19:34, 10/1/2018] Dr Arvinder K Kaakra: Whats App
ਉਹ ਨਿਵੇਕਲੀ ਕਾਵਿ ਸ਼ੈਲੀ ਲੈ ਕੇ ਆ ਰਿਹਾ ਹੈ-ਡਾ.ਅਰਵਿੰਦਰ ਕੌਰ ਕਾਕੜਾ
ਲਿਖਿਆ ਤਾਂ ਬਹੁਤ ਕੁਝ ਜਾ ਰਿਹਾ ਹੈ ਪਰ ਬਹੁਤ ਘੱਟ ਸਾਹਿਤ ਅਜਿਹਾ ਹੈ ਜਿਹੜਾ ਲੋਕੰਦੀ ਗੱਲ ਕਰੇ-ਸਮਾਜ ਦੀ ਗੱਲ ਕਰੇ। ਅਜਿਹੇ ਇੱਕ ਸ਼ਾਇਰ ਬਾਰੇ ਜਾਣ ਪਛਾਣ ਕਰਵਾ ਰਹੇ ਡਾਕਟਰ ਅਰਵਿੰਦਰ ਕੌਰ ਕਾਕੜਾ। ਇਸ ਵਾਰ ਗੱਲ ਕਰ ਰਹੇ ਹਾਂ ਕੁਲਵਿੰਦਰ ਵਿਰਕ ਦੀ। ਡਾਕਟਰ ਕਾਕੜਾ ਦਾ ਕਹਿਣਾ ਹੈ: ਕੁਲਵਿੰਦਰ ਵਿਰਕ ਪੰਜਾਬੀ ਵਿੱਚ ਕਾਵਿ ਸਿਰਜਣਾ 'ਚ ਨਿਰੰਤਰ ਕਾਰਜਸ਼ੀਲ ਹੈ ਸਮਾਜਿਕ ਵਿਸੰਗਤੀਅਾਂ ਨੂੰ ਪੇਸ਼ਕਾਰੀ ਵਿੱਚ ੳੁਸ ਦੇ ਛੋਟੇ ਛੋਟੇ ਖਿਅਾਲ ਵੱਡੇ ਮਸਲੇ ਨੂੰ ਵੀ ਕਲਾਵੇ ਲੈਂਦੇ ਹਨ। ੳੁਹ ਸੰਵਦੇਨਾਮੁਖੀ ਸੁਰ ੳੁਭਾਰਦਾ ਹੋੲਿਅਾ ਅਾਪਣੇ ਵਿਲੱਖਣ ਖਿਅਾਲਾਂ ਨਾਲ ਕਾਵਿ ੳੁਡਾਰੀ ਭਰਦਾ ਹੈ। ਅਜਿਹੇ ਵਲਵਲਿਅਾਂ ਦੀ ਤਸਵੀਰ ਪੇਸ਼ ਹੈ ਕੁਲਵਿੰਦਰ ਵਿਰਕ ਦੀਆਂ ਕਾਵਿ ਰਚਨਾਵਾਂ ਵਿੱਚ। ਕੁਲਵਿੰਦਰ ਕਾਵਿ ਦੀਆਂ ਨਵੀਆਂ ਪੈੜਾਂ ਤਰਾਸ਼ਦਾ ਹੋਇਆ ਆਪਣੇ ਕਾਵਿ ਸਫ਼ਰ ਵਿੱਚ ਨਿਵੇਕਲੀ ਕਾਵਿ ਸ਼ੈਲੀ ਲੈ ਕੇ ਆ ਰਿਹਾ ਹੈ ਉਸ ਨੇ ਅਜੇ ਕਾਵਿ ਸਫ਼ਰ ਸ਼ੁਰੂ ਕੀਤਾ ਹੈ ਉਹ ਇੱਕ ਸੰਭਾਵਨਾ ਪੂਰਕ ਵੀ ਹੈ ਜਿੱਥੇ ਉਹ ਸਮਾਜਿਕ ਸਰੋਕਾਰਾਂ ਨਾਲ ਲਬਰੇਜ਼ ਕਵਿਤਾ ਲਿਖਦਾ ਹੈ। --ਡਾ. ਅਰਵਿੰਦਰ ਕੌਰ ਕਾਕੜਾ
1. ਮੈਂ
'ਮੈਂ'-
ਜੇ ਸਮਰੱਥਾ,
ਸੰਭਾਵਨਾਵਾਂ ਭਰਪੂਰ,
ਸਾਕਾਰਾਤਮਕ ਸੋਚ,
ਕਲਾ ਦਾ ਪ੍ਗਟਾਅ,
ਸਮਾਜਿਕ ਅਤੇ
ਸੱਭਿਅਤਾ ਦਾ ਪ੍ਤੀਕ ਹੋਵੇ....
ਤਾਂ 'ਮੈ'
ਐਨੀ ਬੁਰੀ ਵੀ ਨਹੀਂ ਹੁੰਦੀ... ...!!
2. ਸੋਚ
ਵਫ਼ਾ -
ਮਜਬੂਰੀਆਂ ਹੇਠ ਦੱਬ ਵੀ ਸਕਦੀ ਹੈ...
ਵਾਅਦਿਆਂ 'ਤੇ
ਜੋ ਵਫ਼ਾ ਨਹੀਂ ਹੁੰਦੇ -
ਇਲਜ਼ਾਮ ਦੀ ਮੋਹਰ ਨਾ ਲਾਈਏ...
ਸਮੇਂ ਨੂੰ
ਸ਼ਿਕਵਿਆਂ ਤੋਂ ਸੁਰਖ਼ੁਰੂ ਕਰ ਦੇਈਏ...!
ਆਓ!
ਆਪਣੀ ਸੋਚ ਨੂੰ ਬਦਲੀਏ
ਤੇ ਮਨਾਂ ਦੇ ਭਾਰ
ਨਜ਼ਮਾਂ ਹਵਾਲੇ ਕਰ ਦੇਈਏ.... !!
3. ਪਰਿਭਾਸ਼ਾ
ਇੱਕ -ਦੋ ਸਤਰਾਂ ਨਾਕਾਫੀ ਹਨ
ਮਾਂ ਅਤੇ ਘਰ ਨੂੰ
ਪਰਿਭਾਸ਼ਿਤ ਕਰਨ ਲਈ...
ਮਾਂ ,
ਅਤੇ ਘਰ ਦੇ
ਬੜੇ ਗਹਿਰੇ ,ਬੜੇ ਵਿਸ਼ਾਲ ਅਰਬ
ਖੰਡ ਤੋਂ ਅਖੰਡ ਤੀਕ
ਬਿੰਦੂ ਤੋਂ ਬ੍ਰਹਿਮੰਡ ਤੀਕ ...!!
4. ਉਦਾਸ ਬਿਰਖ
ਉਦਾਸ ਬਿਰਖਾਂ ਦੇ
ਖਾਮੋਸ਼ ਪੱਤੇ,
ਧੁਖਦੀਆਂ ਛਾਵਾਂ,
ਘੁਟਣ ਮਹਿਸੂਸ ਕਰਦੀਆਂ ਜੜ੍ਹਾਂ,
ਧੁਆਂਖੇ ਫੁੱਲ ....
ਅੈ ਹਵਾਓ !
ਅੈਸੇ ਉਦਾਸ ਬਿਰਖਾਂ ਦੇ ਨਾਂ
ਮੈਂ ਕਿਹੜੇ ਸ਼ਬਦ ਕਰਾਂ..... ??
----ਕੁਲਵਿੰਦਰ ਵਿਰਕ
