ ਕੌਰ ਪੰਨਣੁ, ਸੁਖਦੇਵ ਸਿੰਘ ਚੁੰਨੀ, ਸੁਲੱਖਣ ਸਿੰਘ ਅਟਵਾਲ, ਕੁਲਵਿੰਦਰ ਕੌਰ ਕਿਰਨ, ਸਿਮਰਜੀਤ ਕੌਰ ਧੁੱਗਾ, ਜਤਿੰਦਰ ਕੌਰ ਸੰਧੂ,ਸਵਿੰਦਰ ਸਿੰਘ ਲੁਧਿਆਣਾ, ਦਰਸ਼ਨ ਸਿੰਘ ਖੰਨਾ, ਭਗਵੰਤ ਸਿੰਘ , ਨੇਤਰ ਸਿੰਘ ਮੁੱਤੋਂ, ਹਰਬੰਸ ਸਿੰਘ ਸ਼ਾਨ ਬਗਲੀ, ਤਰਨ ਸਿੰਘ ਬੱਲ, ਬਲਦੇਵ ਸਿੰਘ ਵਿਰਕ ਅਤੇ ਹੋਰਾਂ ਨੇ  ਕੀਤਾ। 

ਪੜ੍ਹੀਆਂ ਗਈਆਂ ਰਚਨਾਵਾਂ 'ਤੇ ਉਸਾਰੂ ਬਹਿਸ ਵੀ ਹੋਈ। ਸ਼੍ਰੀ ਸੁਰਿੰਦਰ ਰਾਮਪੁਰੀ, ਕੇਂਦਰੀ ਲੇਖਕ ਸਭ ਦੇ ਮੀਤ ਪ੍ਰਧਾਨ-ਜਸਵੀਰ ਝੱਜ, ਸੁਰਜੀਤ ਵਿੱਛਡ਼, ਹਰਬੰਸ ਸਿੰਘ ਮਾਲਵਾ, ਕਵੀਸ਼ਰ ਗੁਰਸੇਵਕ ਸਿੰਘ ਢਿੱਲੋਂ ਨੇ ਵੀ ਵਿਚਾਰ ਚਰਚਾ ਵਿੱਚ ਸਰਗਰਮ ਹਿੱਸਾ ਲਿਆ। ਪੰਜਾਬੀ ਸਾਹਿਤ ਸਭ ਜਰਨਾਮ ਪੂਰਾ ਤੋਂ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਸ਼੍ਰੀ ਸੋਮਨਾਥ ਜੀ ਦੀ ਹਾਜ਼ਰੀ ਨੇ ਮੀਟਿੰਗ ਨੂੰ ਚਾਰ ਚੰਨ ਲੈ ਦਿੱਤੇ। ਕਵੀਸ਼ਰ ਗੁਰਸੇਵਕ ਸਿੰਘ ਢਿੱਲੋਂ ਨੇ ਆਏ ਹੋਏ ਲੇਖਕਾਂ ਦਾ ਤਹਿਦਿਲੋਂ ਧੰਨਵਾਦ ਵੀ ਕੀਤਾ। ਕੁੱਲ ਮਿਲਾ ਕੇ ਅੱਜ ਦਾ ਸਾਹਿਤਕ ਆਯੋਜਨ ਵੀ ਯਾਦਗਾਰੀ ਰਿਹਾ।